ਆ ਮਾਮੀ ਤੂੰ ਨੱਚ ਮਾਮੀ,
ਤੂੰ ਦੇਦੇ ਸ਼ੌਂਕ ਦਾ ਗੇੜਾ
ਆ ਮਾਮੀ ਤੂੰ ਨੱਚ ਮਾਮੀ,
ਤੂੰ ਦੇਦੇ ਸ਼ੌਂਕ ਦਾ ਗੇੜਾ
ਜੇ ਤੂੰ ਬਾਹਲੀ ਨਖਰੋ,
ਨੀ ਤੂੰ ਨੱਚ ਨੱਚ ਪੱਟ ਦੇ ਵੇਹੜਾ
ਜੇ ਤੂੰ ਬਾਹਲੀ ਨਖਰੋ
ਨੀ ਤੂੰ ਨੱਚ ਨੱਚ ਪੱਟ ਦੇ ਵੇਹੜਾ।
ਮੈਂ ਤੇ ਜਠਾਣੀ ਦੋਵੇਂ ਤੀਰਥਾਂ ਨੂੰ ਚੱਲੀਆਂ,
ਜੇਠ ਖੜ੍ਹਾ ਪੁੱਛੇ,
ਦੋਵੇਂ ਕੱਲੀਆਂ ਕਿਉਂ ਚੱਲੀਆਂ।
ਟਾਈਮ ਗੱਡੀ ਦਾ ਹੋਣ ਲੱਗਿਆ,
ਨੀ ਜੇਠ ਮਾਰ ਕੇ,
ਚੌਂਕੜਾ ਰੋਣ ਲੱਗਿਆ।
ਊਠਾਂ ਵਾਲਿਓ ਵੇ,
ਊਠ ਲੱਦੇ ਨੇ ਜਲੰਧਰ ਨੂੰ।
ਨਿੱਤ ਦਾਰੂ ਪੀਵੇ,
ਮੱਤ ਦਿਓ ਵੇ ਕੰਜਰ ਨੂੰ।
ਆਰੀ-ਆਰੀ-ਆਰੀ,
ਮੈਨੂੰ ਕਹਿੰਦਾ ਦੁੱਧ ਲਾਹ ਦੇ,
ਮੈਂ ਲਾਹ ਤੀ ਕਾੜ੍ਹਨੀ ਸਾਰੀ।
ਮੈਨੂੰ ਕਹਿੰਦਾ ਖੰਡ ਪਾ ਦੇ,
ਮੈਂ ਲੱਪ ਮਿਸਰੀ ਦੀ ਮਾਰੀ।
ਨਣਦੇ ਕੀ ਪੁੱਛਦੀ,
ਤੇਰੇ ਵੀਰ ਨੇ ਮਾਰੀ।
ਨੱਕ ਵਿੱਚ ਤੇਰੇ ਲੌਂਗ ਤੇ ਮਛਲੀ, ਮੱਥੇ ਚਮਕੇ ਟਿੱਕਾ,
ਨੀ ਤੇਰੇ ਮੂਹਰੇ ਚੰਨ ਅੰਬਰਾਂ ਦਾ, ਲੱਗਦਾ ਫਿੱਕਾ ਫਿੱਕਾ।
ਨੀ ਹੱਥੀਂ ਤੇਰੇ ਛਾਂਪਾਂ ਛੱਲੇ, ਬਾਹੀਂ ਚੂੜਾ ਛਣਕੇ,
ਨੀ ਫੇਰ ਕਦੋਂ ਨੱਚੇਂਗੀ, ਨੱਚ ਲੈ ਪਟੋਲਾ ਬਣਕੇ।
ਨੀ ਫੇਰ…
ਨੀ ਹੱਥੀਂ ਤੇਰੇ ਛਾਂਪਾਂ ਛੱਲੇ,
ਬਾਂਹੀ ਚੂੜਾ ਛਣਕੇ।
ਨੀ ਫਿਰ ਕਦੋਂ ਨੱਚੇਂਗੀ,
ਨੱਚ ਲੈ ਪਟੋਲਾ ਬਣਕੇ।
ਨੀ ਫਿਰ ਕਦੋਂ ਨੱਚੇਂਗੀ...
ਊਰੀ ਊਰੀ ਊਰੀ,
ਨੀ ਅੱਜ ਦਿਨ ਸ਼ਗਨਾਂ ਦਾ,
ਨੱਚ ਨੱਚ ਹੋਜਾ ਦੂਹਰੀ।
ਨੀ ਅੱਜ ….
ਤਿੱਖਾ ਨੱਕ ਲਹੌਰੀ ਕੋਕਾ,
ਝੁਮਕੇ ਲੈਣ ਹੁਲਾਰੇ,
ਨੱਚਦੀ ਮੇਲਣ ਦੇ,
ਪੈਂਦੇ ਨੇ ਚਮਕਾਰੇ।
ਨੱਚਦੀ ……
ਊਰੀ ਊਰੀ ਊਰੀ,
ਨੱਚਦੀ ਕਾਹਤੋਂ ਨੀ,
ਕਿ ਮਾਲਕ ਨੇ ਘੂਰੀ।
ਨੱਚਦੀ…
ਨੱਚਣ ਜਾਣਦੀ ਗਾਉਣ ਜਾਣਦੀ,
ਮੈਂ ਨਾ ਕਿਸੇ ਤੋਂ ਹਾਰੀ।
ਨੀ ਉੱਧਰ ਰੁਮਾਲ ਹਿੱਲਿਆ,
ਮੇਰੀ ਇੱਧਰ ਹਿੱਲੀ ਫੁਲਕਾਰੀ।
ਨੀ ਉੱਧਰ...
ਜੇ ਤੂੰ ਸੁਨਿਆਰੇ ਕੋਲੋਂ ਨੱਤੀਆਂ ਕਢਾਉਣੀਆਂ,
ਜੇ ਤੂੰ ਸੁਨਿਆਰੇ ਕੋਲੋਂ ਨੱਤੀਆਂ ਕਢਾਉਣੀਆਂ,
ਸਾਨੂੰ ਵੀ ਕਢਾ ਦੇ ਗੁੱਟ ਮੁੰਡਿਆ ਨਹੀਂ ਤਾਂ ਜਾਣਗੇ,
ਨਹੀਂ ਤਾਂ ਜਾਣਗੇ ਮੁਲਾਹਜ਼ੇ ਟੁੱਟ ਮੁੰਡਿਆ ਨਹੀਂ ਤਾਂ ਜਾਣਗੇ...
ਨਿੱਕੀ ਨਿੱਕੀ ਕਣੀ ਦਾ ਮੀਂਹ ਵਰ੍ਹਦਾ,
ਗੋਡੇ ਗੋਡੇ ਗਾਰਾ।
ਧੋਤੀ ਚੁੱਕ ਲੈ ਵੇ,
ਪਤਲੀ ਨਾਰ ਦਿਆ ਯਾਰਾ।