ਪੰਜਾਬੀ ਚੁਟਕਲਿਆਂ ਦਾ ਸੰਗ੍ਰਹਿ

ਬਿਹਾਰੀ ਦੀਆਂ ਲੱਤਾਂ ਨੀਲੀਆਂ ਹੋ ਗਈਆਂ। ਓਹ ਡਾਕਟਰ ਸ਼ਰਮਾ ਕੋਲ ਗਿਆ। 
ਡਾਕਟਰ ਸ਼ਰਮਾ: ਜਹਿਰ ਦਾ ਅਸਰ ਲਗਦਾ ਹੈ, ਦੋਵੇਂ ਲੱਤਾਂ ਵੱਢਣੀਆਂ ਪੈਣਗੀਆਂ। ਡਾਕਟਰ ਸ਼ਰਮਾ ਨੇ ਬਿਹਾਰੀ ਦੀਆਂ ਦੋਵੇਂ ਲੱਤਾਂ ਵੱਢ ਕੇ ਨਕਲੀ ਲੱਤਾਂ ਲਾ ਦਿੱਤੀਆਂ ।
ਦੋ ਦਿਨ ਬਾਅਦ ਬਿਹਾਰੀ ਫੇਰ ਡਾਕਟਰ ਸ਼ਰਮਾ ਕੋਲ ਆਇਆ। ਬਿਹਾਰੀ ਨੇ ਕਿਹਾ ਕਿ ਡਾਕਟਰ ਸਾਬ ਲੱਤਾਂ ਫੇਰ ਨੀਲੀਆਂ ਹੋ ਗਈਆਂ। 
ਡਾਕਟਰ ਸ਼ਰਮਾ: ਲੈ ਹੁਣ ਪਤਾ ਲੱਗ ਗਿਆ ਮੈਨੂੰ ਤੇਰੀ ਸਮੱਸਿਆ ਦਾ, ਤੇਰੀ ਧੋਤੀ ਦਾ ਰੰਗ ਲੱਥਦਾ ਹੈ।    

ਪਤਨੀ – ਕਿਵੇਂ ਦੀ ਲੱਗ ਰਹੀ ਹਾਂ, ਹੁਣੇ-ਹੁਣੇ ਬਿਊਟੀ ਪਾਰਲਰ ਤੋਂ ਆਈ ਹਾਂ…
ਪਤੀ – ਕੀ ਗੱਲ ਬਿਊਟੀ ਪਾਰਲਰ ਬੰਦ ਸੀ…?

ਬਾਪੂ ਕਹਿੰਦਾ ਦਿਲ ਮੇਰਾ ਨਹੀਂ ਲੱਗਦਾ,
ਤੂੰ ਜਦੋਂ ਦੀ ਇੰਡੀਆ ਛੱਡੀ ਆ,
ਕਾਕਾ ਫੋਨ ਭੇਜ ਇੰਗਲੈਂਡ ਤੋਂ ਤੂੰ,
ਜੀਹਦੇ ਸੇਬ ਤੇ ਦੰਦੀ ਵੱਢੀ ਆ।

ਪਤੀ - ਅੱਜ ਬਾਹਰ ਖਾਣਾ ਖਾਵਾਂਗੇ।
ਪਤਨੀ - ਠੀਕ ਹੈ ਮੈਂ 2 ਮਿੰਟ ਵਿੱਚ ਤਿਆਰ ਹੋ ਕੇ ਆਈ।
ਪਤੀ - ਠੀਕ ਹੈ ਮੈਂ ਬਾਹਰ ਚਟਾਈ ਵਿਛਾਂਦਾ ਹਾਂ । 😄😄 😀😀😀
 

ਕ੍ਰਿਕਟ ਦੇ ਬੱਲੇਬਾਜ਼ ਦੀ ਨਿਗ੍ਹਾ ਬਹੁਤ ਕਮਜ਼ੋਰ ਸੀ। ਮੈਚ ਤੋਂ ਪਹਿਲਾਂ ਉਸ ਦੀ ਐਨਕ ਅਚਾਨਕ ਗੁੰਮ ਹੋ ਗਈ। ਫਿਰ ਵੀ ਉਹ ਹਿੰਮਤ ਕਰਕੇ ਬੱਲੇਬਾਜ਼ੀ ਕਰਨ ਲਈ ਮੈਦਾਨ ਵਿਚ ਪਹੁੰਚ ਗਿਆ। ਗੇਂਦ ਸੁੱਟਣ ਵਾਲਾ ਗੇਂਦਬਾਜ਼ ਬੜਾ ਫਾਸਟ ਬਾਲਰ ਸੀ। ਉਸ ਦੀਆਂ ਪੰਜ ਗੇਂਦਾਂ ‘ਸ਼ੂੰ’ ਕਰਕੇ ਆਈਆਂ ਤੇ ਨਿਕਲ ਗਈਆਂ। ਬੱਲੇਬਾਜ਼ ਨੂੰ ਦਿਖਾਈ ਹੀ ਨਾ ਦਿੱਤੀਆਂ। 
6ਵੀਂ ਗੇਂਦ ’ਤੇ ਉਹ ਚੀਕ ਕੇ ਅੰਪਾਇਰ ਨੂੰ ਕਹਿਣ ਲੱਗਾ, ‘ਇਹ ਕੀ ਹੋ ਰਿਹਾ ਹੈ? ਬਾਲਰ ਪੂਰੇ ਜ਼ੋਰ ਨਾਲ ਦੌੜਦਾ ਆਉਂਦਾ ਹੈ ਪਰ ਬਾਲ ਸੁੱਟੇ ਬਗੈਰ ਹੀ ਵਾਪਸ ਚਲਾ ਜਾਂਦਾ ਹੈ।’

ਭੋਲਾ : ਤੈਨੂੰ ਐਨੀ ਮਾਰ ਕਿਓਂ ਪਈ? 
ਪੱਪੂ : ਕੱਲ ਬਰਾਤ ਵਿਚ ਬੋਲੀ ਗਲਤ ਪੈ ਗਈ ਸੀ.......? 
ਭੋਲਾ : ਕੇਹੜੀ......? 
ਪੱਪੂ : 'ਬਾਰੀ ਬਰਸੀ ਖੱਟਣ ਗਿਆ ਸੀ ਖੱਟ ਕੇ ਲਿਆਂਦੀ ਤਾਰ, ਭੰਗੜਾ ਤਾਂ ਸਜਦਾ-ਜੇ ਨੱਚੇ ਕੁੜੀ ਦਾ ਯਾਰ....? 
ਭੋਲਾ : ਫਿਰ ਤਾਂ ਮਾਰ ਪੈਣੀ ਹੀ ਸੀ .....। 
ਪੱਪੂ : ਮੈਨੂੰ ਤਾਂ ਸਿਰਫ ਮਾਰ ਹੀ ਪਈ , ਜੇਹੜਾ ਨੱਚਿਆ ਸੀ ਉਹਦਾ ਪਰਸੋਂ ਭੋਗ ਹੈ........!!

ਇੱਕ ਬਰਬਾਦ ਹੋਏ ਸ਼ਰਾਬੀ ਨੇ ਸੌਂਹ ਖਾਧੀ ਤੇ ਘਰ ਚੋਂ ਦਾਰੂ ਦੀਆਂ ਖਾਲੀ ਬੋਤਲਾਂ ਬਾਹਰ ਸੁੱਟਣ ਲੱਗਾ.. ਪਹਿਲੀ ਬੋਤਲ ਸੁੱਟ ਕੇ ਬੋਲਿਆ- ਤੇਰੀ ਵਜ੍ਹਾ ਨਾਲ ਮੇਰੀ ਨੌਕਰੀ ਗਈ..! ਦੂਜੀ ਬੋਤਲ ਸੁੱਟ ਕੇ ਬੋਲਿਆ- ਤੇਰੀ ਵਜ੍ਹਾ ਨਾਲ ਮੇਰਾ ਘਰ ਵਿਕਿਆ..!! ਤੀਜੀ ਬੋਤਲ ਸੁੱਟ ਕੇ ਬੋਲਿਆ- ਤੇਰੀ ਵਜ੍ਹਾ ਨਾਲ ਮੇਰੀ ਘਰਵਾਲੀ ਚਲੀ ਗਈ..!!! ਚੌਥੀ ਬੋਤਲ ਚੁੱਕੀ ਤਾਂ ਭਰੀ ਹੋਈ ਸੀ ਤੇ ਉਹ ਬੋਲਿਆ- ਤੂੰ ਸਾਈਡ ਤੇ ਹੋ ਜਾ, ਤੂੰ ਤਾਂ ਹਾਲੇ ਬੇਕਸੂਰ ਏਂ...

ਮਾਸਟਰ: ਬੱਚਿਓ ਦੱਸੋ ਬੱਦਲ ਕਾਲੇ ਕਿਓਂ ਹੁੰਦੇ ਨੇ?
ਸ਼ਰਾਰਤੀ ਬੱਚਾ: ਸਾਰੀ ਦਿਹਾੜੀ ਧੁੱਪ ਵਿੱਚ ਘੁੰਮਦੇ ਰਹਿੰਦੇ ਨੇ ਕਾਲੇ ਨੀ ਹੋਣਗੇ ਤਾਂ ਹੋਰ ਕੀ ਹੋਣਗੇ।

ਇੱਕ ਬੱਸ ਵਿੱਚ ਇੱਕ ਬੰਦਾ ਸਿਗਰਟ ਪੀ ਰਿਹਾ ਸੀ। ਕੰਡਕਟਰ ਉਸ ਕੋਲ ਆਇਆ ਤੇ ਬੋਲਿਆ, ਭਾਈ ਸਾਹਿਬ! ਤੁਸੀਂ ਬੱਸ ਵਿੱਚ ਲਿਖਿਆ ਬੋਰਡ ਨਹੀਂ ਪੜ੍ਹਿਆ, ਜਿਥੇ ਲਿਖਿਆ ਹੈ- ਸਿਗਰਟ ਪੀਣਾ ਮਨ੍ਹਾ ਹੈ। 
ਆਦਮੀ ਬੋਲਿਆ, ‘ਬੋਰਡ ’ਤੇ ਤਾਂ ਇਹ ਵੀ ਲਿਖਿਆ ਹੈ ਕਿ ਬਨਾਰਸੀ ਸਾੜੀਆਂ ਪਾਓ, ਕੀ ਹੁਣ ਮੈਂ ਬਨਾਰਸੀ ਸਾੜੀਆਂ ਵੀ ਪਾਵਾਂ।’

ਸੰਤੇ ਨੇ ਫਾਈਨਾਂਸ ਤੇ ਕਾਰ ਲਈ, ਪਰ ਉਹ ਕਿਸ਼ਤਾਂ ਸਮੇਂ ਤੇ ਨਾ ਭਰ ਸਕਿਆ ਜਿਸ ਕਰਕੇ ਫਾਇਨਾਂਸ ਵਾਲੇ ਉਸਦੀ ਕਾਰ ਚੁੱਕ ਕੇ ਲੈ ਗਏ ! ਸੰਤੇ ਨੇ ਮੱਥੇ 'ਤੇ ਹੱਥ ਮਾਰ ਕੇ ਕਿਹਾ, ਜੇ ਮੈਨੂੰ ਪਹਿਲਾਂ ਪਤਾ ਹੁੰਦਾ ਤਾਂ ਮੈਂ ਵਿਆਹ ਵੀ ਫਾਇਨਾਂਸ ਤੇ ਹੀ ਕਰਵਾਉਂਦਾ !

ਇੱਕ ਕੁੜੀ ਨੇ ਪ੍ਰਿੰਸੀਪਲ ਨੂੰ ਸ਼ਿਕਾਇਤ ਕੀਤੀ ਕਿ "ਕਲਾਸ ਦੇ ਸਾਰੇ ਬੱਚੇ ਮੈਨੂੰ ਭੂਆ ਕਹਿੰਦੇ ਨੇ।" 
ਪ੍ਰਿੰਸੀਪਲ : ਹੱਥ ਖੜ੍ਹੇ ਕਰੋ ਕੌਣ ਇਸ ਕੁੜੀ ਨੂੰ ਭੂਆ ਕਹਿੰਦਾ ਹੈ। 
ਇੱਕ ਮੁੰਡੇ ਨੂੰ ਛੱਡ ਕੇ ਬਾਕੀਆਂ ਨੇ ਹੱਥ ਖੜ੍ਹੇ ਕਰ ਦਿੱਤੇ। 
ਪ੍ਰਿੰਸੀਪਲ : ਓਏ ਤੂੰ ਹੱਥ ਕਿਓਂ ਨੀ ਖੜਾ ਕੀਤਾ...
ਮੁੰਡਾ : ਜਿੰਨਿਆਂ ਦੇ ਹੱਥ ਖੜੇ ਨੇ ਮੈਂ ਇਹਨਾਂ ਸਭ ਦਾ ਫੁੱਫੜ ਲੱਗਦਾਂ।

ਕੰਜੂਸ (ਆਪਣੇ ਦੋਸਤ ਨੂੰ)- ਯਾਰ, ਮੇਰੇ ਲੜਕੇ ਨੇ ਤਾਂ ਕਮਾਲ ਕਰ ਦਿੱਤਾ। ਮੈਂ ਉਸਨੂੰ ਦੋ-ਦੋ ਪੌੜੀਆਂ ਚੜ੍ਹ ਕੇ ਉਤਰਨ ਨੂੰ ਕਿਹਾ ਸੀ ਤਾਂ ਕਿ ਜੁੱਤੀਆਂ ਘੱਟ ਘਿਸਣ ਪਰ ਨਾਲਾਇਕ ਨੇ ਛੇ-ਛੇ ਪੌੜੀਆਂ ਪਾਰ ਕੀਤੀਆਂ। 
ਦੋਸਤ- ਇਹ ਤਾਂ ਚੰਗਾ ਹੋਇਆ। ਜੁੱਤੀਆਂ ਹੋਰ ਵੀ ਘੱਟ ਘਿਸੀਆਂ ਹੋਣਗੀਆਂ। 
ਕੰਜੂਸ- ਜੁੱਤੀਆਂ ਤਾਂ ਘੱਟ ਘਿਸੀਆਂ ਪਰ ਨਾਲਾਇਕ ਨੇ ਨਵੀਂ ਪੈਂਟ ਪਾੜ ਲਈ।