ਕੀਆ ਨੇ ਭਾਰਤ ਵਿੱਚ ਨਵੀਂ ਕੈਰਿਨਸ ਕਲੈਵਿਸ 11.50 ਲੱਖ ਰੁਪਏ ਵਿੱਚ ਕੀਤੀ ਲਾਂਚ
ਕੀਆ(Kia) ਨੇ ਅਧਿਕਾਰਤ ਤੌਰ 'ਤੇ ਭਾਰਤ ਵਿੱਚ ਆਪਣੀ ਨਵੀਂ ਕਾਰ, ਕੈਰਿਨਸ ਕਲੈਵਿਸ(Carens Clavis) ਲਾਂਚ ਕੀਤੀ ਹੈ ਜਿਸਦੀ ਕੀਮਤ 11.50 ਲੱਖ ਰੁਪਏ (ਐਕਸ-ਸ਼ੋਰੂਮ) ਤੋਂ ਸ਼ੁਰੂ ਹੁੰਦੀ ਹੈ। ਕੈਰਿਨਸ ਕਲੈਵਿਸ ਇੱਕ ਤਾਜ਼ਾ ਡਿਜ਼ਾਈਨ, ਅੱਪਗ੍ਰੇਡ ਕੀਤੇ ਇੰਟੀਰੀਅਰ ਅਤੇ ਨਵੇਂ ਫੀਚਰ ਸੈੱਟ ਦੇ ਨਾਲ ਆਉਂਦੀ ਹੈ। ਇਸਦੀ ਸ਼ੁਰੂਆਤੀ ਕੀਮਤ 11.50 ਲੱਖ ਰੁਪਏ ਹੈ। ਇਸ ਕਾਰ ਲਈ ਬੁਕਿੰਗ 9 ਮਈ ਨੂੰ ਕੀਆ ਦੀ ਵੈੱਬਸਾਈਟ ਅਤੇ ਸ਼ੋਅਰੂਮਾਂ ਰਾਹੀਂ ਸ਼ੁਰੂ ਹੋ ਗਈ ਸੀ।
ਇੰਜਣ ਅਤੇ ਪਾਵਰ ਵਿਕਲਪ-
ਕੈਰਿਨਸ ਕਲੈਵਿਸ ਤਿੰਨ ਇੰਜਣ ਵਿਕਲਪਾਂ ਦੇ ਨਾਲ ਆਉਂਦੀ ਹੈ:
- 1.5L ਟਰਬੋ ਪੈਟਰੋਲ: 157 hp ਅਤੇ 253 Nm ਟਾਰਕ
- 1.5L ਪੈਟਰੋਲ: 113 hp ਅਤੇ 143.8 Nm
- 1.5L ਡੀਜ਼ਲ: 113 hp ਅਤੇ 250 Nm
ਬਾਹਰੀ ਡਿਜ਼ਾਈਨ-
ਕਲੈਵਿਸ ਦਾ ਇੱਕ ਨਵਾਂ ਡਿਜ਼ਾਈਨ ਹੈ:
ਇੱਕ ਨਵੇਂ ਤਿਕੋਣੀ ਸੈੱਟਅੱਪ ਵਿੱਚ ਐਲਈਡੀ(LED) ਹੈੱਡਲਾਈਟਸ, V-ਸ਼ੇਪ ਵਿੱਚ ਐਲਈਡੀ ਡੀਆਰਐਲ(DRL), ਬਲੈਕ-ਆਊਟ ਫਰੰਟ ਗ੍ਰਿੱਲ, ਸਿਲਵਰ ਸਕਿਡ ਪਲੇਟਾਂ ਅਤੇ ਇੱਕ ਮਜ਼ਬੂਤ ਦਿੱਖ ਲਈ ਬਲੈਕ ਬਾਡੀ ਕਲੈਡਿੰਗ ਡਿਊਲ-ਟੋਨ 17-ਇੰਚ ਅਲੌਏ ਵ੍ਹੀਲ, ਕ੍ਰੋਮ ਹੈਂਡਲ, ਅਤੇ ਸਿਲਵਰ ਰੂਫ ਰੇਲਜ਼ ਜਿਸ ਵਿੱਚ ਪਿੱਛੇ ਪੂਰੀ-ਚੌੜਾਈ ਵਾਲੀ ਐਲਈਡੀ ਸਟ੍ਰਿਪ ਹੈ।
ਫੀਚਰਜ-
ਕਲੈਵਿਸ ਫੀਚਰਾਂ ਨਾਲ ਭਰਪੂਰ ਹੈ:
- 22.62-ਇੰਚ ਡਿਊਲ ਸਕ੍ਰੀਨ ਸੈੱਟਅੱਪ (10.25-ਇੰਚ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ + 10.25-ਇੰਚ ਟੱਚਸਕ੍ਰੀਨ)
- ਵੈਂਟੀਲੇਟਿਡ ਫਰੰਟ ਸੀਟਾਂ ਅਤੇ ਨਵੇਂ ਏਸੀ(AC) ਵੈਂਟ ਅਤੇ ਕੰਟਰੋਲ
- ਪੈਨਾਰੋਮਿਕ ਸਨਰੂਫ
- ਫੋਰ-ਵੇ ਪਾਵਰ-ਐਡਜਸਟੇਬਲ ਡਰਾਈਵਰ ਸੀਟ
- ਵਾਇਰਲੈੱਸ ਐਂਡਰਾਇਡ ਆਟੋ ਅਤੇ ਐਪਲ ਕਾਰਪਲੇ ਅਤੇ 8-ਸਪੀਕਰ ਬੋਸ ਸਾਊਂਡ ਸਿਸਟਮ।
ਸੁਰੱਖਿਆ(Safety)
ਇਹ 20 ਸੁਰੱਖਿਆ ਵਿਸ਼ੇਸ਼ਤਾਵਾਂ ਦੇ ਨਾਲ ਐਡਵਾਂਸਡ ਡਰਾਈਵਰ ਅਸਿਸਟੈਂਸ ਸਿਸਟਮ (ADAS ਲੈਵਲ 2) ਦੀ ਪੇਸ਼ਕਸ਼ ਕਰਦੀ ਹੈ, ਜਿਸ ਵਿੱਚ ਸ਼ਾਮਲ ਹਨ:
6 ਏਅਰਬੈਗ (ਸਟੈਂਡਰਡ), ਆਟੋ-ਹੋਲਡ ਦੇ ਨਾਲ ਇਲੈਕਟ੍ਰਾਨਿਕ ਪਾਰਕਿੰਗ ਬ੍ਰੇਕ, 360-ਡਿਗਰੀ ਕੈਮਰਾ, ਫਰੰਟ ਅਤੇ ਰੀਅਰ ਪਾਰਕਿੰਗ ਸੈਂਸਰ, ਲੇਨ ਕੀਪ ਅਸਿਸਟ, ਸਮਾਰਟ ਕਰੂਜ਼ ਕੰਟਰੋਲ, ਬਲਾਇੰਡ ਸਪਾਟ ਲਈ ਚੇਤਾਵਨੀ।
ਕੀਆ ਨੇ ਕਲੈਵਿਸ ਰਾਹੀਂ ਇੱਕ ਐਸ.ਯੂ.ਵੀ.(SUV) ਨੂੰ ਕਾਫੀ ਆਰਾਮਦਾਇਕ ਬਣਾਉਣ ਦੀ ਪੇਸ਼ਕਸ਼ ਕੀਤੀ ਹੈ। ਕਲੈਵਿਸ ਇੱਕ ਬਿਲਕੁਲ ਨਵੇਂ ਡਿਜ਼ਾਈਨ ਦੇ ਨਾਲ ਆਉਂਦੀ ਹੈ ਅਤੇ ਫਰੰਟ ਵਿੱਚ ਤਿੰਨ ਐਲਈਡੀ ਹੈੱਡਲਾਈਟਾਂ, V ਸ਼ੇਪ ਦੇ ਡੀਆਰਐਲ, ਇੱਕ ਕਾਲੇ ਰੰਗ ਦੀ ਗ੍ਰਿਲ ਅਤੇ ਸਿਲਵਰ ਦੀਆਂ ਸਕਿਡ ਪਲੇਟਾਂ ਇਸਨੂੰ ਇੱਕ ਸੋਹਣੀ ਅਤੇ ਮਜ਼ਬੂਤ ਦਿੱਖ ਦਿੰਦੇ ਹਨ।
