ਟੈਰਿਫਾਂ ਕਾਰਨ ਐਪਲ ਨੂੰ 900 ਮਿਲੀਅਨ ਡਾਲਰ ਦੇ ਨੁਕਸਾਨ ਦਾ ਖਦਸ਼ਾ
ਐਪਲ ਨੇ ਵੀਰਵਾਰ ਨੂੰ ਪਹਿਲੀ ਤਿਮਾਹੀ ਦੇ ਮੁਨਾਫ਼ੇ ਦੀ ਉਮੀਦ ਤੋਂ ਵੱਧ ਰਿਪੋਰਟ ਦਿੱਤੀ ਪਰ ਚੇਤਾਵਨੀ ਦਿੱਤੀ ਕਿ ਅਮਰੀਕੀ ਟੈਰਿਫ ਕੰਪਨੀ ਨੂੰ ਮਹਿੰਗੇ ਪੈ ਸਕਦੇ ਹਨ ਅਤੇ ਇਸਦੀ ਸਪਲਾਈ ਲੜੀ ਨੂੰ ਵਿਗਾੜ ਰਹੇ ਹਨ।
ਮੁੱਖ ਕਾਰਜਕਾਰੀ ਟਿਮ ਕੁੱਕ ਨੇ ਕਿਹਾ, ਐਪਲ ਨੂੰ ਉਮੀਦ ਹੈ ਕਿ ਮੌਜੂਦਾ ਤਿਮਾਹੀ ਵਿੱਚ ਅਮਰੀਕੀ ਟੈਰਿਫ $900 ਮਿਲੀਅਨ ਦਾ ਨੁਕਸਾਨ ਕਰਨਗੇ ਹਾਲਾਂਕਿ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਉਨ੍ਹਾਂ ਦਾ ਪ੍ਰਭਾਵ "ਸੀਮਤ" ਸੀ।
ਕੁੱਕ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ "ਅਮਰੀਕਾ ਵਿੱਚ ਵੇਚੇ ਜਾਣ ਵਾਲੇ ਜ਼ਿਆਦਾਤਰ ਆਈਫੋਨਾਂ ਦਾ ਮੂਲ ਦੇਸ਼ ਭਾਰਤ ਹੋਵੇਗਾ ਅਤੇ ਉਹ ਛੇਤੀ ਹੀ ਮੋਬਾਈਲਾਂ ਦਾ ਨਿਰਮਾਣ ਸ਼ੁਰੂ ਕਰਨਗੇ।" ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਕੁਝ ਸਮੇਂ ਤੱਕ ਐਪਲ ਦੇ ਉਤਪਾਦਾਂ ਨੂੰ ਟਰੰਪ ਦੇ ਪਰਸਪਰ ਟੈਰਿਫ ਤੋਂ ਛੋਟ ਦਿੱਤੀ ਗਈ ਹੈ।
ਕੁੱਕ ਨੇ ਕਿਹਾ, "ਅਸੀਂ ਟੈਰਿਫ ਦੇ ਪ੍ਰਭਾਵ ਦਾ ਸਹੀ ਅੰਦਾਜ਼ਾ ਲਗਾਉਣ ਦੇ ਯੋਗ ਨਹੀਂ ਹਾਂ, ਕਿਉਂਕਿ ਅਸੀਂ ਤਿਮਾਹੀ ਦੇ ਅੰਤ ਤੋਂ ਪਹਿਲਾਂ ਸੰਭਾਵੀ ਭਵਿੱਖੀ ਕਾਰਵਾਈਆਂ ਬਾਰੇ ਅਨਿਸ਼ਚਿਤ ਹਾਂ। ਇਹ ਮੰਨ ਕੇ ਕਿ ਮੌਜੂਦਾ ਗਲੋਬਲ ਟੈਰਿਫ ਦਰਾਂ ਅਤੇ ਨੀਤੀਆਂ ਇੱਕ ਤਿਮਾਹੀ ਤੱਕ ਸੰਤੁਲਿਤ ਰਹਿਣ ਅਤੇ ਜਦ ਤੱਕ ਕੋਈ ਨਵਾਂ ਟੈਰਿਫ ਨਹੀਂ ਜੋੜਿਆ ਜਾਂਦਾ, ਤਦ ਤੱਕ ਅਸੀਂ ਸਾਡੀ ਵਿਕਰੀ ਵਿੱਚ $900 ਮਿਲੀਅਨ ਦੇ ਨੁਕਸਾਨ ਦਾ ਅੰਦਾਜ਼ਾ ਲਗਾਉਂਦੇ ਹਾਂ।"
ਟਿੱਟ-ਫੋਰ-ਟੈਟ(Tit-for-tat) ਐਕਸਚੇਂਜਾਂ ਨੇ ਚੀਨ 'ਤੇ ਭਾਰੀ ਅਮਰੀਕੀ ਟੈਕਸ ਲਗਾਏ ਹਨ ਅਤੇ ਬੀਜਿੰਗ ਨੇ ਵੀ ਅਮਰੀਕੀ ਆਯਾਤ 'ਤੇ ਜਵਾਬੀ ਰੁਕਾਵਟਾਂ ਲਾਈਆਂ ਹਨ।
ਸਮਾਰਟਫ਼ੋਨ, ਸੈਮੀਕੰਡਕਟਰ ਅਤੇ ਕੰਪਿਊਟਰ ਵਰਗੀਆਂ ਉੱਚ ਤਕਨੀਕੀ ਵਸਤਾਂ ਨੂੰ ਅਮਰੀਕੀ ਟੈਰਿਫ ਤੋਂ ਅਸਥਾਈ ਰਾਹਤ ਮਿਲੀ ਹੈ। ਕੈਨਾਲਿਸ ਦੇ ਅਨੁਸਾਰ ਅਜੇ ਵੀ ਜਿਆਦਾਤਰ ਚੀਨ ਵਿੱਚ ਬਣੇ ਆਈਫੋਨ ਹੀ ਐਪਲ ਆ੍ਯਾਤ ਕਰਦਾ ਹੈ ਅਤੇ ਇਸ ਤਿਮਾਹੀ ਦੇ ਅੰਤ ਤੱਕ ਐਪਲ ਭਾਰਤ ਵਿੱਚ ਉਤਪਾਦਨ ਵਧਾਏਗਾ।
ਕੁੱਕ ਨੇ ਇਹ ਵੀ ਕਿਹਾ ਕਿ ਅਮਰੀਕਾ ਵਿੱਚ ਵੇਚੇ ਜਾਣ ਵਾਲੇ ਲਗਭਗ ਸਾਰੇ ਆਈਪੈਡ, ਮੈਕ, ਐਪਲ ਵਾਚ ਅਤੇ ਏਅਰਪੌਡ ਉਤਪਾਦਾਂ ਲਈ ਵੀਅਤਨਾਮ ਇੱਕ ਮੂਲ ਦੇਸ਼ ਹੋਵੇਗਾ। ਹਾਲ ਹੀ ਵਿੱਚ ਖਤਮ ਹੋਈ ਤਿਮਾਹੀ ਵਿੱਚ ਐਪਲ ਦਾ $95.4 ਬਿਲੀਅਨ ਦਾ ਮਾਲੀਆ ਆਈਫੋਨ ਦੀ ਵਿਕਰੀ ਦੁਆਰਾ ਆਇਆ ਸੀ। ਇਸ ਰਿਪੋਰਟ ਦੇ ਅਨੁਸਾਰ, ਕੰਪਨੀ ਨੇ ਇਸ ਤਿਮਾਹੀ ਲਈ $24.8 ਬਿਲੀਅਨ ਦਾ ਮੁਨਾਫਾ ਕਮਾਇਆ ਸੀ।
ਬੌਰਨ ਨੇ ਅੱਗੇ ਕਿਹਾ ਕਿ ਐਪਲ ਦੀ ਆਈਫੋਨ ਨਿਰਮਾਣ ਨੂੰ ਭਾਰਤ ਵਿੱਚ ਤਬਦੀਲ ਕਰਨ ਦੀ ਯੋਜਨਾ "ਐਗਜ਼ੀਕਿਊਸ਼ਨ ਟਾਈਮਲਾਈਨ, ਸਮਰੱਥਾ ਸੀਮਾਵਾਂ, ਅਤੇ ਸੰਭਾਵੀ ਤੌਰ 'ਤੇ ਲਾਗਤ ਵਿੱਚ ਵਾਧੇ ਬਾਰੇ ਕਈ ਸਵਾਲ ਉਠਾਉਂਦੀ ਹੈ ਜੋ ਕੰਪਨੀ ਦੇ ਮੁਨਾਫੇ ਨੂੰ ਘਟਾਏਗਾ ਅਤੇ ਖਪਤਕਾਰਾਂ ਤੱਕ ਪਹੁੰਚ ਵਧਾਏਗਾ।
