ਟਰੰਪ ਨੇ ਚੀਨ 'ਤੇ ਲਗਾਇਆ 145% ਟੈਰਿਫ ਅਤੇ ਬਾਕੀ ਦੇਸ਼ਾਂ ਤੇ 90 ਦਿਨ ਲਈ ਟੈਰਿਫਾਂ ਤੇ ਲਗਾਈ ਰੋਕ
ਸੰਯੁਕਤ ਰਾਜ ਅਮਰੀਕਾ ਨੇ ਚੀਨ ਨਾਲ ਆਪਣੀ ਟੈਰਿਫ ਜੰਗ ਤੇਜ਼ ਕਰ ਦਿੱਤੀ ਹੈ, ਕਿਉਂਕਿ ਵ੍ਹਾਈਟ ਹਾਊਸ ਨੇ ਵੀਰਵਾਰ ਨੂੰ ਪੁਸ਼ਟੀ ਕੀਤੀ ਹੈ ਕਿ ਚੀਨੀ ਆਯਾਤ 'ਤੇ ਹੁਣ ਕੁੱਲ ਅਮਰੀਕੀ ਟੈਰਿਫ 145 ਪ੍ਰਤੀਸ਼ਤ ਲੱਗੇਗਾ।
ਇਹ ਕਦਮ ਡੋਨਾਲਡ ਟਰੰਪ ਦੇ ਇੱਕ ਨਵੇਂ ਕਾਰਜਕਾਰੀ ਆਦੇਸ਼ ਤੋਂ ਬਾਅਦ ਆਇਆ ਹੈ ਜਿਸ ਵਿੱਚ ਚੀਨ ਤੇ ਟੈਰਿਫ 84 ਪ੍ਰਤੀਸ਼ਤ ਤੋਂ ਵਧਾ ਕੇ 125 ਪ੍ਰਤੀਸ਼ਤ ਕਰ ਦਿੱਤੇ ਗਏ ਹਨ। ਇਸ 125% ਟੈਰਿਫ ਵਿੱਚ ਹੋਰ ਵਾਧੂ 20 ਪ੍ਰਤੀਸ਼ਤ ਟੈਰਿਫ ਵੀ ਸ਼ਾਮਲ ਹੈ, ਜੋ ਪਹਿਲਾਂ ਚੀਨ 'ਤੇ ਲਗਾਇਆ ਗਿਆ ਸੀ, ਜਿਸ ਨਾਲ ਟੈਰਿਫ ਦੀ ਦਰ ਵਧ ਗਈ ਹੈ।
ਟਰੰਪ ਨੇ ਬੁੱਧਵਾਰ ਨੂੰ 90 ਦਿਨਾਂ ਲਈ ਜ਼ਿਆਦਾਤਰ ਦੇਸ਼ਾਂ 'ਤੇ ਆਪਣੇ ਵਿਆਪਕ ਟੈਰਿਫਾਂ ਨੂੰ ਰੋਕ ਦਿੱਤਾ ਹੈ। ਹਾਲਾਂਕਿ, ਉਸਨੇ ਚੀਨ 'ਤੇ ਦਬਾਅ ਵਧਾ ਦਿੱਤਾ ਹੈ ਕਿਉਂਕਿ ਚੀਨ ਵਿੱਚ ਟੈਰਿਫਾਂ 'ਤੇ ਕੋਈ ਵਿਰਾਮ ਲਾਗੂ ਨਹੀਂ ਹੁੰਦਾ। ਇਸ ਨਾਲ ਦੁਨੀਆ ਦੀਆਂ ਦੋ ਸਭ ਤੋਂ ਵੱਡੀਆਂ ਅਰਥਵਿਵਸਥਾਵਾਂ ਵਿਚਕਾਰ ਟਕਰਾਅ ਹੋਰ ਵਧ ਗਿਆ ਹੈ।
ਇਸ ਦੌਰਾਨ, ਚੀਨ ਨੇ ਅਮਰੀਕਾ ਦੇ ਹਮਲੇ ਵਿਰੁੱਧ ਪਿੱਛੇ ਹਟਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਚੀਨੀ ਸਰਕਾਰੀ ਸਮਾਚਾਰ ਏਜੰਸੀ, ਸ਼ਿਨਹੂਆ ਦੇ ਅਨੁਸਾਰ ਅਮਰੀਕੀ ਉਤਪਾਦਾਂ 'ਤੇ ਚੀਨ ਨੇ 84 ਪ੍ਰਤੀਸ਼ਤ ਦਾ ਟੈਰਿਫ ਵੀਰਵਾਰ ਨੂੰ ਦੁਪਹਿਰ 12.01 ਵਜੇ ਲਾਗੂ ਕਰ ਦਿੱਤਾ ਹੈ। ਚੀਨ ਨੇ "ਜ਼ਬਰਦਸਤੀ" ਰਣਨੀਤੀਆਂ ਦਾ ਵਿਰੋਧ ਕਰਨ ਦਾ ਪ੍ਰਣ ਲਿਆ ਹੈ। ਚੀਨੀ ਵਣਜ ਮੰਤਰਾਲੇ ਦੇ ਬੁਲਾਰੇ ਨੇ ਵੀਰਵਾਰ ਨੂੰ ਦੁਹਰਾਇਆ ਕਿ ਉਹ ਸਿਰਫ ਆਪਸੀ ਸਤਿਕਾਰ ਅਤੇ ਸਮਾਨਤਾ ਦੇ ਆਧਾਰ 'ਤੇ ਅਮਰੀਕਾ ਨਾਲ ਗੱਲਬਾਤ ਕਰੇਗਾ।
ਇਸ ਵਿਰੋਧ ਦੇ ਪ੍ਰਦਰਸ਼ਨ ਵਿੱਚ, ਚੀਨ ਦੇ ਵਿਦੇਸ਼ ਮੰਤਰਾਲੇ ਨੇ ਅਮਰੀਕਾ 'ਤੇ "ਧੱਕੇਸ਼ਾਹੀ" ਦਾ ਦੋਸ਼ ਲਗਾਇਆ ਅਤੇ ਚੇਤਾਵਨੀ ਦਿੱਤੀ ਕਿ ਟਰੰਪ ਦੇ ਇਹ ਫੈਸਲੇ ਅਸਫਲ ਰਹਿਣਗੇ।
ਵਪਾਰ ਯੁੱਧ-
ਦੁਨੀਆ ਦੀਆਂ ਦੋ ਸਭ ਤੋਂ ਵੱਡੀਆਂ ਅਰਥਵਿਵਸਥਾਵਾਂ ਵਿਚਕਾਰ ਵਧ ਰਿਹਾ ਤਣਾਅ ਵਿਸ਼ਵ ਵਪਾਰ 'ਤੇ ਹਨੇਰਾ ਪਰਛਾਵਾਂ ਪਾ ਰਿਹਾ ਹੈ ਅਤੇ ਵਿਸ਼ਲੇਸ਼ਕਾਂ ਨੇ ਅਮਰੀਕੀ ਮੰਦੀ ਦਾ ਡਰ ਪੈਦਾ ਕੀਤਾ ਹੈ।
ਮੰਗਲਵਾਰ ਨੂੰ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਸਾਰੇ ਚੀਨੀ ਆਯਾਤ 'ਤੇ 104 ਪ੍ਰਤੀਸ਼ਤ ਟੈਰਿਫ ਲਗਾਉਣ ਦਾ ਐਲਾਨ ਕਰਨ ਤੋਂ ਬਾਅਦ ਚੀਨ ਅਤੇ ਅਮਰੀਕਾ ਖ਼ਤਰਨਾਕ ਤੌਰ 'ਤੇ ਪੂਰੀ ਤਰ੍ਹਾਂ ਵਪਾਰ ਯੁੱਧ ਦੇ ਨੇੜੇ ਪਹੁੰਚ ਗਏ। ਇਸ ਵਧਦੇ ਹੋਏ ਟਕਰਾਅ ਵਿੱਚੋਂ ਅਮਰੀਕਾ ਅਤੇ ਚੀਨ ਪਿੱਛੇ ਨਹੀਂ ਹਟਣਾ ਚਾਹੁੰਦੇ। ਬੀਜਿੰਗ ਨੇ "ਅੰਤ ਤੱਕ" ਅਮਰੀਕੀ ਦਬਾਅ ਅਤੇ ਧਮਕੀਆਂ ਦਾ ਵਿਰੋਧ ਕਰਨ ਦੀ ਸਹੁੰ ਖਾਧੀ ਹੈ।
ਟਰੰਪ ਨੇ ਸ਼ੁਰੂ ਵਿੱਚ ਚੀਨੀ ਸਮਾਨ 'ਤੇ 34 ਪ੍ਰਤੀਸ਼ਤ ਟੈਰਿਫ ਲਗਾਇਆ ਸੀ ਜਿਸਤੇ ਬੀਜਿੰਗ ਦੁਆਰਾ ਤੁਰੰਤ ਜਵਾਬੀ ਕਦਮ ਚੁੱਕਿਆ ਗਿਆ ਸੀ। ਫਰਵਰੀ ਵਿੱਚ, ਡੋਨਾਲਡ ਟਰੰਪ ਨੇ ਗੈਰ-ਕਾਨੂੰਨੀ ਇਮੀਗ੍ਰੇਸ਼ਨ ਨੂੰ ਵਧਾਉਣ ਅਤੇ ਸੰਯੁਕਤ ਰਾਜ ਵਿੱਚ ਫੈਂਟਾਨਿਲ ਦੇ ਪ੍ਰਵਾਹ ਨੂੰ ਸੁਵਿਧਾਜਨਕ ਬਣਾਉਣ ਵਿੱਚ ਬੀਜਿੰਗ ਦੀ ਕਥਿਤ ਭੂਮਿਕਾ ਦਾ ਹਵਾਲਾ ਦਿੰਦੇ ਹੋਏ ਸਾਰੇ ਚੀਨੀ ਸਮਾਨ 'ਤੇ 10 ਪ੍ਰਤੀਸ਼ਤ ਟੈਰਿਫ ਲਗਾਇਆ ਸੀ। ਪਿਛਲੇ ਮਹੀਨੇ, ਫਿਰ ਟਰੰਪ ਨੇ ਉਨ੍ਹਾਂ ਦਰਾਂ ਨੂੰ ਦੁੱਗਣਾ ਕਰ ਦਿੱਤਾ ਸੀ - ਇੱਕ ਅਜਿਹਾ ਕਦਮ ਜਿਸਨੇ ਵਿਸ਼ਵਵਿਆਪੀ ਬਾਜ਼ਾਰਾਂ ਨੂੰ ਝਟਕਾ ਦਿੱਤਾ ਅਤੇ ਪਹਿਲਾਂ ਤੋਂ ਤਣਾਅਪੂਰਨ ਅਮਰੀਕਾ-ਚੀਨ ਸਬੰਧਾਂ ਨੂੰ ਹੋਰ ਖਰਾਬ ਕਰ ਦਿੱਤਾ।
ਚੀਨ ਪਿਛਲੇ ਸਾਲ ਅਮਰੀਕਾ ਦਾ ਆਯਾਤ ਦਾ ਦੂਜਾ ਸਭ ਤੋਂ ਵੱਡਾ ਸਰੋਤ ਸੀ ਜਿਸਨੇ ਅਮਰੀਕਾ ਨੂੰ $439 ਬਿਲੀਅਨ ਦਾ ਸਾਮਾਨ ਭੇਜਿਆ ਜਦੋਂ ਕਿ ਚੀਨ ਨੂੰ ਅਮਰੀਕੀ ਵੱਲੋਂ ਨਿਰਯਾਤ ਸਿਰਫ $144 ਬਿਲੀਅਨ ਸੀ।
