ਅਨਮੋਲ ਵਿਚਾਰਾਂ ਦਾ ਸੰਗ੍ਰਹਿ

ਏਹ ਜੱਗ ਸਰਾਇਂ ਮੁਸਾਫਿਰਾਂ ਦੀ, ਏਥੇ ਜ਼ੋਰ ਵਾਲੇ ਕਈ ਆਇ ਗਏ।

- ਸ਼ਾਹ ਮੁਹੰਮਦ

ਇਨਕਲਾਬ ਮਨੁੱਖ ਜਾਤੀ ਦਾ ਅਟੁੱਟ ਅਧਿਕਾਰ ਹੈ। ਆਜ਼ਾਦੀ ਸਾਰਿਆਂ ਦਾ ਜਨਮ ਸਿੱਧ ਅਧਿਕਾਰ ਹੈ।

- ਭਗਤ ਸਿੰਘ

ਆਪਣੀ ਮਾਂ ਬੋਲੀ ਨੂੰ ਤਿਆਗਣਾ ਹਜ਼ਾਰਾਂ ਸਾਲਾਂ
ਦੇ ਹੋਏ ਇਤਿਹਾਸਿਕ ਵਿਕਾਸ ਨੂੰ ਨਕਾਰਨਾ ਹੈ।
ਇਹੋ ਜਿਹੀ ਮੂਰਖਤਾ ਮਾਨਸਿਕ ਤੌਰ ਤੇ ਗੁਲਾਮ
ਲੋਕ ਹੀ ਕਰ ਸਕਦੇ ਹਨ...

- ਪ੍ਰੋ . ਪੂਰਨ ਸਿੰਘ

ਆਪਣਾ ਭਵਿੱਖ ਜੋਤਸ਼ੀਆਂ ਤੋਂ ਪੁੱਛਣ ਵਾਲਿਆਂ ਦਾ ਭਵਿੱਖ ਹੁੰਦਾ ਹੀ ਨਹੀਂ।

- ਅਵਤਾਰ ਸਿੰਘ ਪਾਸ਼

ਆ ਜਾ ਬੁੱਲ੍ਹਿਆ ਚਰਖਾ ਕੱਤੀਏ, ਕੱਤੀਏ ਸਾਹਾਂ ਦੀ ਪੂਣੀ ਨੂੰ, ਰੱਬ ਤਾਂ ਸਾਡੇ ਅੰਦਰ ਵੱਸਦਾ, ਕੀ ਕਰਨਾ ਲਾ ਕੇ ਧੂਣੀ ਨੂੰ।

- ਬੁੱਲ੍ਹੇ ਸ਼ਾਹ

ਅਸੀ ਚਾਹ ਤਾਂ ਬੜਾ ਕੁਝ ਲੈਂਦੇ ਹਾਂ, ਪਰ ਮਿਲਦਾ ਓਹੀ ਕੁਝ ਹੈ, ਜੋ ਮਿਲਣਾ ਹੁੰਦਾ ਹੈ। ਅਸੀ ਖ਼ਾਹਮਖ਼ਾਹ ਆਪਣੇ ਸਬਰ ਨੂੰ ਅਸੰਤੁਸ਼ਟ ਕਰਦੇ ਹਾਂ ਅਤੇ ਆਪਣੇ ਜੀਵਨ ਨੂੰ ਆਪ ਬੇਸੁਆਦੀ ਬਣਾਉਂਦੇ ਹਾਂ।

- ਜਸਵੰਤ ਸਿੰਘ ਕੰਵਲ

ਉੱਚਾ ਉਠ ਜਿਮੀਂ ਤੋਂ ਪਿਆਰੇ,
ਤੈਨੂੰ ਖੰਭ ਰੱਬ ਨੇ ਲਾਏ।
ਉਹ ਕਿਉਂ ਰਿੜ੍ਹੇ ਗੋਡਿਆਂ ਪਰਨੇ
ਜੋ ਉੱਡ ਅਸਮਾਨੀ ਜਾਏ।

- ਭਾਈ ਵੀਰ ਸਿੰਘ

ਉਹ ਵਿਦਵਾਨ ਜਿਸ ਨੇ ਫਖਰ, ਇੱਜ਼ਤ ਤੇ ਰੁਤਬੇ ਵਾਸਤੇ ਵਿੱਦਿਆ ਪ੍ਰਾਪਤ ਕੀਤੀ ਹੈ ਉਹ ਹਰ ਰੋਜ਼ ਰੱਬ ਤੋ ਦੂਰ ਹੁੰਦਾ ਜਾ ਰਿਹਾ ਹੈ ਤੇ ਇੱਕ ਦਿਨ ਉੱਕਾ ਹੀ ਦੂਰ ਹੋ ਜਾਏਗਾ.. ਉਸ ਤੋਂ ਬਚ ਕੇ ਰਹੋ...

- ਭਾਈ ਵੀਰ ਸਿੰਘ

ਉਹ ਮੰਗ ਉੱਤਮ ਹੈ ਜੋ ਇੱਕ ਪ੍ਰਭੂ ਨੂੰ ਹੀ ਮੰਗਦੀ ਹੈ, ਹੋਰ ਗੱਲਾਂ ਬੇਅਰਥ ਹਨ ਜੋ ਵਾਹਿਗੁਰੂ ਦੀ ਨਾਮ-ਮੰਗ ਤੋਂ ਸੱਖਣੀਆਂ ਹਨ..

- ਭਾਈ ਵੀਰ ਸਿੰਘ

ਉਹ ਜੀਭਾਂ ਦਾ ਨਾ ਹੋਣਾ ਚੰਗਾ ਹੈ
ਜੋ ਅਕਾਰਥ ਰਟ ਤਾਂ ਨਾਮ ਦੀ ਹੀ ਲਾਉਂਦੀਆਂ ਹਨ,
ਪਰ ਆਪਣੀ ਪਸ਼ੂ ਭਾਵਨਾ ਨੂੰ ਵਧੇਰੇ ਉਤੇਜਿਤ ਕਰਦੀਆਂ ਹਨ।

- ਪ੍ਰੋ . ਪੂਰਨ ਸਿੰਘ