ਰਾਬਰਟ ਮਸੀਹ ਬਣੇ ਸਪੇਨ ਦੇ ਸੰਸਦ ਮੈਂਬਰ

ਪੰਜਾਬ ਦੇ ਗੁਰਦਾਸਪੁਰ ਵਿੱਚ ਜਨਮੇ ਰਾਬਰਟ ਮਸੀਹ ਦਾ ਬਚਪਨ ਬਹੁਤ ਹੀ ਸਧਾਰਣ ਹਾਲਾਤਾਂ ਵਿੱਚ ਬੀਤਿਆ। ਉਹ ਸਿਰਫ਼ 18 ਸਾਲ ਦੀ ਉਮਰ ਵਿੱਚ ਘਰ ਛੱਡ ਕੇ ਰਿਸ਼ੀਕੇਸ਼ ਚਲੇ ਗਏ, ਜਿੱਥੇ ਉਨ੍ਹਾਂ ਨੇ ਸੰਤ ਦਾ ਜੀਵਨ ਬਤੀਤ ਕੀਤਾ। ਪਰ ਉਨ੍ਹਾਂ ਦੀ ਕਿਸਮਤ ਉਨ੍ਹਾਂ ਨੂੰ 2005 ਵਿੱਚ ਯੂਰਪ ਦੇ ਸਪੇਨ ਦੇਸ਼ ਵਿਚ ਲੈ ਗਈ। ਆਪਣੇ ਸਾਦੇ ਜਿਹੇ ਸੁਭਾਅ ਅਤੇ ਦੂਜਿਆਂ ਦੀ ਮਦਦ ਕਰਨ ਦੇ ਜਨੂੰਨ ਨਾਲ ਉਨ੍ਹਾਂ ਨੇ ਲੋਕਾਂ ਦੇ ਦਿਲ ਜਿੱਤਣੇ ਸ਼ੁਰੂ ਕਰ ਦਿੱਤੇ।

ਭਾਰਤੀ ਮੂਲ ਦੇ ਰਾਬਰਟ ਮਸੀਹ ਨੂੰ ਸਾਦੇ ਪਹਿਰਾਵੇ ਵਿੱਚ ਸਜੇ ਅਤੇ ਨਰਮ ਸੁਭਾਅ ਵਿਚ ਦੇਖ ਕੇ ਕੋਈ ਨਹੀਂ ਕਹਿ ਸਕਦਾ ਕਿ ਇਹ ਵਿਅਕਤੀ ਸਪੇਨ ਦੇ ਬਾਰਸੀਲੋਨਾ ਤੋਂ ਦੋ ਵਾਰ ਸੈਨੇਟਰ ਚੁਣਿਆ ਜਾ ਚੁੱਕਿਆ ਹੈ। ਇੱਕ ਅਜਿਹੇ ਸ਼ਹਿਰ ਵਿੱਚ ਜਿੱਥੇ ਭਾਰਤੀ ਮੂਲ ਦੇ ਲੋਕਾਂ ਦੀ ਗਿਣਤੀ ਮਹਿਜ ਕੁਝ ਹਜ਼ਾਰ ਹੈ ਉੱਥੇ ਰਾਬਰਟ ਮਸੀਹ ਨੂੰ ਛੇ ਲੱਖ ਤੋਂ ਵੱਧ ਵੋਟਾਂ ਮਿਲਣਾ ਉਨ੍ਹਾਂ ਦੀ ਪ੍ਰਸਿੱਧੀ ਦਾ ਪ੍ਰਮਾਣ ਹੈ।

ਰਿਸ਼ੀਕੇਸ਼ ਰਹਿਣ ਤੋਂ ਬਾਅਦ ਰਾਬਰਟ ਮਸੀਹ ਲਖਨਊ ਵਿੱਚ ਪੱਤਰਕਾਰੀ  ਵੀ ਕਰਦੇ ਰਹੇ। ਫਿਰ ਉਹ 2005 ਵਿੱਚ ਯੂਰਪ ਦੇ ਸਪੇਨ ਦੇਸ਼ ਵਿਚ  ਚਲੇ ਗਏ। ਜਦੋਂ ਰਾਬਰਟ ਬਾਰਸੀਲੋਨਾ ਪਹੁੰਚੇ ਤਾਂ ਉਹ ਨਾ ਤਾਂ  ਕਿਸੇ ਨੂੰ ਜਾਣਦੇ ਸਨ ਅਤੇ ਨਾ ਹੀ ਉਨ੍ਹਾਂ ਨੂੰ ਉਥੋਂ ਦੀ ਸਥਾਨਕ ਭਾਸ਼ਾ ਆਉਂਦੀ ਸੀ। ਪਰ ਆਪਣੇ ਸਾਦੇ ਜਿਹੇ ਸੁਭਾਅ ਅਤੇ ਦੂਜਿਆਂ ਦੀ ਮਦਦ ਕਰਨ ਦੇ ਜਨੂੰਨ ਨਾਲ, ਉਨ੍ਹਾਂ ਨੇ ਲੋਕਾਂ ਦੇ ਦਿਲ ਜਿੱਤਣੇ ਸ਼ੁਰੂ ਕਰ ਦਿੱਤੇ। ਜਲਦੀ ਹੀ ਉਨ੍ਹਾਂ ਦੀ ਪ੍ਰਸਿੱਧੀ ਵੱਧਣ ਲਗ ਗਈ, ਅਤੇ ਉਨ੍ਹਾਂ ਦਾ ਇਹ ਸੰਘਰਸ਼ ਉਨ੍ਹਾਂ ਨੂੰ ਸਪੇਨੀ ਸੰਸਦ ਵਿੱਚ ਲੈ ਗਿਆ। ਰਾਬਰਟ ਮਸੀਹ ਕੋਰੋਨਾ ਮਹਾਂਮਾਰੀ ਦੌਰਾਨ 45,000 ਤੋਂ ਵੱਧ ਲੋਕਾਂ ਨੂੰ ਭੋਜਨ ਮੁਹੱਈਆ ਕਰਵਾਇਆ। ਉਹ ਘਰ-ਘਰ ਜਾ ਕੇ ਭੋਜਨ ਵੰਡਦੇ ਸਨ, ਜਿਸ ਕਾਰਨ ਉਨ੍ਹਾਂਦੀ ਨਿਰਸਵਾਰਥ ਸੇਵਾ ਦੀ ਚਰਚਾ ਪੂਰੇ ਯੂਰਪ ਵਿੱਚ ਹੋ ਗਈ। ਇਨ੍ਹਾਂ ਯਤਨਾਂ ਲਈ, ਭਾਰਤ ਸਰਕਾਰ ਨੇ ਉਨ੍ਹਾਂ ਨੂੰ ਪ੍ਰਵਾਸੀ ਭਾਰਤੀ ਸਨਮਾਨ ਨਾਲ ਵੀ ਸਨਮਾਨਿਤ ਕੀਤਾ। ਰਾਬਰਟ ਮਸੀਹ ਭਾਰਤ ਦੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਰਤ ਸਰਕਾਰ ਦਾ ਧੰਨਵਾਦ ਕਰਦੇ ਹਨ। ਉਹ ਆਖਦੇ ਹਨ ਕਿ ਉਨ੍ਹਾਂ ਦਾ ਸੁਪਨਾ ਯੂਰਪ ਵਿੱਚ ਭਾਰਤੀ ਭਾਈਚਾਰੇ ਨੂੰ ਇੱਕਜੁੱਟ ਕਰਨਾ ਅਤੇ ਭਾਰਤ-ਯੂਰਪ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦਾ ਹੈ। ਉਨ੍ਹਾਂ ਦੀ ਪਤਨੀ ਮਾਰਥਾ ਦੱਸਦੀ ਹੈ ਕਿ ਰਾਬਰਟ ਹਰ ਸਮੇਂ ਲੋਕਾਂ ਦੀ ਮਦਦ ਕਰਨ ਲਈ ਤਿਆਰ ਰਹਿੰਦੇ ਹਨ। ਇਹ ਗੁਣ ਉਨ੍ਹਾਂ ਨੂੰ ਭਾਰਤੀ ਸੱਭਿਆਚਾਰ ਤੋਂ ਵਿਰਾਸਤ ਵਿੱਚ ਹੀ ਮਿਲਿਆ ਹੈ ਜਿੱਥੇ ਰਾਜਨੀਤੀ ਨੂੰ ਸੇਵਾ ਦਾ ਮਾਧਿਅਮ ਮੰਨਿਆ ਜਾਂਦਾ ਹੈ।

ਰਾਬਰਟ ਮਸੀਹ ਨੇ ਫੁੱਟਬਾਲ ਲਈ ਮਸ਼ਹੂਰ ਸਪੇਨ ਦੇ ਬਾਰਸੀਲੋਨਾ ਵਿੱਚ ਕ੍ਰਿਕਟ ਨੂੰ ਇੱਕ ਨਵੀਂ ਪਛਾਣ ਦਿੱਤੀ। ਭਾਰਤੀ ਭਾਈਚਾਰੇ ਦੇ ਕ੍ਰਿਕਟ ਪ੍ਰਤੀ ਜਨੂੰਨ ਨੂੰ ਦੇਖਦੇ ਹੋਏ, ਉਨ੍ਹਾਂਨੇ 100 ਤੋਂ ਵੱਧ ਛੋਟੇ ਕ੍ਰਿਕਟ ਕਲੱਬ ਸਪੇਨ ਵਿਚ ਸਥਾਪਤ ਕੀਤੇ ਹਨ। ਹੁਣ ਉਨ੍ਹਾਂ ਦੀ ਕੋਸ਼ਿਸ਼ ਹੈ ਕਿ ਭਾਰਤ ਅਤੇ ਸਪੇਨ ਇਕੱਠੇ ਖਿਡਾਰੀਆਂ ਦੀ ਸਿਖਲਾਈ ਦਾ ਆਦਾਨ-ਪ੍ਰਦਾਨ ਕਰਨ – ਜਿੱਥੇ ਸਪੇਨ ਤੋਂ ਫੁੱਟਬਾਲ ਕੋਚ ਭਾਰਤ ਆਉਣ ਅਤੇ ਭਾਰਤੀ ਕ੍ਰਿਕਟ ਕੋਚ ਸਪੇਨ ਵਿੱਚ ਕ੍ਰਿਕਟ ਨੂੰ ਅੱਗੇ ਲੈਕੇ ਆਉਣ।

Gurpreet | 15/01/25