ਤਾਈਵਾਨ ਵਿੱਚ 24 ਘੰਟਿਆਂ ਦੌਰਾਨ ਦੂਸਰਾ 6.3 ਤੀਬਰਤਾ ਦਾ ਭੂਚਾਲ ਆਇਆ

ਸ਼ੁੱਕਰਵਾਰ ਨੂੰ ਤਾਈਵਾਨ ਦੇ ਪੂਰਬੀ ਸ਼ਹਿਰ ਹੁਆਲੀਅਨ(Hualien) ਤੋਂ 34 ਕਿਲੋਮੀਟਰ ਦੂਰ 6.3 ਤੀਬਰਤਾ ਦਾ ਭੂਚਾਲ ਆਇਆ। ਮੌਸਮ ਵਿਭਾਗ ਅਨੁਸਾਰ ਦੂਜੇ ਵੱਡੇ ਭੂਚਾਲ ਤੋਂ ਹੋਏ ਨੁਕਸਾਨ ਦੀ ਅਜੇ ਕੋਈ ਰਿਪੋਰਟ ਨਹੀਂ ਮਿਲੀ ਹੈ।

ਭੂਚਾਲ ਨੇ ਰਾਜਧਾਨੀ ਤਾਈਪੀ(Taipei) ਦੀਆਂ ਇਮਾਰਤਾਂ ਨੂੰ ਹਿਲਾ ਕੇ ਰੱਖ ਦਿੱਤਾ। ਅਧਿਕਾਰੀਆਂ ਨੇ ਕਿਹਾ ਕਿ ਸ਼ਹਿਰ ਵਿੱਚ ਸਬਵੇਅ(subway) ਸੇਵਾਵਾਂ ਘੱਟ ਰਫ਼ਤਾਰ ਨਾਲ ਜਾਰੀ ਹਨ। ਮੌਸਮ ਪ੍ਰਸ਼ਾਸਨ ਨੇ ਦੱਸਿਆ ਕਿ ਭੂਚਾਲ ਦੀ ਡੂੰਘਾਈ 9.7 ਕਿਲੋਮੀਟਰ ਸੀ ਅਤੇ ਦੂਸਰਾ ਭੂਚਾਲ ਵੀਰਵਾਰ ਦੇਰ ਰਾਤ ਤਾਈਵਾਨ ਦੇ ਉੱਤਰ-ਪੂਰਬੀ ਕੰਢੇ 'ਤੇ ਆਏ 5.7 ਤੀਬਰਤਾ ਦੇ ਭੂਚਾਲ ਤੋਂ ਬਾਅਦ ਆਇਆ ਹੈ। ਤਾਈਵਾਨ ਦੋ ਟੈਕਟੋਨਿਕ ਪਲੇਟਾਂ ਦੇ ਨੇੜੇ ਸਥਿਤ ਹੈ ਅਤੇ ਇੱਥੇ ਅਕਸਰ ਭੂਚਾਲ ਆਉਂਦੇ ਰਹਿੰਦੇ ਹਨ।

ਅਪ੍ਰੈਲ ਵਿੱਚ, ਤਾਈਵਾਨ ਵਿੱਚ ਘੱਟੋ-ਘੱਟ 25 ਸਾਲਾਂ ਦੌਰਾਨ ਆਏ ਸਭ ਤੋਂ ਵੱਡੇ ਭੂਚਾਲ ਵਿੱਚ ਨੌਂ ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ 900 ਤੋਂ ਵੱਧ ਜ਼ਖਮੀ ਹੋਏ ਸਨ।
 

Gurpreet | 16/08/24