ਪੰਜਾਬੀ ਬੁਝਾਰਤਾਂ ਦਾ ਸੰਗ੍ਰਹਿ

ਕਾਲੀ ਕਾਲੀ ਮਾਂ, ਲਾਲ ਲਾਲ ਬੱਚੇ, ਜਿੱਧਰ ਜਾਵੇ ਮਾਂ ਉੱਧਰ ਜਾਣ ਬੱਚੇ?

ਕਟੋਰੇ ਵਿੱਚ ਕਟੋਰਾ ਪੁੱਤਰ ਪਿਉ ਨਾਲੋਂ ਗੋਰਾ

ਕੌਲ ਫੁੱਲ ਕੌਲ ਫੁੱਲ, ਫੁੱਲ ਦਾ ਹਜਾਰ ਮੁੱਲ। ਕਿਸੇ ਕੋਲ ਅੱਧਾ ਕਿਸੇ ਕੋਲ ਸਾਰਾ, ਕਿਸੇ ਕੋਲ ਹੈਨੀ ਵਿਚਾਰਾ ?

ਉਹ ਕਿਹੜਾ ਫਲ ਹੈ ਜਿਹੜਾ ਅਸੀਂ ਖਾ ਨਹੀਂ ਸਕਦੇ?

ਖੰਭ ਨਹੀਂ ਪਰ ਉੱਡਦਾ ਹੈ, ਨਾ ਹੱਡੀਆਂ ਨਾ ਮਾਸ। ਬੰਦੇ ਚੁੱਕ ਕੇ ਉੱਡ ਜਾਂਦਾ ਹੈ, ਹੋਵੇ ਨਾ ਕਦੇ ਉਦਾਸ?

ਖੂਹ ਵਿੱਚ ਹਿਰਨੀ ਸੂਈ, ਦੇਵੇ ਦੁੱਧ ਮਲ਼ਾਈਆਂ, ਸਾਡੇ ਘਰ ਕਾਕਾ ਜੰਮਿਆ, ਲੋਕ ਦੇਣ ਵਧਾਈਆਂ।

ਕਿਹੜੀ ਚੀਜ ਹੈ ਜੋ ਤੁਸੀਂ ਹਰ ਪਲ ਬਦਲ ਸਕਦੇ ਹੋ

ਕੋਲਿਆਂ ਦੀ ਬੋਰੀ , ਉਹਦੇ ਵਿੱਚ ਮਧਾਣੀ ਜਿਹੜਾ ਉਹਦਾ ਮੱਖਣ ਖਾਵੇ, ਉਹਦੀਆਂ ਅੱਖਾਂ ਚ ਪਾਣੀ

ਲੱਗ ਲੱਗ ਕਹੇ ਨਾ ਲੱਗਦੇ, ਬਿਨ ਆਖੇ ਲੱਗ ਜਾਂਦੇ, ਮਾਮੇ ਨੂੰ ਲੱਗਦੇ, ਤਾਏ ਨੂੰ ਨਹੀਂ ਲੱਗਦੇ ?

ਲਾਲ ਗਊ ਲੱਕੜ ਖਾਵੇ, ਪਾਣੀ ਪੀਵੇ ਮਰ ਜਾਵੇ।