ਤੁਸੀਂ ਵੀ ਉਨ੍ਹਾਂ ਵਿੱਚੋਂ ਭੇਡਾਂ ਚੰਗੀਆਂ ਪਛਾਣਦੇ ਹੋ। ਅਖੇ 'ਫੜਿਆ ਚੋਰ ਤੇ ਨਿਕਲਿਆ ਜੁਲਾਹਾ' ਬੰਦਾ ਕੁਬੰਦਾ ਤਾਂ ਵੇਖ ਲਿਆ ਕਰੋ ।
ਏਨੀ ਲੋਇਣੀ ਦੇਖਦਿਆ ਕੇਤੀ ਚਲਿ ਗਈ ॥ ਫਰੀਦਾ ਲੋਕਾਂ ਆਪੋ ਆਪਣੀ ਮੈ ਆਪਣੀ ਪਈ ।।
ਜਾਹ ਨੀ, ਆਪਣਾ ਕੰਮ ਕਰ। ‘ਫਫੇ ਕੂਟਣ, ਲੱਗੀ ਲੁੱਟਣ' ਚਲਾਕੀਆਂ ਨਾਲ ਤੂੰ ਮੇਰਾ ਵੀਰ ਲੁੱਟ ਖਾਧਾ।
ਕਈ ਵਾਰੀ ਅਜਿਹਾ ਹੋਇਆ ਕਿ ਪ੍ਰਕਾਸ਼ ਦੀ ਕੋਈ ਇਖਲਾਕੀ ਗਿਰਾਵਟ ਵੇਖਕੇ ਮਦਨ ਵੱਲੋਂ ਝਾੜਾਂ ਦੀ ਬੁਸ਼ਾੜ ਸ਼ੁਰੂ ਹੋ ਗਈ ਤੇ ਪ੍ਰਕਾਸ਼ ਬਿੱਲੀ ਬਣ ਕੇ ਸੁਣੀ ਗਿਆ। ਪਰ ਫਿਟਕਾਰਾਂ ਦਾ ਅਸਰ ਕੀ ? ਬਸ 'ਫਤੂ ਦੀ ਫਤ ਫਤ'।
ਕਿਰਤੀ-ਗ਼ਰੀਬ ਹਾਂ, ਪਰ ਅਣਖ ਤੁਸਾਡੇ ਨਾਲੋਂ ਘੱਟ ਨਹੀਂ। ਅਜ਼ਮਾ ਵੇਖੋ ਅਖੇ ‘ਫਕੀਰ ਦੀ ਬੁਰ ਤੇ ਅਮੀਰ ਦਾ ਦਰ ਬਰਾਬਰ' ਵਾਲਾ ਲੇਖਾ ਹੈ ਇੱਥੇ।
ਇਹ ਦਸ਼ਾ ਦੇਖਕੇ ਮਰਾਸਣ ਦੇ ਕਲੇਜੇ ਵਿੰਨੇ ਗਏ, ਪਰ ਕੀ ਕਰਨ 'ਫਕੀਰ ਦਾ ਕਹਿਰ ਝੋਂਪੜੀ ਤੇ।'
ਹੁਣ ਰੋਣਾ ਫਜੂਲ ਹੈ। 'ਫਸ ਗਈ ਤਾਂ ਫਟਕਣ ਕੀ ?' ਹੁਣ ਤਾਂ ਜਿਵੇਂ ਕਿਵੇਂ ਜ਼ਿੰਮੇਵਾਰੀ ਨਿਬਾਹਵਾਂਗੇ।