ਮੁੱਖ ਮੰਤਰੀ ਨੇ ਆਪਣੇ ਸਿਪਾਹੀਆਂ ਨੂੰ ਸਮਝਾਇਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸੁਰੱਖਿਆ ਵਿੱਚ ਕੋਈ ਉੱਨੀ ਇੱਕੀ ਨਹੀਂ ਹੋਣੀ ਚਾਹੀਦੀ।
ਉਹ ਹਰ ਵੇਲੇ ਉਧੇੜ ਪੁਧੇੜ ਵਿੱਚ ਹੀ ਲੱਗਾ ਰਹਿੰਦਾ ਹੈ, ਵਿਹਲਾ ਕਦੇ ਵੀ ਨਹੀਂ ਬੈਠਦਾ।
ਇਹ ਨਿਰਾਸ਼ਤਾ ਦੀ ਖ਼ਬਰ ਸੁਣ ਕੇ ਉਹ ਉਧੇੜ ਬੁਣ ਵਿੱਚ ਗਰਕ ਹੋ ਗਿਆ। ਉਸ ਨੂੰ ਹੁਣ ਔਹੜਦਾ ਕੁਝ ਨਹੀਂ ਸੀ ਕਿ ਕੀ ਕਰੇ ਤੇ ਕੀ ਨਾ ਕਰੇ।
ਜਦੋਂ ਮੈਂ ਸੋਹਣ ਨਾਲ ਉਸਦੇ ਘਰ ਬਾਰੇ ਗੱਲਾਂ ਕਰਨ ਲੱਗਾ ਤਾਂ ਉਹ ਉੱਧੜ ਪਿਆ ਕਿਉਂਕਿ ਸ਼ਾਹੂਕਾਰ ਨੇ ਉਸਦੇ ਘਰ 'ਤੇ ਕਬਜਾ ਕਰ ਲਿਆ ਸੀ।
ਤੂੰ ਜਿਸ ਵੇਲੇ ਘਰ ਵਿੱਚ ਆਉਂਦਾ ਹੈਂ, ਉੱਧੜ ਧੁੰਮੀ ਮਚਾ ਦਿੰਦਾ ਹੈਂ।
ਸਾਡੇ ਸਫ਼ਰ ਦੇ ਅਜੇ ਪੂਰੇ ਦੋ ਮੀਲ ਵੀ ਨਹੀਂ ਹੋਏ ਸਨ ਕਿ ਪਿਛਲੇ ਪਾਸਿਓਂ ਆ ਰਹੀ ਕਿਸੇ ਆਵਾਜ ਨੇ ਸਾਡੇ ਸੰਘ ਸੁਕਾ ਦਿੱਤੇ। ਸਾਨੂੰ ਪਤਾ ਲੱਗਾ ਕਿ ਪਿੱਛੇ ਗੁੰਡਿਆਂ ਦੀ ਧਾੜ ਆ ਪਹੁੰਚੀ ਹੈ ਜਿਸ ਨੇ ਮਾਝੇ ਦੇ ਇਲਾਕੇ ਵਿੱਚ ਉੱਧੜ ਧੁੰਮੀ ਪਾਈ ਸੀ।
ਜਦ ਦੀਵਾਲੀ ਵਿੱਚ ਕੁੱਲ ਇੱਕ ਹਫ਼ਤਾ ਹੀ ਰਹਿ ਗਿਆ ਤਾਂ ਪਿੰਡ ਦੇ ਮੁੰਡਿਆਂ ਨੇ ਉੱਧੜ ਧੁੰਮੀ ਚੁੱਕ ਲਈ।
ਅਧਿਆਪਕ ਦੇ ਜਮਾਤ ਵਿੱਚੋਂ ਬਾਹਰ ਜਾਂਦਿਆਂ ਹੀ ਬੱਚਿਆਂ ਨੇ ਉਥਲ-ਪੁਥਲ ਮਚਾ ਦਿੱਤੀ।
ਰਮੇਸ਼ ਤਾਂ ਮੋਹਣ ਦੇ ਉੱਤੇ ਡਿੱਗਦਾ ਫਿਰਦਾ ਹੈ, ਉਹ ਆਪਣਾ ਕੰਮ ਕਢਾਉਣਾ ਚਾਹੁੰਦਾ ਹੈ।
ਰਾਣੀ ਤਾਂ ਬਿਲਕੁਲ ਆਪਣੀ ਮਾਂ ਉੱਤੇ ਗਈ ਹੈ, ਉਸੇ ਤਰ੍ਹਾਂ ਦਾ ਚਿਹਰਾ ਅਤੇ ਰੰਗ-ਰੂਪ।
ਬੱਚੇ ਛੁੱਟੀਆਂ ਦੇ ਸਮੇਂ ਨਾਨਕੇ ਜਾਣ ਲਈ ਉਤਾਵਲੇ ਹੋ ਰਹੇ ਸਨ।
ਮਨਜੀਤ ਤਾਂ ਨਿੱਕੀ-ਨਿੱਕੀ ਗੱਲ ਤੇ ਲੜਾਈ ਲਈ ਉਤਾਰੂ ਹੋ ਜਾਂਦੀ ਹੈ।