ਕਿਥੋਂ ਕਿਥੋਂ ਦੇ ਅੱਗ ਬੁਝਾਣ ਵਾਲੇ ਇੰਜਨ ਆਏ, ਫ਼ੌਜ ਸੱਦੀ ਗਈ, ਤਾਂ ਕਿਤੇ ਅੱਗ ਨੂੰ ਬੰਨਾ ਪਾਇਆ ਗਿਆ। ਇਸ ਅੱਗ ਨੇ ਸਾਰਾ ਸ਼ਹਿਰ ਬਰਬਾਦ ਕਰ ਦੇਣਾ ਸੀ।
ਭਾਈ ਜੀ ! ਤੁਸੀਂ ਕਿਉਂ ਸੁਭਦਾਂ ਨੂੰ ਸਹੁਰੀਂ ਜਾਣ ਲਈ ਬੰਨ੍ਹਦੇ ਹੋ, ਜਦ ਉਹ ਨਹੀਂ ਜਾਣਾ ਚਾਹੁੰਦੀ। ਉਸ ਦੀ ਮਰਜ਼ ਦੇ ਉਲਟ ਸਾਨੂੰ ਨਹੀਂ ਚੱਲਣਾ ਚਾਹੀਦਾ।
ਚਾਰ ਪੈਸੇ ਉਨ੍ਹਾਂ ਪਾਸ ਕੀ ਹੋ ਗਏ ਹਨ ਕਿ ਪਿਉ ਪੁੱਤ ਦਾ ਦਿਮਾਗ਼ ਹੀ ਨਹੀਂ ਪਾਇਆ ਜਾਂਦਾ। ਬੰਦੇ ਦੇ ਪੁੱਤਰ ਨਾਲ ਤੇ ਉਹ ਸਿੱਧੇ ਮੂੰਹ ਗੱਲ ਨਹੀਂ ਕਰਦੇ।
ਸਿਆਣੀ ਬਿਆਣੀ ਹੋ ਕੇ ਤੂੰ ਇਹ ਬੋਲੀ ਮਾਰੀ ਹੈ, ਇਹ ਤੈਨੂੰ ਯੋਗ ਨਹੀਂ ਸੀ ਖੈਰ ਜਿਹੜਾ ਕਿਸੇ ਨੂੰ ਤਾਏਗਾ, ਉਹ ਆਪ ਜ਼ਰੂਰ ਤਪੇਗਾ।
ਮੈਂ ਬੋਲੀ ਦੇਣ ਵਿੱਚ ਹੀ ਰਿਹਾ ਤੇ ਉਧਰੋਂ ਇੱਕ, ਦੋ, ਤਿੰਨ ਹੋ ਕੇ ਬੋਲੀ ਸੱਠ ਰੁਪਏ ਤੇ ਖਤਮ ਹੋ ਗਈ।
...... ਪਰ ਇਹੋ ਜੇਹੀਆਂ ਗੱਲਾਂ ਕਰਨੀਆਂ ਤਾਂ ਅੰਨ੍ਹੇ ਅੱਗੇ ਨੱਚਣਾ ਤੇ ਬੌਲੇ ਅੱਗੇ ਰਾਗ ਵਾਲੀ ਗੱਲ ਹੈ। ਜਦ ਕਿ ਤੁਸੀਂ ਵਿਚਾਰਿਆਂ ਦੀ ਰਹਿੰਦੀ ਖੂੰਹਦੀ ਖੱਲ ਵੀ ਉਧੇੜਨ ਤੇ ਉੱਤਰ ਆਏ ਹੋ।
ਉਹ ਮਲਵਈ ਨਹੀਂ ਜਿਹੜਾ ਬੋਲੀਆਂ ਪਾਉਂਦਾ ਪਾਉਂਦਾ ਦਿਨ ਨਾ ਚਾੜ੍ਹ ਦੇਵੇਂ।
ਤੂੰ ਬੋਲੀ ਮਾਰੀ ਸੀ ਕਿ ਆਪਣੀ ਭੈਣ, ਵਿਧਵਾ ਨੂੰ ਹੋਰ ਖਸਮ ਕਰਾ ਦਿਆਂ। ਜਦ ਤੀਕ ਮੈਂ ਤੇਰੀ ਬੋਲੀ ਨਹੀਂ ਲਾਹ ਲੈਂਦਾ, ਆਪਣਾ ਜੀਉਣਾ ਹਰਾਮ।
ਮੰਨ ਲਿਆ, ਭਈ ਸ਼ਹਿਦ ਦੇ ਘੁੱਟ ਆਉਣ, ਜੀਭ ਜਦੋਂ ਤੇਰੀ ਬੋਲ ਬੋਲਦੀ ਹੈ, ਉਛਲ ਉਛਲ ਕੇ ਦਿਲ ਬਾਹਰ ਵਾਰ ਆਵੇ, ਜਦ ਤਕਦੀਰ ਤੇਰੀ ਖਿੜ ਕੇ ਖੋਲਦੀ ਹੈ।
ਵਿਚਾਰੇ ਜ਼ਹਿਰ ਦੇ ਘੁੱਟ ਵਾਂਗ ਇਸ ਦੁੱਖ ਨੂੰ ਪੀ ਗਏ, ਪਰ ਜਿਉਂ ਹੀ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਦੁਆਰਕਾ ਦਾਸ ਉਨ੍ਹਾਂ ਦੀ ਲੜਕੀ ਨੂੰ ਪੰਜਾਬ ਲੈ ਜਾ ਰਿਹਾ ਹੈ, ਉਨ੍ਹਾਂ ਦੇ ਕਲੇਜੇ ਵਿੰਨ੍ਹੇ ਗਏ। ਕਾਫ਼ੀ ਬੋਲ ਬੁਲਾਰਾ ਹੋਇਆ ਤੇ ਨਤੀਜੇ ਦੇ ਤੌਰ ਤੇ ਦੁਹਾਂ ਧਿਰਾਂ ਵਿਚ ਸਾਰੀ ਉਮਰ ਲਈ ਨਾਮਿਲਵਰਤਨ ਦਾ ਮੁੱਢ ਬੱਝ ਗਿਆ।
ਉਸ ਤਰ੍ਹਾਂ ਤੇ ਸ਼ਾਮੂ ਸ਼ਾਹ ਬੜਾ ਸੂਮ ਹੈ ਪਰ ਪੁੱਤ ਦੇ ਵਿਆਹ ਤੇ ਉਸ ਨੇ ਕਮਾਲ ਕਰ ਵਿਖਾਇਆ ਹੈ। ਸਿੱਧਾ ਬੋਰੀ ਦਾ ਮੂੰਹ ਖੋਲ੍ਹ ਕੇ ਰੱਖ ਦਿੱਤਾ ਤੇ ਅੰਨ੍ਹਾ ਖ਼ਰਚ ਕੀਤਾ।
ਪਿਤਾ ਤਾਂ ਪਹਿਲਾਂ ਹੀ ਮਰ ਚੁੱਕਾ ਸੀ; ਮਾਤਾ ਦੀ ਮੌਤ ਨੇ ਬੋਟ ਬਣਾ ਦਿੱਤਾ।