ਪੰਜਾਬੀ ਮੁਹਾਵਰੇ

ਤੈਨੂੰ ਹਾਲੀ ਰਸੋਈ ਸਿੱਖਿਆ ਦੀ ਬਹੁਤ ਲੋੜ ਹੈ। ਤੂੰ ਤੇ ਹਰ ਚੀਜ਼ ਅੰਨੋ ਕੁ-ਅੰਨ ਕਰ ਦਿੰਦੀ ਏਂ।

ਨਹੀਂ ਸ਼ਾਹ ਜੀ ! ਅੰਮੀ ਜੰਮੀ ਤੁਹਾਡਾ ਮਾਲ ਏ, ਜਦੋਂ ਚਾਹੇ ਲੈ ਜਾਉ।

ਪਤੀ ਦੀ ਮੌਤ ਮਗਰੋਂ ਮੈਨੂੰ ਹਰ ਪਾਸੇ ਅੰਨ੍ਹੇਰਾ ਹੀ ਦਿਸਦਾ ਸੀ। ਸਹੁਰਿਆਂ ਤੋਂ ਵੀ ਮੈਨੂੰ ਕੋਈ ਆਸਰਾ ਨਹੀਂ ਸੀ ਨਜ਼ਰ ਆ ਰਿਹਾ।

ਮੈਂ ਅੰਨ੍ਹੇ ਵਾਹ ਹੀ ਤੁਰੀ ਜਾਂਦਾ ਸਾਂ, ਇੱਧਰ ਉੱਧਰ ਕੁਝ ਨਹੀਂ ਸਾਂ ਵੇਖ ਰਿਹਾ। ਫਿਰ ਮੈਨੂੰ ਕਿਸੇ ਨੇ ਆਵਾਜ਼ ਮਾਰੀ ਜਦ ਮੈਂ ਪਰਤ ਕੇ ਵੇਖਿਆ ਤਾਂ ਮੇਰਾ ਮਿੱਤਰ ਮੋਹਨ ਆ ਰਿਹਾ ਸੀ।

ਉਹ ਹੁਣ ਡੀਂਗਾਂ ਕਿਉਂ ਨਾ ਮਾਰੇ। ਅੰਨ੍ਹੇ ਦੇ ਹੱਥ ਬਟੇਰਾ ਜੋ ਆ ਗਿਆ। ਕੱਲ੍ਹ ਤੱਕ ਉਸ ਨੂੰ ਕੋਈ ਪੁੱਛਦਾ ਨਹੀਂ ਸੀ ਅਤੇ ਅੱਜ ਉਸਨੂੰ ਹਵਾਲਦਾਰੀ ਮਿਲ ਗਈ ਹੈ।

ਸੁਰੇਸ਼ ਹਿੰਦੂ ਸਮਾਜ ਦਾ ਹੋਣ ਕਰਕੇ ਨਹੀਂ ਸੀ ਚਾਹੁੰਦਾ ਕਿ ਉਸ ਦਾ ਮਿੱਤ੍ਰ ਇੱਕ ਬ੍ਰਹਮੂ ਸਮਾਜ ਦੀ ਕੁੜੀ ਨਾਲ ਵਿਆਹ ਕਰੇ। ਉਹ ਕੁੜੀ ਦੇ ਘਰ ਆਇਆ ਤੇ ਉਸ ਨੂੰ ਦੱਸਿਆ ਕਿ ਮਹਿੰਦਰ ਉਸ ਨੂੰ ਆਪਣੇ ਹਿੰਦੂ ਸਮਾਜ ਵਿੱਚ ਖਿੱਚ ਲੈ ਜਾਣਾ ਚਾਹੁੰਦਾ ਹੈ ਤੇ ਨਾਲ ਹੀ ਉਹ ਗਰੀਬ ਹੋਣ ਕਰਕੇ ਤੁਹਾਡਾ ਨਿਰਬਾਹ ਕਰਨ ਦੇ ਯੋਗ ਨਹੀਂ। ਉਹ ਨੇ ਕਿਹਾ ਮੈਂ ਉਸ ਨੂੰ ਬਚਾਉਣ ਨਾਲੋਂ ਤੁਹਾਨੂੰ ਬਚਾਉਣਾ ਜ਼ਰੂਰੀ ਸਮਝਦਾ ਹਾਂ। ਕਾਰਨ ਇਹ ਕਿ ਉਸਦੀ ਬਿਪਤਾ ਸਵੈ-ਇੱਛਾ ਨਾਲ ਹੈ ਪਰ ਤੁਸੀਂ ਕੁੱਦ ਰਹੇ ਹੋ ਅੰਨ੍ਹੇ ਖੂਹ ਵਿੱਚ, ਅਜੇ ਹੁਣ ਹੀ ਤੁਹਾਡੇ ਪਿਤਾ ਜੀ ਕਹਿ ਗਏ ਹਨ ਕਿ ਉਨ੍ਹਾਂ ਨੂੰ ਉਹਦੀ ਮਾਲੀ ਹਾਲਤ ਬਾਬਤ ਕੁਝ ਵੀ ਪਤਾ ਨਹੀਂ।

ਪਰ ਇਹੋ ਜਿਹੀਆਂ ਗੱਲਾਂ ਕਰਨੀਆਂ ਤਾਂ ਅੰਨ੍ਹੇ ਅੱਗੇ ਨੱਚਣਾ ਤੇ ਬੋਲ਼ੇ ਅੱਗੇ ਰਾਗ ਵਾਲੀ ਗੱਲ ਹੈ। ਉਸ ਤੇ ਇਹੋ ਜਿਹੀਆਂ ਗੱਲਾਂ ਦਾ ਕੋਈ ਅਸਰ ਨਹੀਂ।

ਨਸ਼ੇ ਵਿੱਚ ਆਇਆ ਉਹ ਅੰਨ੍ਹੀ ਧਨਾਸਰੀ ਮਚਾਈ ਗਿਆ ; ਵੱਡੇ ਨਿੱਕੇ ਦਾ ਖ਼ਿਆਲ ਉਸ ਵੇਲੇ ਕੀ ਹੋ ਸਕਦਾ ਸੀ।

ਮੈਂ ਤਾਂ ਹੈਰਾਨ ਹਾਂ ਕਿ ਮੱਘਰ ਕੋਲ ਐਨਾ ਧਨ ਕਿੱਦਾਂ ਆ ਗਿਆ ? ਉਸਨੇ ਕੋਈ ਵਣਜ ਵਿਹਾਰ ਨਹੀਂ ਕੀਤਾ, ਪਤਾ ਨਹੀਂ ਇਹ ਅੰਨ੍ਹੀ ਖੱਟੀ ਆ ਕਿੱਥੋਂ ਰਹੀ ਹੈ ?

ਸੇਠ ਜੀ ਨੇ ਆਪਣੇ ਬੇਟੇ ਰਾਮੂ ਦੀ ਸ਼ਾਦੀ ਸਮੇਂ ਅੰਨ੍ਹਾ ਪੈਸਾ ਰੋੜ੍ਹਿਆ।

ਉਂਝ ਤਾਂ ਰਾਮੂ ਸ਼ਾਹ ਬੜਾ ਸੂਮ ਹੈ ਪਰ ਪੁੱਤ ਦੇ ਵਿਆਹ ਤੇ ਤਾਂ ਉਸ ਨੇ ਕਮਾਲ ਕਰ ਵਿਖਾਇਆ ਹੈ। ਸਿੱਧਾ ਬੋਰੀ ਦਾ ਮੂੰਹ ਹੀ ਖੋਲ੍ਹ ਕੇ ਰੱਖ ਦਿਤਾ ਤੇ ਅੰਨ੍ਹਾ ਖ਼ਰਚ ਕੀਤਾ ਹੈ।

ਕੱਲ੍ਹ ਅਸੀਂ ਤਿਆਰ ਹੋ ਕੇ ਸਟੇਸ਼ਨ ਤੇ ਗਏ ਪਰ ਗੱਡੀ ਤੁਰ ਚੁਕੀ ਸੀ। ਸਭ ਅੰਨ ਜਲ ਦੇ ਵਸ ਹੈ, ਇੱਥੋਂ ਦਾ ਦਾਣਾ ਪਾਣੀ ਇੱਕ ਦਿਨ ਹੋਰ ਖਾਣਾ ਸੀ।