ਜ਼ਿੰਦਗੀ ਵਿੱਚ ਤਰੱਕੀ ਕਰਨ ਲਈ ਤੁਹਾਨੂੰ ਇਮਤਿਹਾਨ ਦੀ ਅਲੂਣੀ ਸਿੱਲ ਚੱਟਣੀ ਹੀ ਪਵੇਗੀ।
ਅੱਜ ਕੱਲ੍ਹ ਸੜਕ ਦੁਰਘਟਨਾਵਾਂ ਵਿੱਚ ਬਹੁਤ ਸਾਰੇ ਲੋਕ ਅਣਿਆਈ ਮੌਤ ਮਰ ਜਾਂਦੇ ਹਨ।
ਪ੍ਰੀਤੀ ਦੀ ਤਾਂ ਘਰ ਅੱਡੀ ਨਹੀਂ ਲੱਗਦੀ, ਸਾਰਾ ਦਿਨ ਬਜਾਰ ਵਿੱਚ ਘੁੰਮਦੀ ਰਹਿੰਦੀ ਹੈ।
1947 ਵਿੱਚ ਫ਼ਿਰਕੂ ਅਨਸਰਾਂ ਨੇ ਦੇਸ਼ ਵਿੱਚ ਅੱਗ ਲਾ ਦਿੱਤੀ ਸੀ।
ਫ਼ਿਰਕੂਪੁਣੇ ਨੂੰ ਸ਼ਹਿ ਦੇ ਕੇ ਸਰਕਾਰ ਅੱਗ ਨਾਲ ਖੇਡ ਰਹੀ ਹੈ ।
ਮਾਂ ਆਪਣੇ ਪੁੱਤਰ ਨੂੰ ਅੱਖੋਂ ਓਹਲੇ ਕਰਨ ਲਈ ਤਿਆਰ ਨਹੀਂ ਸੀ।
ਮਈ-ਜੂਨ ਦੇ ਮਹੀਨਿਆਂ ਵਿੱਚ ਦੁਪਹਿਰ ਵੇਲੇ ਅੱਗ ਵਰ੍ਹਦੀ ਹੈ।
ਭਾਰਤੀ ਸੈਨਿਕਾਂ ਨੇ 1972 ਦੀ ਲੜਾਈ ਵੇਲੇ ਵੈਰੀ ਦੇ ਖ਼ੂਬ ਆਹੂ ਲਾਹੇ।
ਭਾਰਤੀ ਸੈਨਿਕ ਇੰਨੀ ਬਹਾਦਰੀ ਨਾਲ ਲੜੇ ਕਿ ਉਹਨਾਂ ਨੇ ਵੈਰੀ ਦੀ ਅਲ਼ਖ ਮੁਕਾ ਦਿੱਤੀ।
ਅੱਜ ਕੱਲ੍ਹ ਤਾਂ ਹਰੇਕ ਚੀਜ਼ ਅੱਗ ਦੇ ਭਾਅ ਹੋ ਗਈ ਹੈ।
ਅਲਕਾ ਦੇ ਪਿਤਾ ਜੀ ਕਈ ਦਿਨਾਂ ਤੋਂ ਬਿਮਾਰ ਸਨ, ਕੱਲ੍ਹ ਉਹ ਅੱਖਾਂ ਮੀਟ ਗਏ।
ਡਾਕੂ ਪੁਲਿਸ ਦੀਆਂ ਅੱਖਾਂ ਵਿੱਚ ਘੱਟਾ ਪਾ ਕੇ ਭੱਜ ਗਏ।