ਸਾਡੀ ਤੁਹਾਡੇ ਨਾਲ ਪੂਰੀ ਨਹੀਂ ਪੈ ਸਕਦੀ, ਤੁਸਾਂ ਸੱਤਾਂ ਪੱਤਣਾਂ ਦਾ ਪਾਣੀ ਪੀਤਾ ਹੋਇਆ ਹੈ, ਸਾਨੂੰ ਕੋਈ ਗੱਲ ਨੀ ਆਉਂਦੀ।
ਇਸ ਦੀਆਂ ਗੱਲਾਂ ਤੋਂ ਇਉਂ ਜਾਪਦਾ ਹੈ ਕਿ ਇਹ ਉਸ ਦਾ ਸੱਤ ਭੰਗ ਕਰ ਚੁੱਕਾ ਹੈ। ਆਖਰ ਉਹ ਇਸਤ੍ਰੀ ਇਸ ਦੇ ਵੱਸ ਸੀ।
ਸੱਤ ਬਚਨ ਭੈਣ ਜੀ ! ਮੈਂ ਬੜੀ ਖੁਸ਼ੀ ਨਾਲ ਤੁਹਾਨੂੰ ਇਸ ਪੁਸਤਕ ਦਾ ਉਤਾਰਾ ਕਰ ਦਿਆਂਗੀ, ਪਰ ਬਾਬਾ ਜੀ ਤੋਂ ਪੁੱਛ ਕੇ।
ਜਦੋਂ ਕੰਦਲਾ (ਜਾਗੀਰਦਾਰ ਦੀ ਨੂੰਹ) ਨੇ ਹਵੇਲੀ ਵਿੱਚ ਕਦਮ ਰੱਖਿਆ, ਬੀਮਾਰ ਜਾਗੀਰਦਾਰ ਦੇ ਸੱਤ ਤੇ ਵੀਹ ਖੈਰੀਂ ਹੋਣ ਲੱਗ ਪਈਆਂ। ਅੱਜ ਹੋਰ ਕੱਲ੍ਹ ਹੋਰ ਤੇ ਕੋਈ ਤਿੰਨਾਂ ਹਫ਼ਤਿਆਂ ਬਾਅਦ ਉਹ ਰਾਜ਼ੀ ਬਾਜ਼ੀ ਹੋ ਗਿਆ।
ਕਿੰਨੀ ਚਲਾਕ ਹੈ ਇਹ ਕੁੜੀ, ਜਿਸ ਨੂੰ ਮੈਂ ਭੋਲੀ ਕਬੂਤਰੀ ਸਮਝਦਾ ਸਾਂ, ਅੱਜ ਪਤਾ ਲੱਗਾ ਕਿ ਇਹ ਤਾਂ ਲੂੰਬੜੀ ਨਾਲੋਂ ਵੀ ਵੱਧ ਮੱਕਾਰ ਹੈ। ਮਰੇ ਸਾਹਮਣੇ ਹੁੰਦਿਆਂ ਤਾਂ ਇਸ ਉੱਤੇ ਸੱਤ ਘੜੇ ਪਾਣੀ ਪੈ ਜਾਂਦਾ ਹੈ, ਪਰ ਅੱਜ ਪ੍ਰਕਾਸ਼ ਦੀ ਬਗਲ ਵਿੱਚ ਬੈਠ ਕੇ ਕਿੰਨੀ ਖੁਸ਼ ਹੈ।
ਪਿਆਰੀ ਸੁਮਨ ! ਸਹੁਰੇ ਘਰ ਜਾ ਕੇ ਤੂੰ ਬਹੁਤ ਨਿਰਮੋਹ ਹੋ ਗਈ ਹੈਂ। ਕੀ ਉਸ ਵੇਲੇ ਵਿੱਚ ਹੀ ਕੋਈ ਜਾਦੂ ਸੀ, ਜਿਸ ਵਿੱਚ ਅਸਾਂ ਸਾਰੀਆਂ ਨੇ ਤੈਨੂੰ ਹਟਕੋਰੇ ਭਰਦੀਆਂ ਨੇ ਚਾੜ੍ਹਿਆ ਸੀ ? ਜਾਂ ਫਿਰ ਉਸ ਨਵੀਂ ਦੁਨੀਆਂ ਵਿੱਚ ਹੀ ਕੋਈ ਐਸੀ ਬੇਹੋਸ਼ੀ ਦੀ ਬੂਟੀ ਰਲੀ ਹੋਈ ਸੀ, ਜਿਸ ਨੇ ਜਾਂਦਿਆਂ ਹੀ ਤੈਨੂੰ ਪਿਛਲੀਆਂ ਯਾਦਾਂ ਭੁਲਾ ਦਿੱਤੀਆਂ। ਅੜੀਏ ! ਜੇ ਸੱਚ ਮੁੱਚ ਵਿਆਹ ਇਸੇ ਬੇਹੋਸ਼ੀ ਦਾ ਨਾਮ ਹੈ ਤਾਂ ਇਹੋ ਜਿਹੇ ਵਿਆਹ ਨੂੰ ਸੱਤ ਸਲਾਮਾਂ।
ਅਸਲ ਦਇਆ ਇਹ ਹੈ ਕਿ ਮਨੁੱਖ ਸੱਤ ਓਪਰੇ ਦਾ ਦੁੱਖ ਸੁਣ ਕੇ ਨਾ ਰਹਿ ਸਕੇ ਤੇ ਉਸ ਦੀ ਮਦਦ ਲਈ ਉੱਠ ਦੌੜੇ।
"ਦੇਖੀ ਚੱਲ ਬਣਦਾ ਕੀ ਏ, ਇੱਕ ਵਾਰੀ ਆ ਲੈਣ ਦੇ ਬਦਮਾਸ਼ ਨੂੰ, ਸੱਠੀ ਦੇ ਚੌਲ ਨਾ ਖੁਆ ਦਿਆਂ ਤਾਂ ਮੇਰਾ ਨਾਂ ਵਟਾ ਛੱਡੀਂ। ਉਹਨੇ ਸਮਝਿਆ ਕੀ ਏ।
ਸਾਕ ਦੇ ਪੱਕਾ ਹੋ ਕੇ ਟੁੱਟ ਜਾਣ ਨਾਲ ਰੂਪ ਦੀ ਇੱਕ ਤਰ੍ਹਾਂ ਪਿੰਡ ਵਿੱਚ ਹੱਤਕ ਹੋ ਗਈ ਸੀ। ਪਿਆਰ ਦੇ ਮਾਮਲੇ ਵਿੱਚ ਜਿੱਥੇ ਉਸ ਦਾ ਦਿਲ ਚੀਰਿਆ ਗਿਆ ਸੀ, ਉੱਥੇ ਦੁਨੀਆਦਾਰੀ 'ਚ ਉਸ ਦੇ ਸਤਿਕਾਰ ਅਤੇ ਅਣਖ ਨੂੰ ਸੱਟ ਵੀ ਵੱਜੀ ਸੀ।
ਕਿਸੇ ਨੂੰ ਸਮਝਾਉਣ, ਕਹਿਣ ਦਾ ਅਸਰ ਘੱਟ ਹੀ ਹੁੰਦਾ ਹੈ, ਜਦੋਂ ਕਿਸੇ ਨੂੰ ਆਪ ਜੀਵਨ ਵਿੱਚ ਸੱਟ ਲੱਗਦੀ ਹੈ ਫਿਰ ਹੀ ਉਸਨੂੰ ਹੋਸ਼ ਆਂਦੀ ਹੈ ਤੇ ਫਿਰ ਉਹ ਸੰਭਲਦਾ ਹੈ।
ਭੈਣ ਜੀ, ਜਿਸ ਵੇਲੇ ਸੱਟ ਸਿਰ ਤੇ ਪੈਂਦੀ ਹੈ, ਉਸ ਵੇਲੇ ਸਦਮਾ ਗਹਿਰਾ ਹੁੰਦਾ ਹੈ।
ਰਾਜਪੂਤਾਂ ਵਰਗੀ ਬਹਾਦਰ ਕੌਮ ਏਸ ਵੇਲੇ ਸਾਡੀ ਸੱਜੀ ਬਾਂਹ ਬਣੀ ਹੋਈ ਹੈ, ਇਨ੍ਹਾਂ ਨਾਲ ਸਾਡਾ ਲਹੂ ਸਾਂਝਾ ਹੁੰਦਾ ਜਾ ਰਿਹਾ ਹੈ। ਏਨ੍ਹਾਂ ਨੂੰ ਛੱਡ ਕੇ ਪਰਦੇਸੀ ਅਹਿਲਕਾਰਾਂ ਦੀਆਂ ਕੁੜੀਆਂ ਵੱਲ ਧਿਆਨ ਦੇਣਾ ਰਾਜਨੀਤੀ ਦੇ ਵਿਰੁੱਧ ਹੈ।