ਇਨ੍ਹਾਂ ਹਾਲਾਤ ਨੂੰ ਵੇਖ ਕੇ ਕਿਸੇ ਕਿਸੇ ਵੇਲੇ ਰਾਇ ਸਾਹਿਬ ਦੇ ਦਿਮਾਗ਼ ਵਿੱਚੋਂ ਬਦਲੇ ਦਾ ਭੂਤ ਉੱਤਰਨਾ ਸ਼ੁਰੂ ਹੋ ਜਾਂਦਾ, ਤੇ ਉਹ ਖਾਬ ਕਰਦੇ ਕਿ ਮਜ਼ਦੂਰਾਂ ਨਾਲ ਜੇ ਕੋਈ ਸਮਝੌਤਾ ਹੋ ਜਾਂਦਾ ਤਾਂ ਚੰਗਾ ਹੀ ਸੀ।
ਵਾਹ ਵਾਹ ਕਿਸਮਤੇ ਦਿੱਤੀ ਆ ਬਾਦਸ਼ਾਹੀ, ਪਰ ਦਿੱਤੀ ਆ ਬੱਦਲਾਂ ਦੀ ਛਾਂ ਵਾਂਗਰ !
ਮਾਂ ਦਾ ਜੇਰਾ, ਪਰਮਾਤਮਾ ਨੇ ਮੱਝ ਜਿੱਡਾ ਬਣਾਇਆ ਹੈ । ਪੁੱਤਰ ਸੌ ਪਾਪ ਕਰੇ, ਮਾਂ ਉਸਤੇ ਪਰਦੇ ਹੀ ਪਾਏਗੀ ਸਦਾ ਬੱਤੀ ਧਾਰਾ ਬਖਸ਼ੇਗੀ। ਮਾਂ ਤੇ ਰੱਬ ਦਾ ਰੂਪ ਹੁੰਦੀ ਹੈ।
ਅਸੀਂ ਤੇ ਰਾਇ ਸਾਹਬ ਓਦਨ ਤੁਹਾਡੇ ਈ ਬਚਨਾਂ ਤੇ ਫੁੱਲ ਚੜ੍ਹਾਏ ਸਨ- ਤੁਹਾਡੀਆਂ ਈ ਸਾਰੀਆਂ ਤਜਵੀਜ਼ਾਂ ਨੂੰ ਅਮਲੀ ਸ਼ਕਲ ਦੇਣ ਲਈ ਤੁਹਾਡੇ ਨਾਲ ਮੁਤਫਿੱਕ ਹੋਏ ਸਾਂ। ਇਸ ਵਿੱਚ ਦੱਸੋ, ਸਾਡਾ ਕੀਹ ਗੁਨਾਹ ਹੈ ?
ਉਹ ਨਿਰਾ ਬਗਲਾ ਭਗਤ ਹੈ, ਵੇਖਣ ਨੂੰ ਬੜਾ ਸੋਹਣਾ, ਵਿਚੂੰ ਬੜਾ ਮੀਸਣਾ। ਉਸ ਦੀਆਂ ਗੱਲਾਂ ਵਿੱਚ ਨਾ ਆਈਂ; ਨਹੀਂ ਤੇ ਧੋਖਾ ਖਾਏਂਗਾ।
ਅੱਲਾ ਦੇ ਰੰਗ ਨੇ, ਕਦੀ ਇਹ ਗੱਲ ਸੀ, ਕਿ ਕੋਈ ਰਾਣੀ ਖਾਨ ਦਾ ਬੱਚਾ ਭੀ ਅੱਖ ਨਾਲ ਅੱਖ ਨਹੀਂ ਸੀ ਰਲਾ ਸਕਦਾ, ਅੱਜ ਇਹ ਹਾਲ ਏ, ਕਿ ਸਾਨੂੰ ਇਥੇ ਬਹਿਣ ਦੀ ਵੀ ਥਾਂ ਨਹੀਂ।
ਉਨ੍ਹਾਂ ਦੇ ਚੋਰੀ ਕੀ ਹੋਈ ਹੈ, ਮਾਨੋ ਘਰ ਵਿੱਚ ਬਹਾਰੀ ਹੀ ਫਿਰ ਗਈ ਹੈ। ਰੱਬ ਦੇ ਨਾਂ ਦੀ ਕੋਈ ਚੀਜ਼ ਚੋਰ ਉਨ੍ਹਾਂ ਦੇ ਅੰਦਰ ਨਹੀਂ ਛੱਡ ਕੇ ਗਏ।
ਸਾਡੀ ਤੁਹਾਡੇ ਨਾਲ ਬਸਰ ਨਹੀਂ ਆ ਸਕਦੀ, ਤੁਸਾਂ ਸੱਤਾਂ ਪੱਤਨਾਂ ਦਾ ਪਾਣੀ ਪੀਤਾ ਹੋਇਆ, ਸਾਨੂੰ ਕੋਈ ਗੱਲ ਨਾ ਆਉਂਦੀ ਹੋਈ। ਤੁਸਾਂ ਗੱਲ ਗੱਲ ਵਿਚ ਸਾਨੂੰ ਦਗਾ ਕਰਨਾ ਹੋਇਆ।
ਉਹ ਘਰ ਆਏ ਕਿਸੇ ਬੰਦੇ ਨੂੰ ਨਿਰਾਸ਼ ਨਹੀਂ ਜਾਣ ਦਿੰਦਾ ।ਉਹ ਤਾਂ ਬੰਨ੍ਹ ਕੇ ਖੀਰ ਖਵਾਉਣ ਵਾਲਾ ਹੈ ।
ਮਧੂ ਦੇ ਬੋਲਾਂ ਵਿੱਚ ਸ਼ਹਿਦ ਦੇ ਘੁੱਟ ਹਨ । ਉਸ ਨਾਲ ਗੱਲ ਕਰ ਕੇ ਅਨੰਦ ਆ ਜਾਂਦਾ ਹੈ ।
ਖ਼ੁਦਗ਼ਰਜ਼ ਲੀਡਰ ਦੇਸ਼ ਦਾ ਬੇੜਾ ਗ਼ਰਕ ਕਰ ਦਿੰਦੇ ਹਨ ।
ਉਸ ਦੇ ਪਿਓ ਦੀ ਜਾਇਦਾਦ ਬਹੁਤ ਹੈ, ਇਸ ਲਈ ਉਹ ਬੁੱਲੇ ਲੁੱਟਦਾ ਹੈ ।