ਪੰਜਾਬੀ ਮੁਹਾਵਰੇ

ਐਮ. ਐਲ. ਏ. ਬਣ ਜਾਣਾ, ਜਾਂ ਦੂਜੇ ਸ਼ਬਦਾਂ ਵਿੱਚ ਸੂਬੇ ਦੇ ਖੁਦਾਵਾਂ (ਵਜ਼ੀਰਾਂ) ਦੀ ਮੁੱਛ ਦਾ ਵਾਲ ਬਣਨ ਦੀ ਉਮੀਦ, ਏਹ ਕੋਈ ਛੋਟੀ ਜੇਹੀ ਗੱਲ ਨਹੀਂ ਸੀ ਜੇਹੜੀ ਏਸ ਵੇਲੇ ਉਸ ਦੀ ਨੀਂਦਰ ਨੂੰ ਲਾਗੇ ਫਟਕਣ ਦੇਂਦੀ।

ਉਹ ਆਪਣੀ ਭੈਣ ਨੂੰ ਮੁੱਛ ਮੁੱਛ ਖਾਧੀ ਜਾਂਦਾ ਹੈ ਆਪ ਕੋਈ ਕੰਮ ਨਹੀਂ ਕਰਦਾ।

ਜਦੋਂ ਉਸ ਪਾਸ ਕੋਈ ਦਲੀਲ ਨਾ ਰਹੀ ਤਾਂ ਇਹੋ ਜਿਹੀਆਂ ਗੱਲਾਂ ਤੇ ਹੀ ਆਣਾ ਸੀ ਕਿ ਮੱਕੀ ਦੇਂਦਿਆਂ ਹਿਲਦੀ ਕਿਉਂ ਹੈਂ।

ਤੁਸੀਂ ਉੱਧਰ ਚੱਲੇ ਤੇ ਹੋ ! ਇਹ ਵੀ ਦੱਸ ਜਾਉ ਕਿ ਮੁਹਾਰਾਂ ਮੋੜੋਂਗੇ ਕਦੇ ? ਅਸੀਂ ਪਿੱਛੇ ਉਡੀਕ ਵਿੱਚ ਹੀ ਨਾ ਸੁੱਕਦੇ ਰਹੀਏ।

ਸਾਮੀ-ਸ਼ਾਹ, ਵਿਆਜ ਬੜਾ ਲਿਖਿਆ ਈ।
ਸ਼ਾਹ—ਬੜਾ ਲਿਖਿਆ, ਭਾਈ ਬੜਾ ਲਿਖਿਆ !
ਚੰਗੀ ਜਾਤੀ ਦੇ ਚੌਧਰੀ ! ਨਹੋਣ ਸਾਖੀ ਏ, ਮੈਨੂੰ ਇਹਦੇ ਵਿੱਚ ਘਾਟਾ ਏ। ਮੇਰਾ ਪੰਜ ਰੁਪਏ ਸੈਂਕੜੇ ਤੇ ਚੜ੍ਹਦਾ ਏ। ਰੁਪਏ ਦਾ ਅੱਜ ਕਲ੍ਹ ਮੁਸ਼ਕ ਨਹੀਂ ਲੱਭਦਾ ਕਿਤੇ। ਤੇਰੀ ਸਾਡੀ ਤੇ ਮੁੱਢੋਂ ਬਣੀ ਹੋਈ ਏ, ਇਸ ਲਈ ਕੱਢ ਕੇ ਤੇਰੀ ਝੋਲੀ ਪਾ ਦਿੱਤਾ ਏ।

ਚਾਚੇ ਨੇ ਆਖਿਆ, 'ਵੇਖ ਬੱਚੂ, ਵੇਲਾ ਨਾ ਜਾਣ ਦੇ, ਫੜ ਕੇ ਕਸ ਲੈ ਇਹਦੀਆਂ ਮੁਸ਼ਕਾਂ ਤੇ ਅਸੀਂ ਘੋੜੀ ਉੱਤੇ ਸੁੱਟ ਕੇ ਅੱਡੀ ਲਾਉਨੇ ਆਂ।'

ਸੱਚੀ ਗੱਲ ਸੁਣ ਕੇ ਉਸ ਨੂੰ ਮਿਰਚਾਂ ਲੜ ਜਾਣੀਆਂ ਸਨ। ਪਰ ਮੈਨੂੰ ਉਸ ਦੇ ਗੁੱਸੇ ਦੀ ਪਰਵਾਹ ਨਹੀਂ। ਮੈਂ ਲੁਕਾ ਨਹੀਂ ਕਰ ਸਕਦਾ।

ਕੰਧਾਂ ਉੱਤੇ ਵੱਡੇ ਵੱਡੇ ਪੋਸਟਰ ਚਮਕਣ ਲੱਗੇ, ਜਿਨ੍ਹਾਂ ਵਿੱਚ ਮੁਖਾਲਫ ਉਮੀਦਵਾਰਾਂ ਦੀਆਂ ਕਰਤੂਤਾਂ ਦੇ ਕੱਚੇ ਚਿੱਠੇ ਖੂਬ ਮਿਰਚ ਮਸਾਲਾ ਲਾ ਕੇ ਛਾਪੇ ਜਾਂਦੇ ਸਨ।

ਅੱਜ ਤੁਹਾਡੀ ਮਿਤੀ ਪੁੱਗਿਆਂ ਦਸ ਦਿਨ ਹੋ ਗਏ ਹਨ। ਹੁਣ ਤੇ ਰੁਪਏ ਹਾਜ਼ਰ ਨਹੀਂ, ਜਦੋਂ ਆਏ ਦਿਆਂਗੇ।

ਉਸ ਨੇ ਮਿਤੀ ਗਿਣ ਕੇ ਦੱਸਿਆ ਕਿ ਅੱਜ ਵੀਹ ਵਿਸਾਖ ਹੈ ਕਿਉਂਕਿ ਮਹੀਨਾ ਬੁੱਧਵਾਰ ਚੜ੍ਹਿਆ ਸੀ।

ਕਿਰਪਾ ਕਰਕੇ ਰਕਮ ਭੇਜਣ ਤੋਂ ਪਹਿਲਾਂ, ਆਪਣੀ ਮਿਤੀ ਕੱਟ ਲੈਣੀ, ਨਹੀਂ ਤੇ ਉੱਥੋਂ ਕੁਝ ਨਹੀਂ ਮਿਲਣਾ।

ਮੈਂ ਕਹਿੰਦੀ ਨਹੀਂ ਸਾਂ ਕਿ ਇਸ ਕੁੜੀ ਦੀ ਸ਼ਕਲ ਅਰ ਜ਼ਬਾਨ ਵੱਲ ਨਾ ਵੇਖੋ। ਇਹ ਤਾਂ ਇੱਕ ਮਿੱਠੀ ਛੁਰੀ ਹੈ।