ਪੰਜਾਬੀ ਮੁਹਾਵਰੇ

ਰੂਪ ਨੂੰ ਵੀ ਅਨੁਭਵ ਹੋ ਰਿਹਾ ਸੀ। ਉਸ ਦਾ ਪਿਆਰ ਏਸੇ ਕਰਕੇ ਅਧੂਰਾ ਰਹਿ ਗਿਆ। ਰੱਬ ਤੇ ਕਿਸਮਤ ਨੂੰ ਭਲਾ ਇਸ ਵਿੱਚ ਕੀ ਦਖਲ ਸੀ। ਲੋਕਾ ਚਾਰੀ ਅਤੇ ਸਮਾਜ ਨੇ ਰਲ ਕੇ ਉਸ ਦੀ ਕਾਮਯਾਬ ਹੁੰਦੀ ਜ਼ਿੰਦਗੀ ਨੂੰ ਮੂਧੇ ਮੂੰਹ ਮਾਰਿਆ। ਹੱਛਾ ! ਫਿਰ ਉਸ ਵਿਆਹ ਬਾਰੇ ਸੋਚਦਿਆਂ ਮਨ 'ਚ ਆਖਿਆ, ਚੰਗਾ ਸਿਰ ਢੱਕਣ ਹੋ ਗਿਆ।

ਹੁਣ ਤੂੰ ਆਇਆਂ ਏਂ, ਤਾਂ ਖੱਚਕਾਂ ਵਾਲੀਆਂ ਗੱਲਾਂ ਨਾ ਕਰ, ਜਾਂ ਤਾਂ ਸਿੱਧੀ ਤਰ੍ਹਾਂ ਸਿਰ ਡਾਹ ਕੇ ਵਾਰ ਚੁੱਕ ਲੈ ਖਾਂ, ਨਹੀਂ ਤਾਂ ਜਵਾਬ ਤਾਂ ਤੂੰ ਅੱਗੇ ਹੀ ਦੇ ਛੱਡਿਆ ਹੋਇਆ ਏ।

ਪਤੀ ਦੀ ਮੌਤ ਮਗਰੋਂ ਉਸਨੇ ਸਭ ਕੁਝ ਸਿਰ ਝੱਲਿਆ।

ਵਹੁਟੀ ਆਪਣੇ ਪਤੀ ਨੂੰ ਦਿਲ ਹੀ ਦਿਲ ਵਿੱਚ ਗਾਲਾਂ ਦਿੰਦੀ ਤੇ ਕਹਿੰਦੀ, "ਤੁਹਾਡੇ ਲੋਕਾਂ ਦੀ ਰਹਿਣੀ ਬਹਿਣੀ ਓਪਰੀ ਏ। ਰੰਗ ਢੰਗ ਵੱਖਰਾ ਏ । ਏਥੇ ਤੇਰੇ ਨੌਕਰ ਨੌਕਰਾਣੀਆਂ ਧੁੱਪੇ ਪਏ ਰਹਿੰਦੇ ਨੇ ਸਾਰਾ ਸਾਰਾ ਦਿਨ, ਕੋਈ ਕੰਮ ਨਹੀਂ ਕਾਜ ਨਹੀਂ। ਕਦੀ ਸਿਰ ਜੋੜ ਬੈਠਦੇ ਨੇ। ਇੱਕ ਦੂਜੇ ਦੇ ਕੰਨਾਂ ਵਿੱਚ ਪਤਾ ਨਹੀਂ ਕੀ ਨਾ ਕੀ ਫੂਕਦੇ ਰਹਿੰਦੇ ਨੇ।

ਤੁਸਾਂ ਜੁ ਕਿਹਾ ਸੀ ਉਰਵਸ਼ੀ ਲਈ ਉਸ ਮੁੰਡੇ ਬਾਬਤ ਸਾਰਾ ਪਤਾ ਕਰਕੇ ਦੱਸਾਂਗੇ, ਮੁੜ ਕੇ ਤੁਸਾਂ ਪਤਾ ਥਹੁ ਹੀ ਕੋਈ ਨਾ ਦਿੱਤਾ। ਤੁਸੀਂ ਜਾਣਦੇ ਈ ਹੋ ਭਰਾ ਜੀ, ਕੁੜੀ ਦਾ ਸਿਰ ਛੱਤ ਨੂੰ ਛੂਹਣ ਲੱਗ ਪਿਆ ਵੇ। ਮੈਨੂੰ ਤੇ ਖਾਧਾ ਪੀਤਾ ਨਹੀਂ ਲੱਗਦਾ ਇਸ ਦੀ ਚਿੰਤਾ ਵਿੱਚ।

ਜੇ ਬੱਚੇ ਨੂੰ ਕਦੇ ਕਦੇ ਝਾੜ ਕੇ ਸਿੱਧੇ ਰਾਹ ਤੇ ਨਾ ਲਿਆਂਦਾ ਜਾਏ ਤਾਂ ਉਹ ਸਿਰ ਚੜ੍ਹ ਜਾਂਦਾ ਹੈ ਤੇ ਫਿਰ ਕਾਬੂ ਨਹੀਂ ਆਉਂਦਾ।

ਵਾਹ ਨੀ ! ਅਮੀਰਾਂ ਦੀ ਸ਼ਰਾਬ ਦੇ ! ਸਿਰ ਚੜ੍ਹ ਖੇਡਾਂ, ਮੂੰਹ ਚੜ੍ਹ ਬੋਲੋਂ, ਖ਼ਾਸ ਫ਼ਰਾਂਸ ਇੰਗਲੈਂਡ ਦੀ ਦੇਵੀ।

ਅਸੀਂ ਚੰਗੇ ਮੰਨੇ ਪ੍ਰਮੰਨੇ ਆਦਮੀ ਸਾਂ ਪਰ ਸਾਡੇ ਪੁੱਤਰ ਨੇ ਇਹ ਕਾਰਾ ਕਰ ਕੇ ਸਾਡੇ ਸਿਰ ਖੇਹ ਪਾ ਦਿੱਤੀ ਹੈ।

ਸਵੇਰ ਦਾ ਬੋਲ ਬੋਲ ਕੇ ਮੇਰਾ ਸਿਰ ਖਾਲੀ ਹੋ ਗਿਆ ਹੈ, ਪਰ ਤੇਰੇ ਕੰਨ ਤੇ ਜੂੰ ਵੀ ਨਹੀਂ ਸਰਕੀ। ਪਤਾ ਨਹੀਂ, ਤੈਨੂੰ ਹੋ ਕੀ ਗਿਆ ਹੈ।

ਇਹ ਨਿੱਕੀ ਕੁੜੀ ਗੱਲਾਂ ਕਰ ਕਰ ਕੇ ਮੇਰਾ ਸਿਰ ਖਪਾ ਦਿੰਦੀ ਹੈ।

ਨੈਣ ਨੇ ਮੇਰਾ ਸਿਰ ਕਰ ਦਿੱਤਾ।

ਮੈਂ ਤੇ ਭੁੱਲ ਭੁਲਾਇਆ ਸੀ ; ਉਹ ਮੇਰੇ ਸਿਰ ਹੀ ਹੋ ਗਿਆ ਹੈ।