ਕੱਲ੍ਹ ਦੁਪਹਿਰ ਨਿੰਮ ਦੀ ਛਾਂ ਹੇਠ ਮੇਰੀ ਅੱਖ ਲੱਗ ਗਈ ਸੀ।
ਸ਼ੇਰੇ ਨੇ ਆਪਣੇ ਸਿਪਾਹੀਆਂ ਨੂੰ ਸੁਰੇਸ਼ ਤੇ ਅੱਖ ਰੱਖਣ ਲਈ ਕਿਹਾ।
ਜਦੋਂ ਕਿਸੇ ਮਾਤਹਿਤ ਨੂੰ ਚਲਾਕੀ ਕਰਦਾ ਦੇਖੋ ਤਾਂ ਅੱਖ ਨਹੀਂ ਮੀਟਣੀ ਚਾਹੀਦੀ, ਸਗੋਂ ਉਸ ਨੂੰ ਤਾੜਨਾ ਕਰਨੀ ਚਾਹੀਦੀ ਹੈ।
''ਉਰਵਸ਼ੀ ਸੱਚਮੁਚ ਹੀ ਤਾਂ ਬੁਝਾਰਤ ਹੈ, ਇੱਕ ਪਾਸੇ ਬੇਰੁਖੀ ਦੀ ਇਤਨੀ ਇੰਤਹਾ ਕਿ ਅੱਖ ਤੀਕ ਮਿਲਾਉਣ, ਜ਼ਬਾਨ ਤੀਕ ਸਾਂਝੀ ਕਰਨ ਦੀ ਰਵਾਦਾਰ ਨਹੀਂ, ਤੇ ਦੂਜੇ ਪਾਸੇ ਉਸ ਦੀ ਮਾਂ ਦੇ ਮੂੰਹੋਂ ਸੁਣੋ ਤਾਂ ਹੋਰ ਹੀ ਕੁਝ ਸੁਣਾਈ ਦੇਂਦਾ ਹੈ।"
ਚੇਚਕ ਕਰਕੇ ਮਹਾਰਾਜ ਰਣਜੀਤ ਸਿੰਘ ਦੀ ਛੋਟੇ ਹੁੰਦਿਆਂ ਇੱਕ ਅੱਖ ਮਾਰੀ ਗਈ ਸੀ।
ਰੂਪ ਆਪਣੀ ਘਰਵਾਲੀ ਨੂੰ ਖੇਤ ਕੁ ਦੀ ਵਿੱਥ ਤੇ ਆਉਂਦੀ ਵੇਖਕੇ ਅੱਖ ਮਾਰ ਕੇ ਮੁਸਕਾ ਪਿਆ।
ਮਹਾਤਮਾ ਜੀ ਨੇ ਅੱਖ ਭਰ ਕੇ ਵੇਖਿਆ ਤੇ ਪੁੱਛਿਆ 'ਕਿਉਂ ਭਾਈ ਸ਼ਾਮ ਸਿੰਘ। ਰੋਂਦਾ ਕਿਉਂ ਹੈਂ ?' ਸ਼ਾਮੇ ਦਾ ਗੱਚ ਭਰ ਆਇਆ।
ਚੋਰੀ ਕਰਦੇ ਸਮੇਂ ਰੰਗੇ ਹੱਥੀਂ ਫੜ੍ਹੇ ਜਾਣ ਤੇ ਸ਼ੋਰ ਸ਼ਰਾਬੇ ਵਿੱਚੋਂ ਚੋਰ ਅੱਖ ਬਚਾ ਕੇ ਭੱਜ ਨਿਕਲਿਆ।
ਉਸ ਦੇ ਹਰ ਕਦਮ, ਹਰ ਬੋਲ ਤੇ ਹਰ ਅੱਖ-ਫਰੱਕੇ ਵਿੱਚੋਂ ਸੁਹੱਪਣ ਟਪਕਦਾ ਹੈ।
ਪੁਰਾਤਨ ਵਿਸ਼ਵਾਸ ਹੈ ਕਿ ਇਸਤ੍ਰੀ ਦੀ ਖੱਬੀ ਅੱਖ ਤੇ ਪੁਰਸ਼ ਦੀ ਸੱਜੀ ਅੱਖ ਫਰਕੇ ਤਾਂ ਚੰਗਾ ਹੁੰਦਾ ਹੈ, ਕਾਰਜ ਰਾਸ ਹੁੰਦਾ ਹੈ। ਅੱਜ ਮੇਰੀ ਖੱਬੀ ਅੱਖ ਫਰਕਦੀ ਹੈ, ਕੁਝ ਚੰਗਾ ਹੋਣ ਵਾਲਾ ਹੈ।
ਰਮੇਸ਼ ਆਪਣੀ ਨਵੀਂ ਵਿਆਹੀ ਵਹੁਟੀ ਨੂੰ ਕਹਿਣ ਲੱਗਾ, "ਜਦ ਤੱਕ ਮੈਂ ਜਿੰਦਾ ਹਾਂ ਤਦ ਤਕ ਤੇਰੇ ਵੱਲ ਕੋਈ ਅੱਖ ਪੁੱਟ ਕੇ ਨਹੀਂ ਤੱਕ ਸਕਦਾ।
ਜਦ ਤੱਕ ਮੇਰੇ ਜੁੱਸੇ ਵਿੱਚ ਜਾਨ ਏ, ਮੈਂ ਤੇਰਾ ਹੱਥਬੱਧੀ ਗੋਲਾ ਹਾਂ। ਕਿਸੇ ਦੀ ਮਜਾਲ ਨਹੀਂ ਜੋ ਤੇਰੇ ਵੱਲ ਅੱਖ ਪਰਤ ਕੇ ਵੇਖੇ।