ਉਹ ਇੰਨਾਂ ਮਿੱਠਾ ਬੋਲਦਾ ਹੈ ਕਿ ਹਰ ਕਿਸੇ ਨੂੰ ਆਪਣਾ ਕਰ ਲੈਂਦਾ ਹੈ।
ਹੁਣ ਉਸ ਪਾਸੋਂ ਸਾਨੂੰ ਕੋਈ ਛੁਪਾ-ਲੁਕਾ ਨਹੀਂ, ਉਹ ਤੇ ਆਪਣਾ ਹੀ ਹੋ ਗਿਆ ਹੈ।
ਮੈਂ ਇੱਕ ਵਾਰ ਹੀ ਸੁੰਨ ਜਿਹਾ ਹੋ ਗਿਆ, ਮੈਨੂੰ ਆਪਣਾ ਆਪ ਬਹਿੰਦਾ ਬਹਿੰਦਾ ਜਾਪਿਆ।
ਚੰਨੋਂ ਦੀ ਪੀੜ ਘਟਣ ਦੀ ਥਾਂ ਹੋਰ ਤੇਜ਼ ਹੁੰਦੀ ਜਾ ਰਹੀ ਸੀ ਅਤੇ ਉਸ ਦੀ ਬਰਦਾਸ਼ਤ ਨੂੰ ਟੱਪ ਰਹੀ ਸੀ। ਉਹ ਖਿੱਚਵੇਂ ਸਾਹਾਂ ਨਾਲ ਆਪਣਾ ਆਪ ਤੋੜ ਰਹੀ ਸੀ। ਉਸ ਅਥਾਹ ਦਰਦ ਵਿੱਚ ਮਧੋਲੀ ਜਾ ਰਹੀ ਨੇ ਸੋਚਿਆ, ਮੈਂ ਕਿਸੇ ਤਰ੍ਹਾਂ ਬਚ ਨਹੀਂ ਸਕਾਂਗੀ।
ਸਾਡਾ ਕਾਕਾ ਦਿਨੋਂ ਦਿਨ ਹੱਥਾਂ 'ਚੋਂ ਨਿਕਲਦਾ ਜਾਂਦਾ ਏ। ਕਿਸੇ ਦੀ ਨਹੀਂ ਸੁਣਦਾ, ਕਿਸੇ ਦੀ ਨਹੀਂ ਮੰਨਦਾ, ਆਪ ਹੁਦਰੀਆਂ ਕਰਦਾ ਏ।
ਜਦੋਂ ਜੁਮੇ ਨੇ ਰਵੇਲੇ ਪਾਸੋਂ ਚੀਰ ਪੜਾਂ ਤੇ ਰਹਿਣ ਵਾਲੀ ਚੁੜੇਲ ਦੀ ਕਹਾਣੀ ਸੁਣੀ ਤਾਂ ਉਸ ਦੀਆਂ ਲਾਲ ਅੱਖੀਆਂ ਵਿੱਚੋਂ ਆਨੇ ਕਿਵੇਂ ਫੜਿੱਕ ਕੇ ਬਾਹਰ ਨਿਕਲ ਆਏ, ਦੈਂਤ ਵਰਗਾ ਉਹਦਾ ਬੁੱਤ ਆਕੜਿਆ ਹੋਇਆ ਸੀ।
ਆਪਣੇ ਇਨ੍ਹਾਂ ਕਾਰਿਆਂ ਨਾਲ ਮੇਰੀਆਂ ਆਂਦਰਾਂ ਨਾ ਲੂਹ। ਮੈਂ ਤਾਂ ਪਹਿਲਾਂ ਹੀ ਦੁਖੀ ਹਾਂ।
ਰਾਤ ਭਰ ਪਿਉ ਗਰਕ ਚਿੰਤਾ ਵਿੱਚ ਸੀ ਅਤੇ ਮਾਂ ਦੀਆਂ ਆਂਦਰਾਂ ਨੂੰ ਵੀ ਖਿੱਚ ਪੈਂਦੀ ਸੀ।
ਆਂਦਰਾਂ ਦੀ ਸਾਂਝ ਬਿਨਾ ਸੇਕ ਕਿਸਨੂੰ ਆਉਂਦਾ ਹੈ ?
ਬਿਰਜੂ ਸ਼ਾਹ- ਹੋਰ ਪੁੱਤਰ, ਕੋਈ ਧੀਆਂ ਭੈਣਾਂ ਨੂੰ ਸਾਰੀ ਉਮਰ ਘਰ ਬਿਠਾਲ ਛੱਡਦਾ ਏ ? ਪਰਮਾਨੰਦ- ਪਰ ਭਾਈ ਜੀ, ਜਾਣ ਬੁੱਝ ਕੇ ਇਕ ਬੇਬੱਸ ਅਬਲਾ ਨੂੰ ਵੀ ਭੱਠ ਵਿੱਚ ਝੋਕਣਾ ਜੁਲਮ ਏ। ਉਹਦੀਆਂ ਆਂਦਰਾਂ ਨਾ ਤਪਣਗੀਆਂ ?
"ਕਾਕਾ ਦਫਤਰੋਂ ਆ ਗਿਆ ਏ, ਮੇਰੀ ਲਾਡਲੀ ਧੀ ਮਾਲਤੀ ਆ ਗਈ ਹੈ? ਕੀ ਉਸ ਨੂੰ ਨਹੀਂ ਸੱਦਿਆ ?" ਤਾਰ ਭੇਜ ਦੇਣੀ ਸੀ, ਅਖੀਰੀ ਮੇਲ ਹੋ ਜਾਂਦਾ, ਮਾਂ ਦੀਆਂ ਆਂਦਰਾਂ ਧੀ ਵੱਲੋਂ ਤਾਂ ਠੰਢੀਆਂ ਹੋ ਜਾਂਦੀਆਂ।
ਕ੍ਰਿਪਾਲ ਸਿੰਘ : ਭਾਈ ਜੀ ! ਤੁਸੀਂ ਮੁੰਡੇ ਦਾ ਐਨਾ ਫ਼ਿਕਰ ਕਿਉਂ ਕਰਦੇ ਹੋ ? ਦੇਵਾ ਸਿੰਘ : ਫਿਕਰ ਨਾ ਕਰਾਂ ਤਾਂ ਹੋਰ ਕੀ ਕਰਾਂ। ਆਂਦਰਾਂ ਜੁ ਹੋਈਆਂ। ਦੋ ਮਹੀਨੇ ਉਂਞ ਹੀ ਚਿੱਠੀ ਨਹੀਂ ਆਈ।