ਮੈਂ ਇਵੇਂ ਹੀ ਡਰਦੇ ਡਰਦੇ ਨੇ ਦੀਪੋ ਦੀਆਂ ਅੱਖਾਂ ਵੱਲ ਤੱਕਿਆ, ਪਰ ਉੱਥੇ ਭੋਲੇ-ਪਨ ਤੋਂ ਛੁੱਟ ਹੋਰ ਕੁਝ ਭੀ ਨਹੀਂ ਸੀ। ਫਿਰ ਭੀ ਮੈਨੂੰ ਯਕੀਨ ਕਿੱਥੇ ? ਦੀਪੋ ਗੱਲਾਂ ਜ਼ਰੂਰ ਕਰ ਰਹੀ ਸੀ, ਪਰ ਮੇਰੇ ਪੱਲੇ ਕੁਝ ਭੀ ਨਹੀਂ ਸੀ ਪੈ ਰਿਹਾ।
ਲੋਕੀ ਜੋ ਮਰਜ਼ੀ ਕਹਿਣ, 'ਪੱਲੇ ਹੋਵੇ ਸੱਚ ਭਾਵੇਂ ਨੰਗਾ ਹੋ ਕੇ ਨੱਚ'।
ਤੂੰ ਕੁਝ ਸੋਚ ਕੇ ਗੱਲ ਕਰਿਆ ਕਰ; ਹਰ ਗੱਲੇ ਪਲਾਹ ਸੋਟਾ ਮਾਰਨ ਦੀ ਨਾ ਕਰਿਆ ਕਰ।
ਹਾਏ ਹਾਏ ਇਹ ਤੇ ਕਹਿਰਾਂ ਦੀ ਮੌਤ ਹੋਈ ਹੈ; ਇਹੋ ਜਿਹੀ ਕਿਸੇ ਨਾਲ ਨਹੀਂ ਹੋਣੀ; ਮਾਪਿਆਂ ਨੂੰ ਅੰਨ੍ਹਾ ਕਰ ਗਿਆ ਹੈ। ਵਿਚਾਰੇ ਸਾਰੀ ਉਮਰ ਹੀ ਪੱਲਾ ਪਾਈ ਰੱਖਣਗੇ।
ਖੱਬੇ ਦਰਵਾਜ਼ੇ ਵਿਚੋਂ ਅਮਰ ਸਿੰਘ ਅੰਦਰ ਆਇਆ। ਰਾਜ ਕੌਰ ਤੇ ਆਤਮਾ ਦੇਵੀ ਨੇ ਪੱਲਾ ਨੀਵਾਂ ਕਰ ਲਿਆ।
ਜੂਏ ਦੀ ਇਹ ਹੀ ਤੇ ਸਿਫ਼ਤ ਹੈ ਕਿ ਜੋ ਵੀ ਬਾਜ਼ੀ ਤੋਂ ਉੱਠਦਾ ਹੈ, ਪੱਲਾ ਝਾੜ ਕੇ ਉੱਠਦਾ ਹੈ ; ਨਹੀਂ ਤੇ ਹਾਰ ਹਾਰ ਕੇ ਵੀ ਜਿੱਤਣ ਦੀ ਆਸ ਬਰਾਬਰ ਬਣੀ ਰਹਿੰਦੀ ਹੈ।
ਪੰਥ-ਦਰਦੀਆਂ ਨੂੰ ਰਾਜਸੀ ਝਮੇਲਿਆਂ ਤੋਂ ਪੱਲਾ ਛੁਡਾਣਾ ਚਾਹੀਦਾ ਹੈ, ਅਤੇ ਆਪਣਾ ਤਨ ਮਨ ਧਨ ਗੁਰੂ ਦੇ ਅਰਪਣ ਕਰ ਕੇ ਸਿੱਖੀ-ਜੀਵਨ ਦੀ ਲਹਿਰ ਚਲਾਣੀ ਚਾਹੀਦੀ ਹੈ, ਅਤੇ ਸੁੱਕ ਰਹੀ ਸਿੱਖੀ ਦੀ ਕਿਆਰੀ ਨੂੰ ਆਪਣੇ ਖੂਨ ਨਾਲ ਸਿੰਜ ਕੇ ਫਿਰ ਸੁਰਜੀਤ ਕਰਨਾ ਚਾਹੀਦਾ ਹੈ।
ਉਸ ਨੇ ਭੁੱਲ ਬਖਸ਼ਾਣ ਲਈ ਗਲ ਵਿੱਚ ਪੱਲਾ ਪਾ ਕੇ ਸਾਧ ਸੰਗਤ ਦੇ ਸਾਹਮਣੇ ਬੇਨਤੀ ਕੀਤੀ। ਉਸ ਦੀ ਭੁੱਲ ਬਖਸ਼ੀ ਗਈ ਤੇ ਉਸ ਨੂੰ ਬਰਾਦਰੀ ਵਿੱਚ ਸ਼ਾਮਲ ਕੀਤਾ ਗਿਆ।
ਬੁੱਢੇ ਬਦਸੂਰਤ ਤੇ ਐਬੀ ਪਤੀ ਦਾ ਸੰਜੋਗ ਹੋਣ ਤੇ ਭੀ ਸਰਲਾ ਆਪਣੇ ਫਰਜ਼ ਦਾ ਪਲੜਾ ਹੌਲਾ ਨਹੀਂ ਕਰ ਸਕੀ-ਪਤੀ ਨਾਲ ਉਸ ਦਾ ਪ੍ਰੇਮ ਹੋਣਾ ਹੈ ਭੀ ਅਸੰਭਵ ਜਿਹੀ ਗੱਲ ਸੀ।
ਉਡੀਕ ਬੜੀ ਦੁਖਦਾਈ ਹੁੰਦੀ ਹੈ। ਮੈਂ ਪਿਛਲੇ ਅੱਠ ਮਹੀਨੇ ਪਲ ਪਲ ਗਿਣ ਕੇ ਕੱਟੇ ਨੇ, ਮੇਰਾ ਤੇ ਜਿਸ ਘੜੀ ਵੀਰ ਆ ਗਿਆ, ਦੂਜੀ ਘੜੀ ਤੁਰ ਜਾਣਾ ਹੈ, ਕੋਈ ਰਾਜ਼ੀ ਮੰਨੇ, ਕੋਈ ਗੁੱਸਾ ਮੰਨੇ।
ਕਈ ਲੋਕ ਮੰਤਰ ਪੜ੍ਹ ਕੇ ਸੱਪ ਦੇ ਕੱਟੇ ਦਾ ਜ਼ਹਿਰ ਦੂਰ ਕਰ ਦਿੰਦੇ ਹਨ। ਸਾਡਾ ਤੇ ਵਿਸ਼ਵਾਸ਼ ਇਨ੍ਹਾਂ ਗੱਲਾਂ ਤੇ ਨਹੀਂ ਬੱਝਦਾ ਪਰ ਇਹ ਮੰਨਣੋਂ ਕੋਈ ਇਨਕਾਰ ਨਹੀਂ ਕਿ ਦੁਨੀਆਂ ਪਰੇ ਤੋਂ ਪਰੇ ਪਈ ਹੈ।
ਸਭ ਕੁਝ ਪ੍ਰਵਾਨ ਕਰਦਿਆਂ ਹੋਇਆਂ, ਪਾਰਵਤੀ ਨੇ ਕੇਵਲ ਇੱਕੋ ਵਾਰੀ ਪੁੱਤਰ ਨੂੰ ਮਿਲਣ ਦੀ ਪ੍ਰਾਰਥਨਾ ਕੀਤੀ, ਪਰ ਇਹ ਵੀ ਠੁਕਰਾ ਦਿੱਤੀ ਗਈ।