ਸ਼ੁਕਲਾ ਜੀ ਦੀ ਸਲਾਹ ਸੀ ਕਿ ਖੁਸ਼ਖਬਰੀ ਸੁਨਾਉਣ ਤੋਂ ਪਹਿਲਾਂ ਉਹ ਸ਼ਿਰੀ ਮਤੀ ਪਾਸੋਂ ਕਾਫ਼ੀ ਮਿੰਨਤਾਂ ਖੁਸ਼ਾਮਦਾਂ ਕਰਵਾਨਗੇ ਪਰ ਇਸ "ਲੱਗੀ ਜੋ ਸੌਣ" ਵਾਲੀ ਧਮਕੀ ਨੇ ਉਨ੍ਹਾਂ ਨੂੰ ਪੈਰੀਂ ਕੱਢ ਦਿੱਤਾ ।
ਦੌਲਤ ਕਿਸੇ ਦੇ ਪਿਉ ਦੀ ਏ ? ਅੱਜ ਮੇਰੀ ਕੱਲ੍ਹ ਤੇਰੀ । ਕੀ ਪਤਾ ਕੁੜੀ ਦੇ ਭਾਗਾਂ ਨੂੰ ਕੀ ਕੁਝ ਬਣ ਜਾਣਾ ਏ । ਧੀਆਂ ਲਛਮੀ ਹੋ ਕੇ ਆਣ ਵੜਦੀਆਂ ਨੇ ; ਪੈਰਾਂ ਨਾਲ ਧਨ ਲੈ ਆਉਂਦੀਆਂ ਨੇ।
ਇਸ ਵਿਆਹ ਵਾਸਤੇ ਚੀਜ਼ਾਂ ਵਸਤਾਂ ਲਿਆਉਣ ਵਿੱਚ ਦੌੜ ਦੌੜ ਕੇ ਪੈਰਾਂ ਦੇ ਲੌ ਉੱਡ ਗਏ ਨੇ, ਪਰ ਇਹ ਸਭ ਕੁਝ ਬਰਕਤ ਦੇ ਭਾਗਾਂ ਨੂੰ ਹੋਂਦਾ ਰਿਹਾ ਏ।
ਕਿੱਡੀ ਮਿਜਾਜ਼ ਹੋ ਗਈ ਏ ਏਹਦੀ, ਕਿੰਨੇ ਸੁਨੇਹੇ ਭੇਜੇ- ਰਾਤੀਂ ਦਸ ਵਜੇ ਤੱਕ ਉਡੀਕਦੀ ਰਹੀ, ਬੀਬੀ ਰਾਣੀ ਦੇ ਪੈਰਾਂ ਤੋਂ ਮਹਿੰਦੀ ਲੱਥਦੀ ਸੀ ਜਿਕਣ।
ਨਾਲੇ ਚੋਰ ਨਾਲੇ ਚੱਤਰ ; ਨਾਲੇ ਮਾਰਿਆ ਈ ; ਤੇ ਨਾਲੇ ਸੱਚੀ ਬਨਣੀ ਏਂ; ਪੈਰਾਂ ਤੇ ਪਾਣੀ ਨਹੀਂ ਪੈਣ ਦਿੰਦੀ।
ਫੁਰਮਾਨ ਬੜਾ ਮਿਹਨਤੀ ਤੇ ਲੋਕ ਸੇਵਾ ਕਰਨ ਵਾਲਾ ਨੌਜਵਾਨ ਸੀ। ਜ਼ਿਮੀਂਦਾਰ ਤੋਂ ਬਿਨਾਂ ਸਾਰੇ ਦੇ ਸਾਰੇ ਇਲਾਕੇ ਵਿੱਚ ਲੋਕੀ ਉਹਦੇ ਪੈਰਾਂ ਤਲੇ ਤਲੀਆਂ ਰੱਖਦੇ ਸਨ। 'ਸ਼ਹਿਜ਼ਾਦਾ' 'ਸ਼ਹਿਜ਼ਾਦਾ ਕਰਦਿਆਂ ਉਨ੍ਹਾਂ ਦੇ ਮੂੰਹ ਨਹੀਂ ਸਨ ਸੁਕਦੇ।
ਸੁਰੇਸ਼ ਅਚਲਾ ਦੇ ਸਾਹਮਣੇ ਬੋਲਿਆ, ‘ਤੁਸੀਂ ਮੇਰੇ ਨਹੀਂ ਹੋਰ ਦੇ ਹੋ ਮੈਂ ਇਹ ਗੱਲ ਸੋਚ ਨਹੀਂ ਸਕਦਾ। ਤੁਹਾਨੂੰ ਪ੍ਰਾਪਤ ਨਹੀਂ ਕਰ ਸਕਾਂਗਾ, ਇਸ ਖਿਆਲ ਨਾਲ ਹੀ ਮੇਰੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕਣ ਲਗ ਜਾਂਦੀ ਏ।
ਉਹ ਸ਼ਰੀਕ ਜਿਹੜੇ ਡਿੱਗਦੇ ਨੂੰ ਧੱਕੇ ਦੇਂਦੇ ਸਨ, ਅੱਜ ਪੈਰਾਂ ਹੇਠ ਹੱਥ ਰੱਖਦੇ ਹਨ।
ਪਰਮਾਤਮਾ ਦੀ ਮਿਹਰ ਨਾਲ ਹੁਣ ਉਨ੍ਹਾਂ ਦੀ ਨੂੰਹ ਦੇ ਪੈਰ ਭਾਰੇ ਹੋਏ ਹਨ। ਸਿਦਕ ਦੇ ਬੇੜੇ ਪਾਰ ਹਨ।
ਜੀਉਣਾ ਈ ਤਾਂ ਪੈਰ ਆਪਣੇ, ਫੂਕ ਫੂਕ ਕੇ ਧਰਿਆ ਕਰ। ਤੈਨੂੰ ਕਿਹੈ, ਅਵਾਰਾ, ਏਨੀ ਗੁਸਤਾਖ਼ੀ ਨਾ ਕਰਿਆ ਕਰ।
ਸਾਰੇ ਪਿੰਡ ਦੀ ਭੋਂ ਤੇ ਉਹ ਹੀ ਪੈਰ ਪਸਾਰੀ ਬੈਠਾ ਹੈ; ਫਿਰ ਵੀ ਰੱਜਦਾ ਨਹੀਂ, ਹੋਰ ਖਰੀਦਣ ਨੂੰ ਫਿਰਦਾ ਹੈ।
ਜਦੋਂ ਦੀ ਏਹ ਭੋਰੀ ਵਾਲੀ ਜੰਮੀ ਏ, ਮਾਪਿਆਂ ਸੁਖ ਨਹੀਂ ਪਾਇਆ। ਇਨ੍ਹਾਂ ਦਾ ਪੈਰ ਪਿਛਾਂਹ ਹੀ ਪਿਛਾਂਹ ਰਿਹਾ ਏ, ਹੁਣ ਇਸ ਖੁਰਤੱਤੀ ਦੇ ਗਿਆ ਸਹੁਰਿਆਂ ਕਿੱਥੋਂ ਸੁਖ ਵੇਖਣਾ ਏ।