ਪੰਜਾਬੀ ਮੁਹਾਵਰੇ

ਜਮਨਾ, ਡਾਕਟਰ ਵਾਸਤੇ ਇਕ ਖਾਸ ਗੁੰਝਲ ਸੀ । ਤੀਜੀ ਗੁੰਝਲ ਵਿਚਾਰੀ ਅੰਮ੍ਰਿਤ ਦਾ ਜੀਵਨ ਸੀ। ਉਸ ਦਾ ਭਰਾ ਇਸ ਗੱਲੋਂ ਗੁੱਸੇ ਸੀ ਕਿ ਅੰਮ੍ਰਿਤ ਨੇ ਉਸ ਦੀ ਮਰਜੀ ਦੇ ਉਲਟ ਡਾਕਟਰ ਨਾਲ ਵਿਆਹ ਕਰ ਲਿਆ ਹੈ, ਭਾਵੇਂ ਉਸ ਵੇਲੇ ਉਹ ਇਸ ਮਾਮਲੇ ਵਿੱਚ ਕੁਸਕਿਆ ਤਕ ਭੀ ਨਹੀਂ ਸੀ । ਏਸੇ ਗੁੱਸੇ ਦਾ ਮਾਰਿਆ ਉਹ ਮੁੜ ਭੈਣ ਦੇ ਮੱਥੇ ਨਾਂਹ ਲੱਗਾ। ਉਸ ਦੇ ਮਾਂ ਪਿਉ ਚਿਰੋਕਣੇ ਗੁਜ਼ਰ ਚੁੱਕੇ ਸਨ।

ਪਹਿਲਾਂ ਤਾਂ ਉਸ ਨੂੰ ਉਂਜ ਹੀ ਟਰਕਾ ਦਿਆਂਗਾ ਤੇ ਜੇ ਬਹੁਤ ਖਹਿੜੇ ਪਿਆ ਤੇ ਪੰਜ ਰੁਪਏ ਮੱਥੇ ਮਾਰਾਂਗਾ। ਕੁੱਤੇ ਨੂੰ ਪਰਚਾਉਣ ਨਾਲ ਕੀ ਹੁੰਦਾ ਏ ?

ਐਵੇਂ ਕਿਉਂ ਮੱਥਾ ਫੜ ਕੇ ਬਹਿ ਗਿਆ ਹੈਂ, ਮੁਸੀਬਤਾਂ ਮਨੁੱਖਾਂ ਤੇ ਹੀ ਆਂਦੀਆਂ ਹਨ। ਉੱਠ ਕੇ ਕੋਈ ਉਪਰਾਲਾ ਕਰ।

ਮੈਂ ਉਸ ਨਾਲ ਬਥੇਰਾ ਮੱਥਾ ਪਿੱਟਿਆ ਹੈ ਉਸ ਨੇ ਉੱਥੇ ਵਿਆਹ ਕਰਨਾ ਨਹੀਂ ਮੰਨਿਆ।

ਮੁਨਸ਼ੀ ਸਾਹਿਬ ਠੀਕ ਫੁਰਮਾ ਰਹੇ ਨੇ। ਨਾਲੇ ਜਿਸ ਕੰਮ ਵਿੱਚ ਤੁਹਾਨੂੰ ਵੀ ਸਿਵਾਇ ਨਮੋਸ਼ੀ ਦੇ ਕੁਝ ਨਾ ਲੱਭੇ, ਉਹ ਕੰਮ ਕਰਨਾ ਵੀ ਕਿਉਂ ਹੋਇਆ। ਅੱਗੇ ਥੋੜੀਆਂ ਗੱਲਾਂ ਉੱਡ ਚੁੱਕੀਆਂ ਨੇ ਬਾਬਾ ਜੀ ? ਸਾਰੇ ਪਿੰਡ ਦਾ ਮੱਥਾ ਨੀਵਾਂ ਕਰ ਦਿੱਤਾ ਏ ਇਸ ਕੁੜੀ ਨੇ।

ਸਾਈਂ ਜੀਵੀ, ਹੋ ਵਡਭਾਗਣ, ਸੁਖੀ ਵਸੇਂ ਹੋ ਬੁੱਢ ਸੁਹਾਗਣ। ਇਕ ਦਿਨ ਭਾਗ ਮੱਥੇ ਦੇ ਜਾਗਣ, ਮਾਣੇਂ ਠੰਢੀਆਂ ਛਾਈਂ ਧੀ।

ਆਪਣੇ ਵੱਲੋਂ ਤੇ ਸਾਰਾ ਟਿੱਲ ਲਾਇਆ ਏ ਕਿ ਕੁੜੀ ਘਰ ਆ ਜਾਏ ਪਰ ਮੱਥੇ ਤੇ ਲਿਖਿਆ ਕੌਣ ਮੇਟੇ।

ਇਹ ਠੀਕ ਹੈ ਕਿ ਮਹਾਤਮਾ ਗਾਂਧੀ ਵਰਗੇ ਮਹਾਂ ਪੁਰਸ਼ ਦੇ ਇਸ ਫਤਵੇ ਨੂੰ ਤੁਸੀਂ ਸਿਰ ਮੱਥੇ ਤੇ ਰੱਖ ਕੇ ਆਪਣੀ ਉਦਾਰਤਾ ਦਾ ਸਬੂਤ ਦੇ ਰਹੇ ਹੋ, ਪਰ ਖਿਮਾ ਕਰਨਾ ਡਾਕਟਰ ਜੀ, ਇਸ ਮਾਮਲੇ ਵਿੱਚ ਮੈਂ ਕਿਸੇ ਦੀ ਉਦਾਰਤਾ ਜਾਂ ਮੇਹਰ ਦੀ ਖਾਹਿਬਮੰਦ ਨਹੀਂ ਹਾਂ।

ਦੇਸ਼ ਦੀ ਵੰਡ ਤੋਂ ਫੇਰ ਚਿਰ ਪਹਿਲਾਂ ਸਾਡੇ ਸੂਬੇ ਦੀ ਪੋਲੀਟੀਕਲ ਮਾਤਾ (ਸੂਬਕ ਕਾਂਗਰਸ) ਦੇ ਮੱਥੇ ਤੇ ਏਹ ਫੁੱਟ ਦਾ ਕੋਹਜਾ ਦਾਗ਼ ਚਲਾ ਆ ਰਿਹਾ ਸੀ, ਜਿਸ ਨੂੰ ਮਿਟਾਉਣ ਲਈ ਵੱਖੋ ਵੱਖ ਸਮਿਆਂ ਉੱਤੇ ਵੱਡੇ ਵੱਡੇ ਦੋਸ਼ ਨੇਤਾ ਤੇ ਆਉਂਦੇ ਰਹੇ।

ਇਹ ਗੱਲ ਸੁਣਦਿਆਂ ਹੀ ਉਸ ਦੇ ਮੱਥੇ ਤੇ ਸੌ ਠੀਕਰੇ ਭੱਜ ਗਏ। ਉਹ ਮੁੜ ਨਾ ਬੋਲਿਆ ਅਤੇ ਸਦਾ ਮੇਰੇ ਨਾਲ ਗੁੱਸੇ ਹੀ ਰਿਹਾ।

ਤੁਹਾਡੀਆਂ ਗੱਲਾਂ ਜੇ ਕੁੜਮ ਸੁਣਨ ਤਾਂ ਉਹ ਆਖਣਗੇ ਅਸਾਂ ਵਾਹਵਾ ਰਾਠਾਂ ਨਾਲ ਮੱਥਾ ਲਾਇਆ ਏ।

ਪਾਪ ਕਰਨ ਮਗਰੋਂ ਗੁਰਦੁਆਰੇ ਮੱਥੇ ਰਗੜਨ ਨਾਲ ਪਾਪ ਨਹੀਂ ਬਖਸ਼ੇ ਜਾਂਦੇ। ਉਨ੍ਹਾਂ ਦਾ ਫਲ ਅਵੱਸ਼ ਭੁਗਤਣਾ ਪੈਂਦਾ ਹੈ।