ਪ੍ਰਭਾ ਨੇ ਸੰਖੇਪ ਜਿਹੀ ਵਾਰਤਾ ਵਿੱਚ ਆਪਣੀ ਕਹਾਣੀ ਸੁਣਾਈ ਕਿ ਸਕੂਲ ਵਿੱਚੋਂ ਉਹਨੂੰ ਉਜ ਲਾ ਕੇ ਕੱਢਿਆ ਗਿਆ ਹੈ ਪਰੰਤੂ ਪਰਧਾਨ ਦੀ ਉਸ ਕੋਈ ਗੱਲ ਨਾ ਕੀਤੀ।
ਮਹਾਤਮਾ ਬੁੱਧ ਨੇ ਗ੍ਰਹਿਸਤ ਜੀਵਨ ਨੂੰ ਤਿਆਗ ਕੇ ਉਜਾੜ ਮੱਲ ਲਈ ।
ਮਾਸੀ ! ਮੇਰੀ ਭੈਣ ਫੂਲਾਂ ਰਾਣੀ ਈ ਏ, ਤੂੰ ਰੱਖ ਨਹੀਂ ਜਾਤੀ। ਜਿੱਡੀ ਦੁਖੀ ਉਹ ਰਹੀ ਏ ਕੋਈ ਹੋਰ ਐਸੀ ਵੈਸੀ ਹੁੰਦੀ ਤਾਂ ਕਦੇ ਦੀ ਉਠ ਜਾਂਦੀ ਤੇ ਮਾਪਿਆਂ, ਸਹੁਰਿਆਂ ਸਾਰਿਆਂ ਦੇ ਸਿਰ ਸਵਾਹ ਪਾ ਜਾਂਦੀ।
ਸ਼ਾਮ ਦਾ ਉੱਠਣ-ਬਹਿਣ ਜਮਾਤ ਦੇ ਸਭ ਤੋਂ ਹੁਸ਼ਿਆਰ ਵਿਦਿਆਰਥੀਆਂ ਨਾਲ ਹੈ।
ਉਠਦੀ ਜੁਆਨੀ ਚੋਂ ਫੁੱਟਦਾ ਪਿਆਰ ਮਾਪਿਆਂ ਤੋਂ ਦੂਰ ਦੌੜਦਾ ਹੈ, ਚੋਟੀ ਦੀ ਬਰਫ਼ ਤੋਂ ਬਣੇ ਪਾਣੀ ਵਾਂਗ।
ਕੁਝ ਦਿਨਾਂ ਤੋਂ ਉਸ ਨੂੰ ਕੰਡ 'ਤੇ ਐਸਾ ਉਠਾ ਉੱਠਿਆ ਹੈ ਕਿ ਉਸਦੀ ਦਿਨ-ਰਾਤ ਕੁਰਲਾਂਦਿਆਂ ਹੀ ਲੰਘਦੀ ਹੈ।
ਦੋਹਾਂ ਧਿਰਾਂ ਦੇ ਜਵਾਨ ਇੱਕ ਦੂਜੇ 'ਤੇ ਉੱਡ ਉੱਡ ਪੈਂਦੇ ਸਨ। ਪਲੋ ਪਲੀ ਧਰਤੀ ਲਹੂ ਨਾਲ ਲਾਲ ਹੋ ਗਈ।
ਪੁਲਿਸ ਨੂੰ ਵੇਖਦਿਆਂ ਹੀ ਕਸੂਰਵਾਰ ਦੇ ਮੂੰਹ ਦੀ ਆਬ ਉੱਡ ਜਾਂਦੀ ਹੈ।
ਮੇਰਾ ਇਸ ਗੱਲ ਵਿੱਚ ਕੋਈ ਦਖ਼ਲ ਹੀ ਨਹੀਂ ਸੀ। ਮੈਂ ਨਾਂ ਦੰਗੇ ਵਿੱਚ ਨਾਂ ਮੰਦੇ ਵਿੱਚ ਸਾਂ ਪਰ ਇਹ ਤੇ ਉਡਦਾ ਛਾਪਾ ਹੀ ਆ ਚੰਬੜਿਆ ਹੈ। ਸਾਨੂੰ ਤਾਂ ਨਸ਼ਰ ਕਰ ਦਿੱਤਾ ਹੈ।
ਮੈਂ ਤਾਂ ਤੈਨੂੰ ਉਡੀਕ-ਉਡੀਕ ਕੇ ਬੁੱਢੀ ਹੋ ਗਈ ਤੂੰ ਇਕਰਾਰ ਕਰ ਕੇ ਵੀ ਵੇਲੇ ਸਿਰ ਨਹੀਂ ਬਹੁੜੀ ।
ਕਬੱਡੀ ਦੇ ਮੈਚ ਵਿੱਚੋਂ ਹਾਰਨ ਕਰਕੇ ਮੁੰਡਿਆਂ ਦਾ ਸਾਰਾ ਉਤਸਾਹ ਠੰਢਾ ਪੈ ਗਿਆ।
ਊਸ਼ਾ ਦੇ ਸਿਤਾਰ ਵਜਾਉਣ ਨਾਲ ਚੰਪਾ ਦੀ ਅਵਾਜ਼ ਵਿੱਚ ਨਵਾਂ ਉਤਸ਼ਾਹ ਭਰਦਾ ਗਿਆ ਅਤੇ ਸਾਰੇ ਸ੍ਰੋਤੇ ਬਹੁਤ ਆਨੰਦਿਤ ਹੋਏ।