ਭਾਰਤੀ ਫੌਜ ਨੇ ਜੰਗ ਜਿੱਤ ਕੇ ਦੇਸ਼ ਵਾਸੀਆਂ ਵਿੱਚ ਨਵਾਂ ਉਤਸ਼ਾਹ ਭਰ ਦਿੱਤਾ।
ਅੱਜ ਮੰਮੀ ਨੇ ਮੇਰੀ ਕਿਤਾਬ ਨਹੀਂ ਲੱਭੀ ਕਿਉਂਕਿ ਮੇਰਾ ਸਾਰਾ ਸਮਾਨ ਉਤ ਖੜ੍ਹਤ ਹੋਇਆ ਪਿਆ ਹੈ।
ਜਦੋਂ ਸ਼ਾਮ ਨੇ ਮਹਿੰਦਰ ਤੋਂ ਆਪਣੇ ਉਧਾਰ ਲਏ ਪੈਸੈ ਵਾਪਸ ਮੰਗੇ ਤਾਂ ਉਹ ਉਤਲੀਆਂ ਹੇਠਲੀਆਂ ਮਾਰਨ ਲੱਗਾ।
ਡਾਕੂ ਰਾਮ ਨੂੰ ਡਰਾ ਰਿਹਾ ਸੀ ਕਿ ਮੈਨੂੰ ਸਾਰੇ ਪੈਸੇ ਦੇਦੇ ਨਹੀਂ ਤਾਂ ਮੈਂ ਆਪਣੇ ਸਾਥੀਆਂ ਨੂੰ ਬੁਲਾ ਕੇ ਉਤਲੀ ਹੇਠ ਤੇ ਹੇਠਲੀ ਉੱਤੇ ਕਰ ਦੇਵਾਂਗਾ।
ਉਸਨੇ ਇੱਕ ਦੋ ਵਾਰੀ ਰੋਟੀ ਲਈ ਕਿਹਾ, "ਪਰ ਉਤਲੇ ਮੂੰਹੋਂ।" ਇਸ ਲਈ ਮੈਂ ਉੱਥੇ ਰੋਟੀ ਨਹੀਂ ਖਾਧੀ।
ਮਨਜੀਤ ਤਾਂ ਨਿੱਕੀ-ਨਿੱਕੀ ਗੱਲ ਤੇ ਲੜਾਈ ਲਈ ਉਤਾਰੂ ਹੋ ਜਾਂਦੀ ਹੈ।
ਬੱਚੇ ਛੁੱਟੀਆਂ ਦੇ ਸਮੇਂ ਨਾਨਕੇ ਜਾਣ ਲਈ ਉਤਾਵਲੇ ਹੋ ਰਹੇ ਸਨ।
ਰਾਣੀ ਤਾਂ ਬਿਲਕੁਲ ਆਪਣੀ ਮਾਂ ਉੱਤੇ ਗਈ ਹੈ, ਉਸੇ ਤਰ੍ਹਾਂ ਦਾ ਚਿਹਰਾ ਅਤੇ ਰੰਗ-ਰੂਪ।
ਰਮੇਸ਼ ਤਾਂ ਮੋਹਣ ਦੇ ਉੱਤੇ ਡਿੱਗਦਾ ਫਿਰਦਾ ਹੈ, ਉਹ ਆਪਣਾ ਕੰਮ ਕਢਾਉਣਾ ਚਾਹੁੰਦਾ ਹੈ।
ਅਧਿਆਪਕ ਦੇ ਜਮਾਤ ਵਿੱਚੋਂ ਬਾਹਰ ਜਾਂਦਿਆਂ ਹੀ ਬੱਚਿਆਂ ਨੇ ਉਥਲ-ਪੁਥਲ ਮਚਾ ਦਿੱਤੀ।
ਜਦ ਦੀਵਾਲੀ ਵਿੱਚ ਕੁੱਲ ਇੱਕ ਹਫ਼ਤਾ ਹੀ ਰਹਿ ਗਿਆ ਤਾਂ ਪਿੰਡ ਦੇ ਮੁੰਡਿਆਂ ਨੇ ਉੱਧੜ ਧੁੰਮੀ ਚੁੱਕ ਲਈ।
ਸਾਡੇ ਸਫ਼ਰ ਦੇ ਅਜੇ ਪੂਰੇ ਦੋ ਮੀਲ ਵੀ ਨਹੀਂ ਹੋਏ ਸਨ ਕਿ ਪਿਛਲੇ ਪਾਸਿਓਂ ਆ ਰਹੀ ਕਿਸੇ ਆਵਾਜ ਨੇ ਸਾਡੇ ਸੰਘ ਸੁਕਾ ਦਿੱਤੇ। ਸਾਨੂੰ ਪਤਾ ਲੱਗਾ ਕਿ ਪਿੱਛੇ ਗੁੰਡਿਆਂ ਦੀ ਧਾੜ ਆ ਪਹੁੰਚੀ ਹੈ ਜਿਸ ਨੇ ਮਾਝੇ ਦੇ ਇਲਾਕੇ ਵਿੱਚ ਉੱਧੜ ਧੁੰਮੀ ਪਾਈ ਸੀ।