ਬਿਮਾਰਾਂ ਦਾ ਦੁੱਖ ਡਾਕਟਰ ਨੂੰ ਮਿਲਣ ਨਾਲ ਹੀ ਅੱਧਾ ਹੋ ਜਾਂਦਾ ਹੈ। ਜਦੋਂ ਇੱਕ ਮਰੀਜ ਨੂੰ ਪਤਾ ਲੱਗਾ ਕਿ ਡਾਕਟਰ ਸਾਹਿਬ ਘਰ ਨਹੀਂ ਹਨ ਤਾਂ ਉਹ ਤਾਂ ਵਿਚਾਰਾ ਅੱਗੇ ਹੀ ਬਿਮਾਰ ਸੀ ਅਤੇ ਉੱਪਰੋਂ ਹੋਰ ਪਾਣੀ ਪੈ ਗਿਆ।
ਧਰਮ ਦੀ ਖਾਤਰ ਹਜ਼ਾਰਾਂ ਲੋਕਾਂ ਨੇ ਬੰਦ-ਬੰਦ ਕਟਵਾ ਦਿੱਤੇ ਪਰ ਉਫ਼ ਤਕ ਨਾ ਕੀਤੀ।
ਮੈਚ ਹਾਰਦੇ ਹੀ ਖਿਡਾਰੀਆਂ ਵਿੱਚ ਉਬਾਲ ਉੱਠ ਗਿਆ।
ਜਦੋਂ ਮੈਂ ਰੋਹਨ ਨੂੰ ਦੇਖਦਾ ਹਾਂ ਤਾਂ ਇਸ ਦੀ ਮਰ ਚੁਕੀ ਮਾਂ ਮੈਨੂੰ ਚੇਤੇ ਆਉਂਦੀ ਹੈ ਤੇ ਮੇਰੇ ਮਨ ਵਿੱਚ ਐਸਾ ਉਬਾਲ ਆਉਂਦਾ ਹੈ ਕਿ ਮੈਂ ਦੁੱਖ ਸਹਾਰ ਨਹੀਂ ਸਕਦਾ।
ਜਿੰਨਾ ਚਿਰ ਮੁਸਲਮਾਨ ਥਾਣੇਦਾਰ ਰਿਹਾ, ਮੁਸਲਮਾਨ ਸਿੱਖਾਂ ਤੇ ਵਧੀਕੀਆਂ ਕਰਦੇ ਰਹੇ। ਫਿਰ ਜਦੋਂ ਸਿੱਖ ਥਾਣੇਦਾਰ ਆ ਗਿਆ ਤਾਂ ਪਿੰਡ ਦੇ ਸਿੱਖਾਂ ਨੇ ਆਪਣੇ ਉਬਾਲ ਕੱਢੇ।
ਨਜਾਇਜ਼ ਦੋਸ਼ ਲੱਗਣ ਤੇ ਰਾਮ ਉਬਾਲੇ ਖਾਂਦਾ ਹੋਇਆ ਆਪਣੇ ਦੋਸਤਾਂ ਨਾਲ ਗੱਲ ਕਰ ਰਿਹਾ ਸੀ।
ਰਾਮ ਦੇ ਪਾਪਾ ਜੀ ਉਸਨੂੰ ਫੌਜੀ ਭਰਤੀ ਲਈ ਟ੍ਰੇਨਿੰਗ ਵਿੱਚ ਦਾਖਲ ਕਰਵਾਉਣ ਕਾਰਨ ਉੱਭਰੇ ਫਿਰਦੇ ਸਨ।
ਕੀ ਹੋਇਆ ਐ ਜੋ ਐਡੇ ਉੱਭੇ ਸਾਹ ਲੈਣ ਲੱਗੀ ਏਂ, ਮੈਂ ਤੈਨੂੰ ਕੋਈ ਮਾੜੀ ਗੱਲ ਆਖੀ ਏ?
ਅਮਰੀਕ ਦੀ ਉਮਰ ਜ਼ਰਾ ਪਕੇਰੀ ਸੀ ਪਰ ਵੇਖਣ ਵਿੱਚ ਉਹ ਪੰਝੀਆਂ ਤੋਂ ਵੱਧ ਦਾ ਨਹੀਂ ਸੀ ਜਾਪਦਾ ਕਿਉਂਕਿ ਉਸਦੀ ਸਿਹਤ ਬਹੁਤ ਵਧੀਆ ਸੀ।
ਅਜ਼ਾਦੀ ਲਈ ਬਹੁਤ ਸਾਰੇ ਦੇਸ਼ਭਗਤ ਉਮਰਾਂ ਬੱਧੀ ਕਾਲ ਕੋਠੜੀਆਂ ਵਿੱਚ ਬੰਦ ਰਹੇ।
ਸਰਕਾਰ ਵੱਲੋਂ ਨੌਕਰੀਆਂ ਬਾਰੇ ਉਮੀਦਾਂ ਦਿਵਾਈਆਂ ਜਾ ਰਹੀਆਂ ਹਨ, ਪਰ ਅਜੇ ਤੱਕ ਕੁਝ ਨਹੀਂ ਹੋਇਆ।
ਮਾੜੇ ਹਾਲਾਤਾਂ ਨੂੰ ਉਰੇ ਪਰੇ ਕਰਨਾ ਆਸਾਨ ਨਹੀਂ ਹੁੰਦਾ।