ਕੀ ਕਰਾਂ, ਮੇਰਾ ਏਥੋਂ ਵੀ ਜਾਣ ਨੂੰ ਜੀ ਨਹੀਂ ਕਰਦਾ, ਤੇ ਉਧਰੋਂ ਵੀ ਧੁਖ ਧੁਖੀ ਲੱਗੀ ਹੋਈ ਏ। ਪਤਾ ਨਹੀਂ, ਅਨੰਤ ਰਾਮ ਦਾ ਕੀ ਹਾਲ ਏ।
ਤੈਨੂੰ ਤੇ ਕੋਈ ਸਮਝ ਹੀ ਨਹੀਂ ਇਸ ਗੱਲ ਦੀ, ਤੂੰ ਤੇ ਧੁੱਪੇ ਹੀ ਧੌਲੇ ਕਰ ਲਏ ਹਨ।
ਇਮਤਿਹਾਨ ਦੇਣ ਪਿੱਛੋਂ ਵਿਦਿਆਰਥੀਆਂ ਨੂੰ ਨਤੀਜੇ ਦਾ ਧੁੜਕੂ ਲੱਗਾ ਰਹਿੰਦਾ ਹੈ।
ਇਸ ਵਿਆਹ ਲਈ ਕਿਸੇ ਐਸੇ ਬੈਂਡ ਦਾ ਪ੍ਰਬੰਧ ਕੀਤਾ ਜਾਏ ਕਿ ਮੁਕਦੀ ਗੱਲ ਧੁੰਮ ਹਰ ਪਾਸੇ ਪੈ ਜਾਵੇ।
ਬੱਲੇ ! ਬੱਲੇ ! ਚੌਧਰੀ ਹੋਰਾਂ ਬੜਾ ਰੱਜ ਕੇ ਵਿਆਹ ਕੀਤਾ ਏ । ਜਗ੍ਹਾ ਜਗ੍ਹਾ ਵਿੱਚ ਧੁੰਮਾਂ ਪੈ ਗਈਆਂ ਨੇ । ਏਡਾ ਦਲੇਰ ਪੁੱਤ੍ਰ ਕਿਸੇ ਮਾਂ ਨੇ ਘੱਟ ਹੀ ਜੰਮਣਾ ਏਂ।
ਤੇਰਾ ਫਾਇਦਾ ਏਸੇ ਵਿੱਚ ਏ ਕਿ ਕਿਸੇ ਬੰਦੇ ਖੁਦਾ ਦੇ ਅੱਗੇ ਧੂੰ ਨਾ ਕੱਢੀ, ਨਹੀਂ ਤੇ ਸਾਡੇ ਦੋਹਾਂ ਦੇ ਭਾ ਦੀ ਬਣ ਜਾਏਗੀ।
ਸ਼ਿਖਾ ਦੇ ਘਰ ਨਵਾਂ ਰੰਗੀਨ ਟੀ. ਵੀ. ਆਇਆ ਪਰ ਉਨ੍ਹਾਂ ਨੇ ਬਿਲਕੁਲ ਵੀ ਧੂੰ ਨਾ ਕੱਢੀ।
ਜੋ ਮੰਗਨਾ ਈ ਮੰਗ ਨਿਸ਼ੰਗ ਹੋ ਕੇ, ਅੱਜ ਤੇਰੇ ਤੋਂ ਖ਼ੁਸ਼ ਅਸੀਂ ਹੋਵਨੇ ਹਾਂ । ਚੰਗੀ ਤਰ੍ਹਾਂ ਅੱਜ ਤੈਨੂੰ ਰਜਾ ਕੇ ਤੇ, ਤੇਰੇ ਭੁੱਖ ਦੇ ਧੋਣੇ ਧੋਵਦੇ ਹਾਂ।
ਸਿੱਲ ਕਰਕੇ ਸਾਡੇ ਕਮਰਿਆਂ ਦਾ ਫਰਸ਼ ਧੋਂ ਗਿਆ ਹੈ।
ਕਈ ਵਾਰੀ ਸਾਧਾਰਨ ਆਦਮੀ ਵੀ ਐਸਾ ਨੁਕਤਾ ਉਠਾ ਦਿੰਦੇ ਹਨ ਕਿ ਵੱਡੇ ਵੱਡੇ ਵਿਦਵਾਨਾਂ ਦੀ ਬਹਿਸ ਵਿੱਚ ਧੌਣ ਝੁਕਾ ਦਿੰਦੇ ਹਨ।
ਸਾਰੀ ਗਲੀ ਦੇ ਬੰਦਿਆਂ ਨੂੰ ਡਰਾ ਧਮਕਾ ਕੇ ਰੱਖਣ ਵਾਲੇ ਦੀਵਾਨ ਸਿੰਘ ਨੂੰ ਮੈਂ ਸਾਰਿਆਂ ਦੇ ਸਾਹਮਣੇ ਕੁੱਟ-ਕੁੱਟ ਕੇ ਉਸ ਦੀ ਧੌਣ ਵਿੱਚੋਂ ਕਿੱਲਾ ਕੱਢ ਦਿੱਤਾ।
"ਤੇਰਾ ਕੱਖ ਨਾ ਰਹੇ ਬੁਰਛਿਆ", ਬਾਬਾ ਉਵੇਂ ਹੀ ਕਈਆਂ ਬਾਹਾਂ ਵਿੱਚ ਜਕੜਿਆ ਹੋਇਆ ਸ਼ੇਰ ਵਾਂਗ ਭਬਕਿਆ, "ਲੱਗਾਂ ਬੁੱਢੇ ਵਾਰੇ ਮੇਰੇ ਧੌਲਿਆਂ ਵਿੱਚ ਘੱਟਾ ਪਾਣ ! ਸੱਚ ਦੱਸ, ਕਿੱਥੇ ਲੈ ਕੇ ਗਿਆ ਮੈਂ ਵੱਡੇ ਵੇਲੇ ਉਸ ਨੂੰ ?"