ਕੀ ਜਾਣੀਏ ਰੱਬ ਦੀ ਨਜ਼ਰ ਸਵੱਲੀ ਹੋਵੇ ਤੇ ਸਾਡਾ ਪਾਸਾ ਚਾ ਪਰਤੇ ਤੇ ਫਿਰ ਆਪਣੇ ਪਿੰਡ ਦੇ ਘਰ ਬਾਰ ਵੱਸ ਜਾਣ। ਹਾਲੀ ਤੇ ਪਿੰਡੋਂ ਧੱਕੇ ਗਏ ਆਂ।
ਜੇ ਪਾਸਾ ਪੈ ਗਿਆ ਤਾਂ ਇੰਨੀ ਖੱਟੀ ਹੋਣੀ ਹੈ ਕਿ ਸਾਰੇ ਜੀਵਨ ਦੀਆਂ ਰੋਟੀਆਂ ਨਿੱਕਲ ਆਉਣੀਆਂ ਹਨ।
ਜਿਹੜੇ ਮੁਖ਼ਾਲਿਫ਼ ਧੜੇ ਦੇ ਲੋਕ ਮਾਸਟਰ ਜੀ ਉੱਤੇ ਇਹ ਦੋਸ਼ ਲਾ ਰਹੇ ਹਨ ਕਿ ਉਹ ਮੁਲਕੀ ਅਮਨ ਦੇ ਵੈਰੀ ਹਨ, ਉਹ ਲੋਕ, ਮੈਂ ਸਮਝਦੀ ਹਾਂ, ਭੁੱਲਦੇ ਹਨ। ਨੀਅਤਨ ਮਾਸਟਰ ਜੀ ਅਜੇ ਭੀ ਪਾਸੇ ਦਾ ਸੋਨਾ ਹਨ।
ਬੰਦੇ ਨੂੰ ਚਾਹੀਦਾ ਏ ਪਈ ਸਾਰੇ ਪਾਸੇ ਰੱਖੋ। ਇਹ ਵੀ ਕੀਹ ਹੋਇਆ ਜੁ ਕਿਸੇ ਦੇ ਰਾਹ ਨਾ ਲੰਘੇ, ਤੇ ਕਿਸੇ ਦੇ ਉੱਤੇ ਈ ਡਿੱਗਦਾ ਫਿਰੇ ਬੰਦਾ।
ਕਿਰਾਏਦਾਰ ਨੇ ਮਾਲਕ ਮਕਾਨ ਦੇ ਘਰੇਲੂ ਝਗੜੇ ਦਾ ਸਾਰਾ ਪਾਜ ਖੋਲ੍ਹ ਦਿੱਤਾ।
ਪਾਟਾ ਪੇਟ ਕਿ ਪੱਟੀ ਬੱਝੇ, ਸੁਣਿਆਂ ਆਲਮ ਸਾਰੇ, ਆਖ ਦਮੋਦਰ ਖਾਨ ਹੋਇਆ ਕਾਹਲਾ, ਮੱਥਾ ਠੇਕੇ ਤੇ ਹੱਥ ਉੱਲਾਰੇ।
ਸ਼ਾਮੂ ਸ਼ਾਹ ਨੇ ਅਨੰਤ ਰਾਮ ਨੂੰ ਗਿਲਾ ਕੀਤਾ-ਤੁਸਾਂ ਰੁਜ਼ਗਾਰ ਮੇਰਾ ਭੰਨਿਆ ਏ, ਕਈ ਵਾਰ ਲੋਕਾਂ ਦੇ ਰੂਬਰੂ, ਮੇਰੀਆਂ ਸਾਮੀਆਂ ਦੇ ਰੁਬਰੂ, ਮੇਰੀ ਪਾਣ-ਪੱਤ ਲਾਹੀ ਜੇ । ਮੈਨੂੰ ਕਿਤੇ ਖਲੋਣ ਜੋਗਾ ਨਹੀਂ ਛੱਡਿਆ ਜੇ, ਤੇ ਮੈਂ ਸਭ ਕੁਝ ਸਬਰ ਨਾਲ ਜਰਿਆ ਏ।
ਉਸ ਦੀਆਂ ਅੱਖਾਂ ਵਿੱਚ ਕਈ ਮਹੀਨਿਆਂ ਤੋਂ ਪਾਣੀ ਉੱਤਰਨ ਲੱਗਾ ਹੋਇਆ ਹੈ। ਜਦੋਂ ਇਹ ਪੱਕ ਗਿਆ, ਉਦੋਂ ਹੀ ਅਪ੍ਰੇਸ਼ਨ ਹੋ ਸਕੇਗਾ।
ਮਦਨ ਸ਼ਰਮ ਨਾਲ ਪਾਣੀਉਂ ਪਾਣੀ ਹੋ ਗਿਆ, ਜਦ ਉਸ ਨੂੰ ਪਤਾ ਲੱਗਾ ਕਿ ਉਸ ਨੇ ਸੱਜਾ ਬੂਟ ਖੱਬੇ ਪੈਰ ਵਿੱਚ, ਤੇ ਖੱਬਾ ਸੱਜੇ ਪੈਰ ਵਿੱਚ ਪਾਇਆ ਹੋਇਆ ਹੈ।
ਭਰਾ ਨੇ ਭੈਣ ਦੀ ਦੁਰਦਸ਼ਾ ਸੁਣ ਕੇ ਕਿਹਾ- ਮੇਰੇ ਵਾਸਤੇ ਏਥੋਂ ਦਾ ਪਾਣੀ ਪੀਣਾ ਵੀ ਹਰਾਮ ਏ । ਚੱਲ ਤੂੰ ਤਯਾਰ ਏਂ, ਮੈਂ ਤੇ ਰਾਤ ਏਥੇ ਨਹੀਂ ਅਟਕਣਾ।
ਜਦੋਂ ਪਾਣੀ ਗਲ ਗਲ ਤੋੜੀ ਆ ਜਾਏ ਤਾਂ ਹਰ ਹੀਲਾ ਕਰਨਾ ਹੀ ਪੈਂਦਾ ਹੈ।
ਇਸ ਜ਼ਿੰਦਗੀ ਦਾ ਕੀ ਭਰੋਸਾ ਹੈ ; ਇਹ ਪਾਣੀ ਦੇ ਬੁਲਬੁਲੇ ਤੋਂ ਵੱਧ ਕੁਝ ਨਹੀਂ ਜਾਪਦੀ ! ਜਿਵੇਂ ਬੁਲਬੁਲੇ ਨੂੰ ਟੁੱਟਦਿਆਂ ਦੇਰ ਨਹੀਂ ਲੱਗਦੀ ਤਿਵੇਂ ਮੌਤ ਦਾ ਵੀ ਕੁਝ ਪਤਾ ਨਹੀਂ ਲੱਗਦਾ।