ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਆਉਣ ਨਾਲ ਕਈ ਵਪਾਰੀਆਂ ਦੇ ਲੱਕ ਟੁੱਟ ਗਏ।
ਵਾਰਾ ਸੱਖਣਾ ਸੀ, ਤੇ ਅੰਦਰ ਵੜਦਿਆਂ ਹੀ ਜਿਸ ਚੀਜ਼ ਉੱਤੇ ਉਸ ਦੀ ਪਹਿਲੀ ਨਜ਼ਰ ਪਈ, ਉਸ ਨੇ ਬੂਟੇ ਸ਼ਾਹ ਦਾ ਲੱਕ ਹੀ ਤੋੜ ਕੇ ਰੱਖ ਦਿੱਤਾ।
ਮਾਂ ਜੀ ਮੇਰਾ ਤੇ ਲੱਕ ਦੂਹਰਾ ਹੋ ਗਿਆ ਏ ਕੰਮ ਕਰਦਿਆਂ ਕਰਦਿਆਂ, ਸਵੇਰ ਦੀ ਖੜੀ ਲੱਤ ਏ, ਹੁਣ ਜ਼ਰਾ ਚਰਖਾ ਲੈ ਕੇ ਬੈਠੀ ਸਾਂ ਤੇ ਚਾਰ ਤੰਦ ਪਾਏ ਨੇ ; ਮੈਨੂੰ ਕਿੱਥੋਂ ਮਿਲਦਾ ਖੇਡਣਾ ਕੁੜੀਆਂ ਨਾਲ ! ਖੇਡਣਾ ਇੱਥੋਂ ਮੇਰੇ ਭਾਗਾਂ ਵਿੱਚ ?
ਹਿੰਮਤੀ ਲੋਕ ਜਦੋਂ ਕਿਸੇ ਕੰਮ ਨੂੰ ਕਰਨ ਲਈ ਲੱਕ ਬੰਨ੍ਹ ਲੈਂਦੇ ਹਨ, ਤਾਂ ਸਭ ਮੁਸ਼ਕਲਾਂ ਦੂਰ ਹੋ ਜਾਂਦੀਆਂ ਹਨ ।
ਪੁੱਤਰ ਤੇਰੇ ਲਈ ਐਡੇ ਦੁਖ ਭੋਗੇ, ਭਈ ਵੱਡਾ ਹੋਕੇ ਸਾਨੂੰ ਸੁਖ ਦਊ । ਏਹ ਸੁਖ ਦੇਣ ਲੱਗਾ ਏ ? ਵੇਖ ! ਪਿਓ ਨੂੰ ਨਾ ਤੇ ਮੈਨੂੰ ਲੱਕੜੀਆਂ ਵਿੱਚ ਪੈ ਲੈਣ ਦੇਹ ; ਫੇਰ ਜੋ ਮਰਜ਼ੀ ਏ ਕਰੀਂ, ਮੇਰੇ ਜੀਉਂਦਿਆਂ ਜੀ ਕੁਝ ਨ ਕਰ।
ਚਲਦੀ ਚਲਦੀ ਗੱਡੀਉਂ, ਉਤਰ ਪਈ ਤਕਦੀਰ, ਬਣੇ ਤਣੇ ਇਕਬਾਲ ਤੋਂ, ਦਿੱਤੀ ਫੇਰ ਲਕੀਰ।
ਇਹ ਆਦਮੀ ਬੋਲਦਾ ਬੜਾ ਘੱਟ ਹੈ ਪਰ ਜਦੋਂ ਬੋਲਦਾ ਹੈ ਕਪਾਟ ਖੋਲ੍ਹ ਦਿੰਦਾ ਹੈ। ਇੱਕੋ ਗੱਲ ਲੱਖ ਦੀ ਕਰਦਾ ਹੈ । ਇਸ ਦੀ ਹਰ ਗੱਲ ਪੱਥਰ ਤੇ ਲਕੀਰ ਹੁੰਦੀ ਹੈ।
ਆਪਣੀ ਧੀ ਨੂੰ ਕਹਿ ਦੋ ਕਿ ਹੁਣ ਬੂਹਿਓਂ ਬਾਹਰ ਪੈਰ ਨ ਪਾਏ ਤੇ ਦੂਜੀ ਗੱਲ ਇਹ ਪਈ ਛੇਤੀ ਇਹਦਾ ਵਿਆਹ ਕਰ ਦੇ। ਇੱਜ਼ਤ ਨਾਲ ਆਪਣੇ ਘਰ ਜਾਏ ਤੇ ਲੱਖ ਵੱਟੀਏ।
ਜੇ ਕੋਈ ਗ਼ਰੀਬ ਮੁੰਡਾ ਹੁੰਦਾ ਤਾਂ ਜ਼ਰੂਰ ਚਾਂਦੀ ਦਾ ਛਿੱਤਰ ਖਾ ਕੇ ਰਾਹਿ-ਰਾਸਤ ਤੇ ਆ ਜਾਂਦਾ, ਪਰ ਉਸ ਦੇ ਜੁਆਈ ਨੂੰ ਪੈਸੇ ਦੀ ਤੋਟ ਨਹੀਂ ਸੀ। ਉਸ ਦੇ ਮਾਪੇ ਭੀ ਦੁਆਰਕਾ ਦਾਸ ਵਾਂਗ ਲੱਖਾਂ ਵਿੱਚ ਖੇਡਦੇ ਸਨ, ਸੋ ਸਾਰੀਆਂ ਕੋਸ਼ਸ਼ਾਂ ਅਕਾਰਥ ਗਈਆਂ, ਤੇ ਸੁਧਾ ਛੁੱਟੜ ਹੋ ਕੇ ਪਿਉ ਦੇ ਬੂਹੇ ਤੇ ਬੈਠ ਗਈ।
ਉਸ ਦੀ ਗੱਲ ਦਾ ਇਤਬਾਰ ਨਾ ਕਰੀਂ। ਉਸ ਨੇ ਮੇਰੇ ਭਲੇ ਦੀ ਕਦੇ ਨਹੀਂ ਕਹਿਣੀ। ਮੁੱਦਤਾਂ ਤੋਂ ਉਸ ਦੀ ਮੇਰੇ ਨਾਲ ਲੱਗਦੀ ਹੈ।
ਉੱਥੇ ਦਰਖ਼ਾਸਤ ਭੇਜ ਕੇ, ਲੱਗਦੇ ਹੱਥ ਮੈਂ ਸਰਦਾਰ ਸਾਹਿਬ ਨੂੰ ਮਿਲ ਵੀ ਆਇਆ। ਕੰਮ ਬਣ ਗਿਆ।
ਇਸ ਵਿਚਾਰੇ ਦੇ ਕੁਝ ਲਗਨ ਹੀ ਠੰਢੇ ਹਨ ; ਜਦੋਂ ਉਸ ਦੇ ਵਿਆਹ ਦੀ ਗੱਲ ਤੁਰਦੀ ਹੈ, ਕੋਈ ਨਾ ਕੋਈ ਵਿਘਨ ਪੈ ਜਾਂਦਾ ਹੈ।