ਪੰਜਾਬੀ ਮੁਹਾਵਰੇ

ਤੂੰ ਕੀ ਸੱਥਰ ਪਾਈ ਬੈਠਾ ਹੈਂ। ਤੂੰ ਸਕੂਲ ਚੱਲ ਮੈਂ ਆਪੇ ਆ ਕੇ ਤੇਰੀ ਫੀਸ ਦੇਂਦਾ ਹਾਂ।

ਬੇਮੌਸਮੀ ਮੀਂਹ ਕਾਰਨ ਫਸਲ ਖਰਾਬ ਹੋਈ ਦੇਖਕੇ ਕਿਸਾਨਾਂ ਦਾ ਸੱਥਰ ਲਹਿ ਗਿਆ।

ਪੁਲਿਸ ਨੇ ਮਾਰ ਮਾਰ ਕੇ ਚੋਰਾਂ ਨੂੰ ਸਥਾਰ ਕਰ ਦਿੱਤਾ, ਪਰ ਉਨ੍ਹਾਂ ਚੋਰੀ ਨਾ ਮੰਨੀ।

ਆਪਣਾ ਸਿਰ ਸਦਕਾ ਦਿਉ, ਤੁਹਾਡਾ ਤੇ ਦੂਜਾ ਜਨਮ ਹੋਇਆ ਹੈ।

ਝੱਟ ਕੁ ਦਲੀਜਾਂ ਵਿੱਚ ਖਲੋ ਕੇ ਇਹਨਾਂ ਦੋਹਾਂ ਮਹਾਨ ਆਤਮਾਵਾਂ ਨੂੰ ਉਸ ਨੇ ਇੱਕ ਵਾਰੀ ਨਜ਼ਰ ਭਰ ਕੇ ਤੱਕਨਾ ਚਾਹਿਆ, ਪਰ ਹਨੇਰੇ ਕਰ ਕੇ ਉਨ੍ਹਾਂ ਦੇ ਮੁਖੜਿਆਂ ਦਾ ਅੰਤਮ ਦੀਦਾਰ ਉਹ ਚੰਗੀ ਤਰ੍ਹਾਂ ਨਾ ਕਰ ਸਕੀ। ਕੁਝ ਚਿਰ ਹੋਰ ਏਸ ਉਡੀਕ ਵਿੱਚ ਖੜੀ ਰਹੀ ਕਿ ਬਿਜਲੀ ਦਾ ਚਮਕਾਰਾ ਵੱਜੇ ਤੇ ਉਹ ਦਿਲ ਦੀ ਸੱਧਰ ਲਾਹ ਲਵੇ, ਪਰ ਉਸ ਦੀ ਉਡੀਕ ਡਾਢੀ ਬੇ-ਸਬਰ ਸੀ, ਉਹ ਬਹੁਤਾ ਨਾ ਠਹਿਰ ਸਕੀ।

ਸਾਡੇ ਘਰ ਤੇ ਪਤਾ ਨਹੀਂ ਕਿਹੜਾ ਸਨਿੱਛਰ ਆਇਆ ਹੋਇਆ ਹੈ, ਇੱਕ ਮੰਜੇ ਤੋਂ ਉੱਠਦਾ ਹੈ ਤੇ ਦੂਜਾ ਪੈ ਜਾਂਦਾ ਹੈ।

ਅਧਿਆਪਕ ਦੇ ਕਲਾਸ ਵਿੱਚ ਪੈਰ ਧਰਦਿਆਂ ਹੀ ਸਾਰੇ ਬੱਚਿਆਂ ਨੂੰ ਸੱਪ ਸੁੰਘ ਗਿਆ।

ਇਹ ਮੁੰਡਾ ਕਮਾਊ ਐਸਾ ਏ ਪਈ ਸੱਪ ਦੇ ਸਿਰੋਂ ਕੌਡੀ ਲਿਆਉਂਦਾ ਏ। ਹਾਂ ਬਹੁਤੀ ਉੱਛਲ-ਉੱਛਲ ਨਹੀਂ ਕਰਦਾ ਪਰ ਪੱਲੇ ਬਹੁਤ ਹੈ।

ਪਰ ਤੂੰ ਕਾਸਨੂੰ ਦੁੱਖਾਂ ਦੇ ਮੂੰਹ ਆਉਂਦਾ ?
ਕਿਉਂ ਤੂੰ ਸੱਪਾਂ ਦੇ ਮੂੰਹ ਤੇ ਪਿਆਰ ਦੇਂਦਾ ?
ਸਾਰੇ ਮੂੰਹ-ਮੁਲਾਜ਼ੇ ਨੇ ਜੀਂਦਿਆਂ ਦੇ, 
ਮੋਇਆ ਹੋਇਆਂ ਨੂੰ ਹਰ ਕੋਈ ਵਿਸਾਰ ਦੇਂਦਾ।

ਨੀ ਦੇਵੀ ! ਇਹ ਕਰਤਾਰੋ ਤੇਰੇ ਬੜੇ ਖਹਿੜੇ ਪਈ ਹੈ। ਸੱਪਾਂ ਨੂੰ ਦੁੱਧ ਪਿਆਉਣਾ ਠੀਕ ਨਹੀਂ। 
 

ਪਾਰਸ ਦੀ ਮਦਦ ਕਰਨਾ ਤਾਂ ਸੱਪਾਂ ਨੂੰ ਦੁੱਧ ਪਿਲਾਉਣ ਦੇ ਬਰਾਬਰ ਹੈ।

ਗੌਰੀ- ਇਸ ਨੂੰ ਮਾਰਿਆ ਏ ਪਰ ਇਹਨੂੰ ਪੁੱਛ ਕਿ ਇਹ ਜਵਾਬ ਦੇਣਾ ਕਿੱਥੋਂ ਸਿੱਖੀ ਏ ?
ਮੁਕੰਦਾ- ਚੁੱਪ ਕਰ ! ਲੱਗੀ ਏ ਸਫ਼ਾਈਆਂ ਸਾੜਨ ਹੁਣ !