ਇਹ ਉਸ ਦਾ ਕੁੱਖੋਂ ਜਾਇਆ ਮੁੰਡਾ ਨਹੀਂ, ਸਗੋਂ ਲੈ ਪਾਲਕ ਹੈ।
ਉਸ ਦੀ ਕੀਰਤਨ ਤੇ ਸੰਗਤ ਵਿੱਚ ਲੈ ਲੱਗੀ ਹੋਈ ਹੈ। ਗੁਰਦੁਆਰੇ ਬਿਨਾਂ ਉਹ ਨਹੀਂ ਰਹਿ ਸਕਦਾ।
ਇਵੇਂ ਜਾਪਦਾ ਹੈ ਜਿਵੇਂ ਉਸ ਨੂੰ ਕਿਸੇ ਮਾਰਿਆ ਹੈ। ਉਸ ਦਾ ਸਾਰਾ ਮੂੰਹ ਲੋਹ ਚੜ੍ਹਿਆ ਪਿਆ ਹੈ।
ਭੈਣੀ ਸਾਹਿਬ ਵਾਲਿਆਂ ਦਾ ਕਮਾਲ ਇਹ ਹੈ ਕਿ ਉੱਥੇ ਲੋਹ ਲੰਗਰ ਹਰ ਵਕਤ ਤਿਆਰ ਰਹਿੰਦਾ ਹੈ।
ਬਾਪੂ ਜੀ ਜੇ ਭਰਾ ਨੇ ਉੱਥੇ ਵਿਆਹ ਕਰਾਉਣੋਂ ਨਾਂਹ ਕਰ ਦਿੱਤੀ ਹੈ ਤਾਂ ਤੁਸੀਂ ਇੰਨੇ ਗੁੱਸੇ ਨਾ ਹੋਵੋ। ਕੋਈ ਲੋਹੜਾ ਥੋੜ੍ਹਾ ਆ ਗਿਆ ਹੈ। ਅਕਸਰ ਉਸ ਆਪਣਾ ਜੀਵਨ ਸੁਖੀ ਬਤੀਤ ਕਰਨਾ ਹੈ ਜਿਸ ਲਈ ਅਪਣੀ ਮਰਜ਼ੀ ਦਾ ਸਾਥੀ ਚੁਣਨ ਦੀ ਉਸ ਨੂੰ ਖੁੱਲ੍ਹ ਹੋਣੀ ਚਾਹੀਦੀ ਹੈ।
ਜਦੋਂ ਜੋਤਸ਼ੀ ਦੀ ਦੱਸੀ ਹਰ ਗੱਲ ਸਮੇਂ ਸਿਰ ਆ ਕੇ ਸੱਚ ਨਿਕਲੀ, ਮੈਂ ਉਸ ਦੀ ਵਿਦਵਤਾ ਦਾ ਲੋਹਾ ਮੰਨ ਗਿਆ।
ਜਦੋਂ ਹਰਨਾਮ ਨੂੰ ਆਪਣੀ ਧੀ ਦੀਆਂ ਕਾਲੀਆਂ ਕਰਤੂਤਾਂ ਦਾ ਪਤਾ ਲੱਗਾ ਤਾਂ ਉਹ ਬਹੁਤ ਲੋਹਾ ਲਾਖਾ ਹੋਇਆ।
ਜਦ ਮੋਹਨ ਉਸ ਦੇ ਪਤੀ ਦੀ ਸ਼ਾਨ ਵਿੱਚ ਵੱਧ ਘੱਟ ਬੋਲਦਾ ਹੈ ਤਾਂ ਸਰਲਾ ਉਸੇ ਪਤੀ ਤੋਂ ਚਿੜ ਕੇ ਝਟ ਪਟ ਲੋਹੀ ਲਾਖੀ ਹੋ ਜਾਂਦੀ ਹੈ।
ਤਕੜੇ ਅਤੇ ਅਮੀਰ ਆਦਮੀ ਨਾਲ ਗ਼ਰੀਬ ਲੋਹਾ ਨਹੀਂ ਲੈ ਸਕਦਾ।
ਲੁੱਡਣ ਬੰਨ੍ਹ ਦਲਾ ਹੋ ਮੁਸ਼ਕੀ ਬਹੁਤੀ ਮਾਰ ਕਰੀ ਹਾਂ, ਆਖ ਦਮੋਦਰ ਜੇ ਮਿਲਨ ਅਸਾਂ ਨੂੰ ਤਾਂ ਲੋਹੇ ਹੱਥ ਪਈਹਾਂ।
ਉਸ ਪਾਸੋਂ ਤੈਨੂੰ ਪਰਾਪਤੀ ਦੀ ਕੋਈ ਆਸ ਨਹੀਂ ਰੱਖਣੀ ਚਾਹੀਦੀ। ਉਹ ਤੇ ਨਿਰਾ ਲੋਹੇ ਦਾ ਘਣ ਹੈ। ਉਸ ਪਾਸੋਂ ਕਿਸੇ ਨੂੰ ਕੀ ਮਿਲਣਾ ਹੈ।
ਪੜ੍ਹਨੇ ਵਿਚ ਜੀ ਨਾ ਲਗੇ, ਬੰਨ੍ਹ ਬੰਨ੍ਹ ਉਸਤਾਦ ਬਹਾਏ, ਕਮਜ਼ੋਰ ਦੁਧ ਦੀ ਦੰਦੀ ਲੋਹੇ ਦੇ ਚਣੇ ਚਬਾਵੇ।