ਢੱਠੇ ਖੂਹ ਵਿੱਚ ਪਵੇ ਤੇਰਾ ਕਾਰੋਬਾਰ ਜਿਸ ਤੋਂ ਟਕੇ ਦਾ ਫ਼ਾਇਦਾ ਨਹੀਂ। ਸਾਨੂੰ ਤਾਂ ਉਹੋ ਹੀ ਤੰਗੀ ਦੇ ਦਿਨ ਕੱਟਣੇ ਪੈ ਰਹੇ ਹਨ।
ਵਿਧਵਾ ਨੇ ਆਪਣੇ ਸਹੁ ਤੇ ਸੰਬੰਧੀਆਂ ਨੂੰ ਕਿਹਾ ਕਿ ਜੇ ਮੈਨੂੰ ਘਰੋਂ ਕੱਢ ਰਹੇ ਹੋ ਤੇ ਧੱਕੇ ਦੇ ਰਹੇ ਹੋ, ਮੈਂ ਕਿਥੇ ਜਾਵਾਂ ? ਢੱਠੇ ਖੂਹ ਵਿੱਚ ਪਵਾਂ, ਮੇਰੇ ਲਈ ਤੇ ਸਾਰੇ ਦਰ ਬੰਦ ਹੋ ਰਹੇ ਹਨ।
ਬਥੇਰਾ ਯਤਨ ਕੀਤਾ ਹੈ ਪਰ ਕੱਪੜੇ ਇਸਤਰੀ ਕਰਨ ਦਾ ਢੱਬ ਮੈਨੂੰ ਨਹੀਂ ਆ ਸਕਿਆ, ਭਾਵੇਂ ਇਹ ਕੰਮਾਂ ਵਿਚੋਂ ਕੋਈ ਕੰਮ ਹੀ ਨਹੀਂ।
ਹਰ ਤਰੀਕਾ ਵਰਤਿਆ ਹੈ ਪਰ ਇਹ ਕੰਮ ਢਬ ਸਿਰ ਨਹੀਂ ਆ ਸਕਿਆ।
ਧਨ ਢਲਦਾ ਪਰਛਾਵਾਂ ਹੈ ; ਅੱਜ ਹੈ ਕੱਲ ਨਹੀਂ। ਅਮੀਰ ਹੁੰਦੇ ਹਨ, ਰਾਤੋਂ ਰਾਤ ਸ਼ਾਹ ਵੀ ਲੋਪ ਹੋ ਜਾਂਦੇ ਹਨ।
ਤੁਹਾਡੀ ਪਾਰਟੀ ਵਿੱਚ ਹੈ ਕੌਣ ? ਢਾਈ ਟੋਟਰੂ ਤੇ ਤੁਸੀਂ ਸਾਰੇ ਹੋ ਤੇ ਝੀਂਗਾ ਐਨੀਆਂ ਮਾਰਦੇ ਹੋ ਕਿ ਅਸਾਂ ਇਨਕਲਾਬ ਲਿਆ ਦੇਣਾ ਹੈ ਤੇ ਇਹ ਕਰ ਦੇਣਾ ਹੈ।
ਕਿੱਕਰ ਸਿੰਘ ਨੂੰ ਕੋਈ ਭਲਵਾਨ ਨਾ ਢਾਹ ਸਕਿਆ।
ਬਹਿਸ ਵਿੱਚ ਤਾਂ ਉਹ ਕਿਸੇ ਤੋਂ ਢਾਹ ਨਹੀਂ ਖਾਂਦਾ, ਬੜਾ ਸੂਝਵਾਨ ਤੇ ਹਾਜ਼ਰ-ਜਵਾਬ ਹੈ।
ਗੋਲੀ ਦੀ ਆਵਾਜ ਆਉਂਦਿਆਂ ਹੀ, ਉਥੇ ਢਾਹ ਢਰੌਲੀ ਪੈ ਗਈ। ਲੋਕਾਂ ਸਮਝਿਆ ਕਿ ਫਸਾਦੀ ਆ ਚੁਕੇ ਹਨ।
ਪੁੱਤਰ ਦੀ ਮੌਤ ਸੁਣ ਕੇ ਪਿਤਾ ਨੇ ਇੱਕ ਜ਼ੋਰ ਦੀ ਢਾਹ ਮਾਰੀ ਤੇ ਆਪ ਵੀ ਚਿੱਤ ਹੋ ਗਿਆ।
ਗੁਰਸਿੱਖ ਨੇ ਵਿਧਵਾ ਨੂੰ ਉਪਦੇਸ਼ ਕੀਤਾ ਕਿ ਉਹ ਰੱਬ ਦੀ ਟੇਕ ਧਾਰੇ ; ਤਾਂ ਉਸਨੇ (ਵਿਧਵਾ) ਜਵਾਬ ਦਿੱਤਾ ਕਿ ਮੈਂ ਜੋਰ ਤਾਂ ਲਾਉਂਦੀ ਹਾਂ ਪਰ ਟੇਕ ਬੱਝਦੀ ਨਹੀਂ । ਆਪ ਦੇ ਬਚਨਾਂ ਨਾਲ ਜੀ ਮੇਰਾ ਖਿੜ ਗਿਆ ਹੈ, ਠੰਢ ਬੀ ਪਈ ਢਾਰਸ ਬੀ ਬੱਝੀ ਹੈ ਪਰ ਅਜੇ ਡੋਲ ਪੈਂਦੀ ਹੈ ਤੇ ਭਗਤੀ ਵਿਚ ਦਿਲ ਨਹੀਂ ਲੱਗਦਾ।
"ਬਾਬੂ ਹੋਣੀ ਚਲੇ ਗਏ ਨੇ ਤਾਂ ਕੀਹ ਹੋਇਆ। ਅਸੀਂ ਆਖੀਂ ਸਭ ਕੁਝ ਕਰਾਂਗੇ । ਤੁਸੀਂ ਢਿੱਗੀ ਕਿਉਂ ਢਾਹ ਬੈਠੇ ਜੇ ?"