ਜਦ ਇੱਕ ਵਾਰੀ ਟੀਮ ਦੇ ਪੈਰ ਉੱਖੜ ਗਏ ਤਾਂ ਫਿਰ ਲੱਖ ਹੱਲਾ-ਸ਼ੇਰੀ ਦਿਉ, ਉਸ ਦਾ ਕਾਇਮ ਹੋ ਕੇ ਮੁਕਾਬਲਾ ਕਰਨਾ ਅਸੰਭਵ ਹੈ।
ਪਾਕਿਸਤਾਨ ਦੀਆਂ ਫ਼ੌਜਾਂ ਦੇ ਬੰਗਲਾ ਦੇਸ਼ ਵਿੱਚ ਜਲਦੀ ਹੀ ਪੈਰ ਉੱਖੜ ਗਏ।
ਇਹ ਸਾਡਾ ਬਿਲਕੁਲ ਜਾਤੀ ਮੁਆਮਲਾ ਹੈ। ਤੁਸੀਂ ਵਿੱਚ ਪੈਰ ਨਾ ਅੜਾਉ ; ਅਸੀਂ ਆਪੂੰ ਨਜਿੱਠ ਲਵਾਂਗੇ।
ਹਵਾਲਦਾਰ ! ਤੂੰ ਏਥੇ ਈ ਖੜੇ ਖੜੇ ਰਾਤ ਪਾ ਦੇਣੀ ਏ ! ਹਵਾਲਾਤੀ ਨੂੰ ਰਾਹ ਵਿੱਚ ਖਲਾਰਨ ਤੇ ਗੱਲਾਂ ਕਰਾਉਣ ਦਾ ਕਿਹੜਾ ਕਨੂੰਨ ਏ ? ਹੀਲੇ ਨਾਲ ਪੈਰ ਸੁੱਟ।
ਅੱਗੇ ਸਾਰਾ ਕੰਮ ਬੜੀ ਚੰਗੀ ਤਰ੍ਹਾਂ ਤੁਰ ਰਿਹਾ ਸੀ; ਜਦੋਂ ਦਾ ਰਾਮ ਸਿੰਘ ਨੇ ਆਪਣਾ ਪੈਰ ਵਿੱਚੋਂ ਕੱਢ ਲਿਆ ਹੈ, ਕੰਮ ਡਾਵਾਂ ਡੋਲ ਹੋ ਰਿਹਾ ਹੈ।
ਅੰਤ ਸਫਲਤਾ ਨੇ ਉਨ੍ਹਾਂ ਦੇ ਪੈਰ ਚੁੰਮਣੇ ਹਨ।
ਜਦੋਂ ਹਰਜੀਤ ਦਾ ਵਿਆਹ ਹੋਇਆ, ਤਾਂ ਉਸ ਦੇ ਪੈਰ ਜ਼ਮੀਨ ' ਤੇ ਨਹੀਂ ਸਨ ਲਗਦੇ, ਪਰ ਉਹ ਇਹ ਨਹੀਂ ਸੀ ਜਾਣਦੀ ਕਿ ਵਿਆਹ ਦੀਆਂ ਖ਼ੁਸ਼ੀਆਂ ਚਾਰ ਦਿਨ ਹੀ ਰਹਿੰਦੀਆਂ ਹਨ ।
ਆਪਣੇ ਪਾਸ ਹੋਣ ਦੀ ਖ਼ਬਰ ਪੜ੍ਹ ਕੇ ਉਹ ਇੰਨਾਂ ਖ਼ੁਸ਼ ਹੋਇਆ ਕਿ ਉਸਦੇ ਪੈਰ ਜ਼ਮੀਨ ਤੇ ਨਹੀਂ ਸਨ ਲੱਗਦੇ ਤੇ ਭੁੜਕ ਭੁੜਕ ਕੇ ਇਹ ਖ਼ਬਰ ਹਰ ਕਿਸੇ ਨੂੰ ਸੁਣਾ ਰਿਹਾ ਸੀ।
ਪਹਿਲਾਂ ਪਹਿਲ ਉਹ ਇੱਥੋਂ ਦੁਕਾਨ ਦੁਕ ਜਾਂਦਾ ਤੇ ਭਾਵੇਂ ਜੁਕ ਜਾਂਦਾ । ਹੁਣ ਤੇ ਉਸਨੂੰ ਕੱਢ ਸਕਣਾ ਅਸੰਭਵ ਹੈ । ਉਸ ਦੇ ਪੈਰ ਬੜੇ ਪੱਕੇ ਜੰਮ ਗਏ ਹਨ।
ਮੇਰੀ ਧੀ ਨੂੰ ਆਪਣੀ ਦੇਹ, ਪ੍ਰਾਣ, ਜਿੰਦ ਜਾਨ ਸਮਝ ਕੇ ਰੱਖੀਂ ਤੇ ਉਹ ਵੀ ਤੇਰੇ ਪੈਰ ਧੋ ਧੋ ਪੀਊ।
ਸਾਰੇ ਪਿੰਡ ਦੀ ਭੋਂ ਤੇ ਉਹ ਹੀ ਪੈਰ ਪਸਾਰੀ ਬੈਠਾ ਹੈ; ਫਿਰ ਵੀ ਰੱਜਦਾ ਨਹੀਂ, ਹੋਰ ਖਰੀਦਣ ਨੂੰ ਫਿਰਦਾ ਹੈ।
ਜਦੋਂ ਦੀ ਏਹ ਭੋਰੀ ਵਾਲੀ ਜੰਮੀ ਏ, ਮਾਪਿਆਂ ਸੁਖ ਨਹੀਂ ਪਾਇਆ। ਇਨ੍ਹਾਂ ਦਾ ਪੈਰ ਪਿਛਾਂਹ ਹੀ ਪਿਛਾਂਹ ਰਿਹਾ ਏ, ਹੁਣ ਇਸ ਖੁਰਤੱਤੀ ਦੇ ਗਿਆ ਸਹੁਰਿਆਂ ਕਿੱਥੋਂ ਸੁਖ ਵੇਖਣਾ ਏ।