ਜ਼ੋਰਾਂ ਵਾਲਿਆਂ ਨੇ ਕਮਜ਼ੋਰਾਂ ਦੀ ਅਸਮਤ ਤੇ ਦੌਲਤ ਨਾਲ ਖੇਡਣਾ ਸ਼ੁਰੂ ਕਰ ਦਿੱਤਾ। ਜਿੱਧਰ ਦੇਖੋ, ਆਪਾ ਧਾਪੀ ਲੁੱਟ ਮਾਰ ਤੇ ਖੂਨ ਖ਼ਰਾਬੇ ਦਾ ਬਾਜ਼ਾਰ ਗਰਮ ਸੀ।
ਅੱਜ ਦੇ ਮੈਚ ਵਿੱਚ ਖ਼ਾਲਸਾ ਸਕੂਲ ਬਾਜ਼ੀ ਮਾਰ ਗਿਆ।
ਸੋ ਵੱਖੋ ਵੱਖ ਤਿੰਨੀ ਥਾਈਂ ਬਾਲਣ ਦੇ ਢੇਰ ਉਸਰਨੇ ਸ਼ੁਰੂ ਹੋ ਗਏ। ਕੁੜੀਆਂ, ਮੁੰਡਿਆਂ ਦੇ ਢੇਰ ਵੱਲ ਤੇ ਮੁੰਡੇ, ਕੁੜੀਆਂ ਦੇ ਤੋਦੇ ਵੱਲ ਈਰਖਾ ਨਾਲ ਵੇਖੀ ਜਾਂਦੇ ਸਨ। ਮਤੇ ਉਨ੍ਹਾਂ ਤੋਂ ਉਹ ਬਾਜ਼ੀ ਨਾ ਲੈ ਜਾਣ।
ਗ਼ਲਤੀ ਤੇ ਹੋਈ ਹੈ, ਪਰ ਬਿਲਕੁਲ ਮਾਮੂਲੀ ਜਹੀ । ਸ਼ਰੀਕਾਂ ਨੇ ਬਾਤ ਦਾ ਬਤੰਗੜ ਬਣਾ ਕੇ ਉਸ ਨੂੰ ਭੰਡਣਾ ਸ਼ੁਰੂ ਕਰ ਦਿੱਤਾ ਹੈ।
ਹੋਰ ਥੋੜ੍ਹੇ ਦਿਨ ਬਾਦ ਉਸ ਨੇ ਹਿੰਮਤ ਕਰ ਕੇ ਨੇੜੇ ਦੇ ਇੱਕ ਬਜਾਰ ਵਿੱਚੋਂ ਫਰਮੇ ਭੰਨਣ ਦਾ ਕੰਮ ਪਰਾਪਤ ਕਰ ਲਿਆ, ਜਿਸ ਵਿੱਚੋਂ ਉਹ ਰੁਪਏ ਬਾਰ੍ਹਾਂ ਆਨਿਆਂ ਦੀ ਰੋਜ਼ ਕਾਰ ਕਰ ਲੈਂਦੀ ਸੀ। ਇਸ ਤਰ੍ਹਾਂ ਘਰ ਦੀ ਦਾਲ ਰੋਟੀ ਦਾ ਬਾਨਣੂ ਬੱਝ ਗਿਆ।
ਬੱਸ ਵੇ ਬੀਬਿਆ, ਤੁਹਾਡੇ ਘਰ ਆਈ ਹੋਈ ਆਂ ਕੀ ਕਹਿਵਾਂ, ਜੇਹੜੀ ਤੂੰ ਮੇਰੀ ਬਾਬ ਕਰਕੇ ਆਇਆ ਏ ਓਥੇ (ਮੇਰੇ ਘਰ) ਤੇ ਏਥੇ ਵੀ ਉਪੱਦਰ ਤੋਲਨੋਂ ਬਸ ਨਹੀਂ ਕਰਦਾ। ਤੁਹਾਡੀ ਭੈਣ ਭਰਾਵਾਂ ਦੀ ਜ਼ਬਾਨ ਬਹੁਤ ਚਲਦੀ ਏ।
ਜਿਉਂ ਜਿਉਂ ਉਹਦਾ ਦਾਅ ਫਬਦਾ ਜਾਏ, ਉਹ ਦੀਆਂ ਬਾਰੀਆਂ ਖੁਲ੍ਹਦੀਆਂ ਜਾਣ ਤੇ ਉਸਦੀਆਂ ਅੱਖਾਂ ਵਿੱਚ ਇਕ ਚਮਕ ਆਂਦੀ ਜਾਏ।
ਸਚ ਮੁੱਚ ਤੂੰ ਬਾਰ੍ਹਾਂ ਭਾਲਣ ਈ ਏਂ ; ਮਿੱਠੀਆਂ ਮਿੱਠੀਆਂ ਗੱਲਾਂ ਕਰ ਕੇ ਕਿਸ ਤਰ੍ਹਾਂ ਲੋਕਾਂ ਦਾ ਦਿਲ ਜਿੱਤ ਲੈਂਦੀ ਹੈ।
ਲੋਕਾਂ ਦੇ ਹਜੂਮ ਤੇ ਇਕਦਮ ਫ਼ੌਜੀ ਬਾੜ ਝਾੜ ਸ਼ੁਰੂ ਹੋ ਗਈ। ਬਸ ਹਫੜਾ ਦਫੜੀ ਪੈ ਗਈ, ਜਿਧਰ ਕਿਸੇ ਦੇ ਸਿੰਗ ਸਮਾਏ, ਉਧਰ ਉਹ ਉੱਠ ਦੌੜਿਆ।
ਹੁਣ ਭਗਵਾਨ ਸਿੰਘ ਦੀ ਹੀ ਗੱਲ ਲੈ ਲਵੋ, ਕਿਹੜਾ ਭੜੂਆ ਇਹਦੀ ਕਹਾਣੀ ਛਾਪੇਗਾ, ਪਾਰਟੀ ਬਿਨਾਂ ਲਿਖਾਰੀ ਦਾ ਜਨਤਾ ਦੇ ਵਿੱਚ ਪਰਵੇਸ਼ ਕਰਾਉਣਾ ਬਾਂਸ ਦੇ ਖੜੇ ਕਰਨ ਦੇ ਤੁਲ ਹੁੰਦਾ ਹੈ।
ਲੜਾਈ ਵਿੱਚ ਭਰਾ ਦੇ ਮਰਨ ਨਾਲ ਉਸ ਦੀ ਬਾਂਹ ਟੁੱਟ ਗਈ।
ਸੱਜਣ ਬਾਂਹ ਦੇਵੇ ਤੇ ਨਿਗਲ ਤੇ ਨਹੀਂ ਨਾ ਜਾਣੀ ਚਾਹੀਦੀ। ਲੋੜ ਸਮੇਂ ਤਾਂ ਤੁਸਾਂ ਉਸ ਤੋਂ ਮਦਦ ਲੈ ਲਈ ਸੀ, ਹੁਣ ਸੰਕਟ ਨਿੱਕਲ ਗਿਆ ਹੈ; ਆਪਣਾ ਕੰਮ ਕਰੋ ਤੇ ਖਾਉ।